Adəm Abbaslı/AZADİNFORM. Bakıda “Qız Qalası” II beynəlxalq incəsənət festivalı start götürüb. “Azadinform” xəbər verir ki, festivalın əsas məqsədi Azərbaycanın qədim, dünya əhəmiyyətli abidələrindən olan “Qız Qalası”nın dünya miqyasında daha da populyarlaşdırılmasıdır. Festivalda dünyanın 20 ölkəsindən gələn rəssamların hər biri şəhərin rəmzi olan Qız Qalası maketini öz milli üslublarına uyğun olaraq müxtəlif naxışlar və rəsmlərlə bəzəyiblər.

Xədicə/AZADİNFORM. «Dost məclislərinə, tədbirlərə gedəndə gözüm ətrafı axtarır. Gözümü oxşayan subay xanımlara diqqət yetirirəm. Evlənmək istəyirəmsə, gərək yarımı tapım. Ancaq toy tezliklə olmayacaq. Tapacağım xanımı daha yaxından tanıdıqdan, onunla həyat yoldaşı olacağıma əmin olduqdan sonra toy qərarını verəcəyəm».

AZADİNFORM. Mədəniyyət və Turizm Nazirliyi turizm sahəsində beynəlxalq əməkdaşlığın genişləndirilməsi məqsədilə bir sıra məqsədyönlü işlər həyata keçirir. Nazirlikdən “Azadinform”a verilən xəbərə görə, beynəlxalq əməkdaşlığın genişləndirilməsi çərçivəsində Azərbaycan Turizm İnstitutu, Bakı Turizm İnformasiya Mərkəzi və Azərbaycan Turizm Assosiasiyası bu il Ümumdünya Turizm Təşkilatına “qoşulmuş üzvlər” kimi təsdiq olunub.

Xədicə/AZADİNFORM. Bir müddət əvvəl Xalq artisti Brilliant Dadaşova yaxın sənət dostu Zulfiyyə Xanbabayeva ilə birlikdə «Xatirələr» mahnısını oxuyacağı barədə məlumat vermişdi. Amma duet hələ də yazılmayıb. Xatırladaq ki, bu mahnını hər iki sənətçi ta institut illərindən zümzümə edərmişlər. Bir müddət əvvəl isə onu yeni aranjemanda yazdırmağı düşünüblər.

Xədicə/AZADİNFORM. Türkiyədə yaşayan azərbaycanlı model Nigar Talıbova orada keçirilən realiti-şouda iştirak edir. “Azadinform”un məlumatına görə, telelayihəyə ötən gün start verilib.

Adəm Abbaslı/AZADİNFORM. Son dəfə 1989-cu ildə nümayiş olunan “Əsli və Kərəm” 22 illik fasilədən sonra yenidən Azərbaycan səhnəsində canlandırılacaq.

Xədicə/AZADİNFORM. Azərbaycanlı yanaşı, bəzi qonşu dövlətlərdə dinləyici auditoriyası olan müğənni Xəyyam Nisanov təklif alıb. Bu təklif ona Rusiya şou-biznesində yeri olan tanınmış şirkətlərdən biri tərəfindən edilib. Lakin müğənni müqavilənin şərtləri ilə tanışlıqdan sonra onu yırtıb atıb. «Çoxları Rusiya şou-biznesinə qoşulmağı arzu edir.

Adəm Abbaslı/AZADİNFORM. Dövlət Gənc Tamaşaçılar Teatrında yeni layihə gerçəkləşəcək. Teatrdan “Azadinform”a verilən xəbər görə, Bakıda keçirilən “İpək yolu” II Beynəlxalq Musiqi Festivalı çərçivəsində iyunun 30-da saat 19:00-da teatrın kiçik səhnəsində alman yazıçı-dramaturqu Patrik Züskindin “Kontrabas” pyesi əsasında eyniadlı tamaşa festivalda iştirak edən qonaqlara təqdim olunacaq.

Adəm Abbaslı/AZADİNFORM. Bakıda “2+1” adlı eksperimental teatr festivalı keçiriləcək. Festivalın təşəbbüskarı və təşkilatçısı olan Azərbaycan Teatr Xadimləri İttifaqından “Azadinform”a verilən xəbərə görə, noyabrın 14-dən 20-dək keçiriləcək festivalın əsas məqsədi ölkə teatrlarında fəaliyyət göstərən rejissor, aktyor, rəssam və bəstəkarların teatr sahəsində yaradıcılıq potensialını maksimum üzə çıxarmaq, eksperimentlərə geniş meydan açaraq gənclərə daha çox imkan yaratmaq və bununla da milli teatr prosesində canlanma yaradıb, onun inkişafına yardımçı olmaqdır.

Xədicə/AZADİNFORM. Bir müddət əvvəl «Klan-A-Plan» qrupu ilə çəkdirdiyi «İki nəfər üçün stul» klipinin təqdimatını keçirən müğənni Roza Zərgərli iki yeni klipinin çəkilişinə hazırlaşır. “Azadinform”un məlumatına görə, o, hər iki klipi Azərbaycandan kənarda ekranlaşdırmağı düşünür. Öyrəndik ki, ilk çəkiləcək klip «Sənə əlvida» mahnısına nəzərdə tutulub və bu, Ukraynada aparılacaq.

Adəm Abbaslı/AZADİNFORM. “Mozalan” kinojurnalı üçün ssenari müsabiqəsinin qalibləri bəlli olub. Mədəniyyət və Turizm Nazirliyindən “Azadinform”a verilən məlumata görə, müsabiqənin əsas məqsədi “Mozalan” kinojurnalına ictimai diqqəti artırmaq, onun süjetlərini müasir həyatın tələblərinə cavab verən mövzularla zənginləşdirmək və kino-dramaturgiyanın bu növünə yeni qüvvələr cəlb etmək olub. 

Adəm Abbaslı/AZADİNFORM. Türkiyənin tanınmış sənət simalarından olan Fərhat Köçər xarici turnesi çərçivəsində Qazaxıstanda olub. “Azadinform” müğənninin rəsmi saytına istinadən bildirir ki, o, Qazaxıstanın paytaxtı Astanada böyük konsert proqramı ilə çıxış edib.

Xədicə/AZADİNFORM. Sənət aləmində özü bəstələyib özü oxuyan sənətçilərdən biri də Namiq Qaraçuxurludur. Meyxananı bir qədər müasirləşdirib mahnı janrına yaxınlaşdıran N.Qaraçuxurlu gündəmin nəbzini tutduğunu deyir. O, “Azadinform”a öz bəstəsini oxuyan sənətçiləri yüksək qiymətləndirdiyini deyib:


Xədicə/AZADİNFORM. Rəqqas İlham Kərimli müxtəlif xalqların milli rəqsindən ibarət popuriyə klip çəkdirib. Popuridə ispan, Hindistan və Azərbaycan rəqsləri yer alıb. “Azadinform”un məlumatına görə, klip rəqqasların ifaları ilə bərabər, rəngarəng milli geyimlərlə tamaşaçının zövqünü oxşayır. Rəqslərə İlham Kərimli özü quruluş verib.

Atif Eyvazov/AZADİNFORM. Azərbaycanın Almaniyadakı səfirliyində azərbaycanlı pianoçu, hazırda bu ölkədə yaşayan Elnarə İsmayılovanın iştirakı ilə “Azərbaycan musiqisinin inciləri” adlı konsert keçirilib. Diasporla İş üzrə Dövlət Komitəsindən “Azadinform”a verilən məlumata görə, konsert Diplomatik Klubla Azərbaycan səfirliyinin birgə əməkdaşlığı ilə təşkil edilib və musiqimizin Almaniyada layiqli təbliğatçısı Elnarə İsmayılovanın fəxri medalla təltifinə həsr olunub.

Adəm Abbaslı/AZADİNFORM. Rusiyanın “Kultura” telekanalının Alla Siqalovanın müəllif və aparıcısı olduğu “Göz-gözə” telelayihəsinin Azərbaycan mədəniyyətindən bəhs edən buraxılışı hazırlanıb.

Adəm Abbaslı/AZADİNFORM. Mr.Saxobeat mahnısı ilə bir ildən artıqdır ki, efirlərdən düşməyən və Azərbaycanda da çoxsaylı fanat auditoriyasına sahib olan Alexandra Stan Bakıda konsert verəcək.

Xədicə/AZADİNFORM. Vasif Məhərrəmlinin toy qiymətini 7 min manatdan 5 minə endirməsini bəzi sənətçi dostları müxtəlif cür qarşılayır. Müğənni isə onların bu cür yanaşmalarını qəbul edə bilmir.

Xədicə/AZADİNFORM. Abbas Bağırov yaxın günlərdə televiziya üçün mini-konsertinin çəkilişlərinə başlayacaq. Çoxdan gözlənilən və müğənninin vaxt məhdudiyyəti səbəbindən çəkilə bilməyən konsertin rejissoru Etibar Babayevdir. Müğənni “Azadinform”a bildirib ki, çəkilişin gecikməsinin səbəblərindən biri də çoxlu kilo alması olub:

Adəm Abbaslı/AZADİNFORM. Hər il İsveçrədə ənənəvi olaraq keçirilən Montre Caz Festivalının açılışı üçün son tamamlama işləri aparılır.

 
275 səhifə 292-dən (dan) << < 271 272 273 274 275 276 277 278 279 > >>
 Xəbər lenti
19.03.2019
 Arxiv
Mart.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728293031
 
2019 All right reserved www.azadinform.az Powered by Danneo