Adəm Abbaslı/AZADİNFORM. Avstriyanın “Ebensee” əsir düşərgəsində faşizmin qurbanı olmuş soydaşlarımızın xatirəsinə abidə ucaldılıb. Abidənin rəsmi açılışı sabah keçiriləcək.

Xədicə/AZADİNFORM. Müğənni Ayaz Qasımov repertuarını təzələyir. O, bura həm duet, həm də yeni bəstəkar mahnıları daxil edir. Onun “Azadinform”a bildirdiyinə görə, duet mahnılar onun yaradıcılığında geniş yer almır. Bu səbəbdən də o, oxuyacağı dueti yenilik  hesab edir.

Günel Əbilova/AZADİNFORM. “Kişilər üçün yaratdığım ətrin istehsalı son mərhələdədir”. Bu sözləri  “Azadinform”a müsahibəsində Əməkdar incəsənət xadimi, modelyer Fəxriyyə Xələfova deyib.

Adəm Abbaslı/AZADİNFORM. Mayın 6-da M.F.Axundov adına Azərbaycan Milli Kitabxanasında 2011-ci il üzrə “Qızıl Kəlmə” Ədəbi Mükafatının təltifolunma mərasimi keçiriləcək.

AZADİNFORM. İsveçrə Milli Kitabxanasının direktoru Mari-Kristin Doffininin Azərbaycana səfəri gözlənilir. “Azadinform” xəbər verir ki, İsveçrədə səfərdə olan Milli Kitabxananın direktoru Kərim Tahirov səfərlə bağlı xanım  Doffiyə dəvət məktubu verib. 

AZADİNFORM. Azərbaycan Milli Kitabxanasının direktoru Kərim Tahirov İsveçrədə rəsmi səfərdədir. Səfər çərçivəsində M.F.Axundov adına Azərbaycan Milli Kitabxanası ilə İsveçrə Milli Kitabxanası arasında qarşılıqlı əməkdaşlıq haqqında Memorandum imzalanıb.

AZADİNFORM. Mayın 10-u Heydər Əliyev adına Sarayın qarşısında gül bayramı təşkil ediləcək. Bakı Şəhər İcra Hakimiyyətindən “Azadinform”a verilən məlumata görə, ümummilli liderin  anadan olmasının 88-ci ildönümənə həsr ediləcək gül bayramı saat 11:00-dan 19:00-a-dək  Heydər Əliyev Parkında olacaq. 

Xədicə/AZADİNFORM. «Eurovision»un builki milli seçim turlarından yarımfinala qədər gəlib çatan Xalq artisti Aygün Kazımovanın qızı İlqarə İbrahimova ən böyük dəstəyi məhz anasından görmüşdü. Aygün Kazımova “Azadinform”a bildirib ki, yaradıcılığı dövründə özünə qızı qədər həyəcan keçirməyib.

Xədicə/AZADİNFORM. Azərbaycanın Eurovision-2011 təmsilçiləri - Eldar və Nigar Düsseldorfdakı Euroklubda Türkiyə nümayəndə heyətinin rəsmi tədbirində çıxış edib.

Adəm Abbaslı/AZADİNFORM. Mayın 7-8-i tarixlərində ABŞ-ın Hyuston şəhərində İpək Yoluna həsr olunacaq Hyuston Beynəlxalq Festivalı keçiriləcək. Festival çərçivəsində təşkil olunacaq tədbirlərdə İpək Yolu ölkələri və Hyustonla qardaşlaşmış şəhərlərlə yanaşı, ölkəmizin rəsmi heyət və ifaçı qruplarından ibarət nümayəndə heyətinin də iştirakı nəzərdə tutulur.

Adəm Abbaslı/AZADİNFORM. Bir müddət əvvəl Sankt-Peterburqdakı “Puşkinskiy dom” Rus Ədəbiyyatı İnstitutunda Azərbaycan musiqi folkloru nümunələrinin (səs yazılarının) və həmin materiallara aid yazılı sənədlərin saxlanıldığı müəyyən edilmişdir. Keçən əsrin 20-30-cu illərində keçirilmiş ekspedisiyalar zamanı toplanmış bir sıra muğam, aşıq musiqisi, digər Azərbaycan folkloru nümunələri erməni xalq musiqisi kimi qeydə alınmışdır. Mədəniyyət və Turizm Nazirliyindən “Azadinform”a verilən məlumata görə, nazirliyin Rusiya tərəfi ilə apardığı danışıqlar nəticəsində sözügedən materiallar rəqəmsal daşıyıcılara köçürülərək Vətənə qaytarılıb.

Mübariz Aslanov/AZADİNFORM. Azərbaycanda muğam sənətinin qorunması üçün ayrıca Dövlət Proqramı qəbul ediləcək. “Azadinform” xəbər verir ki, bununla bağlı Milli Məclisdə hazırlanan “Azərbaycanda muğam sənətinin qorunması və inkişaf etdirilməsi haqqında” yeni Qanun layihəsində nəzərdə tutulub.

Adəm Abbaslı/AZADİNFORM. Bu gün H.Sarabski adına Mədəniyyət Evi Nəsimi rayon İcra Hakimiyyəti ilə birgə Gül Bayramı ilə əlaqədar konsert proqramı təşkil edəcək. Bu barədə məlumatı “Azadinform”a Mədəniyyət və Turizm İdarəsindən veriblər.

AZADİNFORM.  Bəstəkarlar İttifaqı II Beynəlxalq İpək Yolu Festivalına hazırlıq işlərinə başlayıb. İttifaqın sədri Firəngiz Əlizadə bildirib ki, 1-ci festivaldan fərqli olaraq, 2-ci Beynəlxalq İpək Yolu Festivalı çərçivəsində olan tədbirlər Bakı və Gəncə şəhərlərində keçiriləcək.

AZADİNFORM. Yaxın aylarda İsveçrədə gənc bəstəkarların əsərlərindən ibarət konsert keçirilməsi üzrə beynəlxalq layihə gerçəkləşdiriləcək. Həmin konsertdə Azərbaycanı gənc bəstəkarlardan Firuddin Allahverdi və Səid Qəni təmsil edəcək.

AZADİNFORM. Bakı Şəhər Mədəniyyət və Turizm İdarəsindən “Azadinform”a verdiyi məlumata görə, mayın 9-13-də Küveytdə, 23-27-də isə Çində Azərbaycan mədəniyyəti günləri keçiriləcək. Mədəniyyət günləri çərçivəsində foto, təsviri incəsənət və xalça sərgilərinin təşkili, eləcə də Azərbaycan folkloru nümunələrinin təqdim olunması planlaşdırılıb.

AZADINFORM. Mayın 18-də Cəfər Cabbarlı adına Teatr Muzeyində Beynəlxalq Muzeylər Gününə həsr olunan tədbir keçiriləcək.

AZADİNFORM. Akademik Milli Dram Teatrında görkəmli rejissor və aktyor Adil İsgəndərovun 90 illik yubileyinə həsr olunan  tədbir keçiriləcək. Cəfər Cabbarlı adına Dövlət Teatr Muzeyi bu münasibətlə öz fond materialları əsasında teatrın foyesində sərgi təşkil edəcək.

AZADİNFORM. “Azadinform”un Bakı Şəhər Mədəniyyət və Turizm İdarəsindən aldığı məlumata görə, mayın 5-də Müasir İncəsənət Mərkəzində (MİM) "Treasures of Art" sərgisi keçiriləcək. Sərgidə dünya şöhrətli Van Cleef & Arpels (VCA) brendinin 100-dən artıq zərgərlik əşyası nümayiş olunacaq.

Xədicə/AZADİNFORM. Uzun fasilədən sonra müğənni Elmira Ələkbərzadə konsert proqramı ilə çıxış edəcək. Lakin onun çıxışı adət etdiyimiz konsert salonlarında deyil, rəsm sərgisi keçirilən salonların birində baş tutacaq.

 
266 səhifə 271-dən (dan) << < 262 263 264 265 266 267 268 269 270 > >>
 Xəbər lenti
23.11.2017
 Arxiv
Noy.2017
Be.Ça.Çə.Ca.Cü.Şə.Ba.
  12345
6789101112
13141516171819
20212223242526
27282930   
 
2017 All right reserved www.azadinform.az Powered by Danneo