Həbibə/AZADİNFORM. “Gartner” analitik şirkəti dünya miqyasında ənənəvi fərdi kompüterlərə tələbatın azalacağını proqnozlaşdırır. “Azadinform” Rabitə və İnformasiya Texnologiyaları Nazirliyinin elektron xəbər xidmətinə istinadən xəbər verir ki, hesablamalara əsasən, 2011-ci ildə təxminən 365 milyon masaüstü kompüter, noutbuk və netbuk satılıb. Cari ildə gözlənildiyinə görə, satış 1,5 milyon ədəd və ya 0,4 faiz azalaraq 363 milyon təşkil edəcək. Proqnoz özünü doğrultsa, bu, fərdi kompüterlər bazarında son onilliklər ərzində qeydə alınan ikinci azalma olacaq.

AZADİNFORM. Bu gün “Jumeirah Bilgah Beach Hotel”də “Qafqaz regionunda yeni perspektivlər” mövzusunda keçiriləcək III Azərbaycan Beynəlxalq Sığorta Forumunun açılış mərasimi baş tutub. 

Həbibə/AZADİNFORM. Sumqayıtda ARDNŞ-nin Təlim, Tədris Mərkəzinin açılışı olub. ARDNŞ-dən “Azadinform”a verilən məlumata görə, açılış mərasimində şirkətin prezidenti Rövnəq Abdullayev iştirak edib.

Həbibə/AZADİNFORM. Kiyevdə ARDNŞ-in prezidenti Rövnəq Abdullayevin iştirakı ilə “SOCAR” brendi altında fəaliyyət göstərən 4-cü yanacaqdoldurma məntəqəsinin açılışı olub. 

Həbibə/AZADİNFORM. Azərbaycan Respublikası Prezidentinin 2012-ci il 2 iyul tarixli Fərmanı ilə Dövlət Neft Fondunun 2012-ci il üçün büdcəsinə dəyişikliklər edilib.

Həbibə/AZADİNFORM. Mərkəzi Bankın valyuta ehtiyatları  11 mlrd. ABŞ dollarını ötüb.

Həbibə/AZADİNFORM. Yanvar-aprel aylarında Əmlak Məsələləri Dövlət Komitəsinin (ƏMDK) Daşınmaz Əmlakın Dövlət Reyestri Xidmətinin (DƏDRX) göstərdiyi xidmətlərin əksəriyyəti üzrə artım baş verib. “Azadinform” “Daşınmaz Əmlak” jurnalına istinadən xəbər verir ki, bu dövrdə tərtib olunan texniki pasportların sayı ötən ilin eyni dövrünə nisbətən 12,5%, yüklülük 67%, ipoteka qeydiyyatı 51%-dən çox, müayinə aktları 39%, məhdudlaşdırmaya dair arayışlar 19% artıb.

                                                           
Həbibə/AZADİNFORM. ARDNŞ-nin baş ofisində şirkət rəhbərliyi ilə Argentinanın xarici işlər və etiqad naziri Hektor Timermanın rəhbərlik etdiyi nümayəndə heyəti arasında görüş olub.

Həbibə/AZADİNFORM. 2012-ci ilin aprel ayında ölkədə 12 214 əmlak üzərində mülkiyyət hüququ qeydə alınıb. “Azadinform” Əmlak Məsələləri Dövlət Komitəsinə istinadən xəbər verir ki, aparılan qeydiyyatın 3 648-i (29,9%) ilkin, 8 566-sı (70,1%) təkrar qeydiyyata aiddir. Mart ayında 11 601 əmlaka texniki pasport, 12 743 müayinə aktı tərtib edilib, 125 yüklülük, 2 946 ipoteka qeydə alınıb. Ötən ay məhdudlaşdırmaya dair 10 388 arayış, əhaliyə xidmətlə bağlı isə 2 441 müxtəlif arayışlar verilib.

AZADİNFORM. Dövlət Sosial Müdafiə Fondunun daxili informasiya sisteminin “Hökumət Ödəniş Portalı”na inteqrasiya olunması uğurla başa çatdırılıb. Mərkəzi Bankdan “Azadinform”a verilən məlumata görə, bununla da sahibkarlıq fəaliyyəti ilə məşğul olan fiziki şəxslər, torpaq pay mülkiyyətçiləri və digər sığortaedənlərin ödənişlərinin “Hökumət Ödəniş Portalı”nın infrastruktur imkanlarından istifadə edilməklə qəbul edilməsinə başlanılıb.

AZADİNFORM. Bu gün Bakıda İqtisadi İnkişaf Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Argentina biznes forumu keçirilir. “Azadinform” xəbər verir ki, tədbiri Azərbaycanın iqtisadi inkişaf naziri Şahin Mustafayev açaraq ölkəmizdə həyata keçirilən iqtisadi islahatlar, əldə olunan nailiyyətlər barədə danışıb. Nazirin sözlərinə görə, iki ölkə arasında iqtisadi əlaqələrin göstəriciləri böyük deyil, lakin siyasi iradə və iki ölkənin mövcud böyük iqtisadi potensialı onların artacağından xəbər verir.

AZADİNFORM. ARDNŞ-nin Marketinq və İqtisadi Əməliyyatlar İdarəsi 2012-ci ilin iyun ayında Novorossiysk limanından 164 min 662 ton, Supsa limanından 80 min 788 ton, Ceyhan limanından 1 milyon 618 min 587 ton xam neft ixrac edib.

Adəm Abbaslı/AZADİNFORM. İqtisadi İnkişaf Nazirliyinin Sahibkarlığa Kömək Milli Fondu (SKMF) Ağdaş rayonunun Ləki qəsəbəsində “Sahibkarlığın inkişafına dövlət dəstəyi” mövzusunda tədbir keçirib.

AZADİNFORM. Yaxın gələcəkdə MDB ölkələrində ciddi iqtisadi böhran gözlənilir. İqtisadi böhran özünü daha çox Rusiya, Ukrayna və Qazaxıstan iqtisadiyyatında göstərəcək.

AZADİNFORM. Bu gün Azərbaycan və Almaniyanın Şimali Reyn-Vestfaliya vilayəti sahibkarlarının iştirakı ilə biznes-forum keçirilib. İqtisadi İnkişaf Nazirliyinin mətbuat xidmətindən “Azadinform”a verilən məlumata görə, biznes-forum Azərbaycanda İxracın və İnvestisiyaların Təşviqi Fondunun (AZPROMO) dəstəyi və Almaniya-Azərbaycan İqtisadi İttifaqının (DAWF) təşkilatçılığı ilə reallaşıb.  

AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Abşeron rayonu, Masazır qəsəbəsi, S.Ə.Şirvani küçəsi, 100 ünvanında “Ulduz-55” MMC-yə məxsus istehsalat sahəsində aparılan yoxlama zamanı qazlı və qazsız suların reseptura olmadan istehsal edildiyi, məhsulun etiketində suyun mənbəyi “Gədəbəy rayonu, Slavyanka kəndi” göstərildiyi halda həmin suların qeyd edilən mənbədən olmadığı, habelə istehsal edilən məhsulların laborator müayinədən keçirilmədən satıldığı aşkar edilib. Bu barədə məlumatı “Azadinform”a nazirliyin mətbuat xidmətindən veriblər. 

AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinqlər keçirilib. Bu barədə məlumatı “Azadinform”a nazirliyin mətbuat xidmətindən veriblər.

 

 

AZADİNFORM. Ölkədə fəaliyyət göstərən 44 bankın cəmi 2-si region bankıdır. Bankomatların 60%-i, POS-terminalların 90%-dən çoxu paytaxtda quraşdırılıb. 

AZADİNFORM. “Yardımlı Elektrik Şəbəkəsi” rayonun enerji təsərrüfatında mühüm təmir-bərpa işlərini davam etdirir. Elektrik enerjisi ilə təminatda dayanıqlığın təmin olunması məqsədilə yarımstansiyalarda yağ açarları, transformatorlar təmir edilir. 

AZADİNFORM. Cari ilin son üç ayı ərzində “Cəlilabad Elektrik Şəbəkəsi”nin (EŞ) xidməti ərazisində həyata keçirilən yenidənqurma işləri çərçivəsində smartkart tipli sayğacların quraşdırılması məqsədilə 1,9 kilometrdən artıq koaksal, 34,6 kilometrdən çox SİP kabel xətti çəkilib. “Azərenerji” ASC-nin mətbuat xidmətindən “Azadinform”a verilən məlumata görə, eyni zamanda 10, 6 və 0,4 kV-lik EVX-lərin ümumilikdə 9,8 kilometrdən artıq hissəsi təmir edilib. 

 
764 səhifə 883-dən (dan) << < 760 761 762 763 764 765 766 767 768 > >>
 Xəbər lenti
19.03.2019
 Arxiv
Mart.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728293031
 
2019 All right reserved www.azadinform.az Powered by Danneo