AZADİNFORM. Dövlət Neft Şirkəti 2012-ci ilin sentyabr ayında dövlət büdcəsinə 119 milyon 940 min manat vəsait ödəyib. ARDNŞ-dən “Azadinform”a verilən məlumata görə, ümumiyyətlə, 2012-ci ilin yanvar-sentyabr aylarında büdcəyə 1 milyard 33 milyon 849 min manat ödənib. Bu göstərici 2011-ci ilin müvafiq dövrü ilə müqayisədə 79 milyon 987 min manat və ya 108,4 faiz çox olub. 

AZADİNORM. 2012-ci ilin sentyabr ayında nəqliyyat sektorunda yükdaşıma və sərnişindaşıma tarifləri uyğun olaraq 0,5 faiz və 0,1 faiz azalıb. Dövlət Statistika Komitəsindən “Azadinform”a verilən məlumata görə, dəmir yolu nəqliyyatında 10 ton yükün 1 km məsafəyə daşınmasının orta tarifi idxal üzrə 9,9 faiz, yerli əlaqə üzrə 7,8 faiz, ixrac üzrə 0,8 faiz, tranzit üzrə 1,7 faiz, həmçinin MDB ölkələrinə sərnişindaşıma tarifləri 7,0 faiz ucuzlaşıb.

AZADİNFORM. 2012-ci ilin yanvar-sentyabr ayları ərzində ölkədə hüquqi şəxslərin sayı artmaqda davam edib və qeydiyyatdan keçmiş 3883 hüquqi şəxsin 136-sı dövlət mülkiyyətinə, 3296-sı xüsusi mülkiyyətə, 362-si tam xarici investisiyalı, 88-i birgə müəssisələrə, 1-i isə bələdiyyə mülkiyyətinə aid olub.

AZADİNFORM. 2012-ci ilin doqquz ayı ərzində “Aqrolizinq” ASC-nin xətti ilə kənd təsərrüfatı məhsulları istehsalçılarına 27,5 milyon manat dəyərində kənd təsərrüfatı maşın və avadanlıqları satılıb və verilib.

Həbibə/AZADİNFORM. Azərbaycan Respublikasının Qiymətli Kağızlar üzrə Dövlət Komitəsində (QKDK)  Dünya Bankının nümayəndə heyəti ilə görüş keçirilib.

Həbibə/AZADİNFORM. “Qələbə” meydanındakı müxtəlif səviyyəli yol qovşağının tikintisi 2013-cü ildə yekunlaşacaq. “Azəryolservis” ASC-dən “Azadinform”a verilən məlumata görə, hazırda tikintisi davam etdirilən yol qovşağı kompleksinə 6 tunel, 2 piyada keçidi və metronun “Gənclik” stansiyasının 2 çıxışının tikintisi daxildir.

Həbibə/AZADİNFORM. Yaponiyanın Tokio şəhərində Beynəlxalq Valyuta Fondunun (BVF) və Dünya Bankının 67-ci illik iclası keçirilib. 188 ölkənin iqtisadiyyat və maliyyə nazirləri, Mərkəzi Bank rəhbərlərinin iştirak etdiyi toplantıda qlobal iqtisadi inkişaf, avro bölgəsində davam edən borc böhranı və digər ölkələrə təsirləri, işsizliyin və yoxsulluğun azaldılması kimi mövzular ətrafında müzakirələr aparılıb.

Həbibə/AZADİNFORM. Azərbaycan Respublikası Prezidentinin 2011-ci il 7 iyul tarixli Sərəncamı ilə təsdiq olunmuş “Azərbaycan gəncliyi 2011-2015-ci illərdə Dövlət Proqramı”na uyğun olaraq, İqtisadi İnkişaf Nazirliyinin təşkilatçılığı ilə xaricdə təhsil almış gənclər üçün Bakı Biznes Mərkəzində əmək yarmarkası keçiriləcəkdir.

Həbibə/AZADİNFORM. 2013-cü ildə dövlət büdcəsinin yerli gəlirləri 696,6 milyon manat proqnozlaşdırılır ki, bu da 2012-ci illə müqayisədə 197,2 milyon manat və ya 39,5 faiz çoxdur. “Azadinform” gələn ilin büdcə layihəsinə istinadən xəbər verir ki, növbəti ildə Bakı şəhəri istisna olmaqla ölkənin digər rayon və şəhərləri üzrə gəlirlər 484,4 milyon manat olacaq. Bu, 2012-ci illə müqayisədə 107,3 milyon manat və ya 28,4 faiz çox deməkdi.

 

Həbibə/AZADİNFORM. Azərbaycan Respublikası Prezidentinin Ehtiyat Fondu gələn il büdcə gəlirlərinin 1,8 faizini (347 milyon manat) təşkil edəcək.

Həbibə/AZADİNFORM. 2013-cü ilin dövlət büdcəsindən Sahibkarlığa Kömək Milli Fonduna 150 mln. manatın ayrılması nəzərdə tutulur ki, bu da 2012-ci il ilə müqayisədə 66,5% çoxdur. “Azadinform” gələn ilin dövlət büdcəsi layihəsinə istinadən xəbər verir ki, kənd təsərrüfatı məhsullarının istehsalı ilə məşğul olan fermerlərə kreditlərin verilməsi üçün Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinə 8 mln. manat, kənd təsərrüfatı texnikasının lizinq yolu ilə satışı üçün “Aqrolizinq” ASC-yə 35 mln. manatın ayrılması nəzərdə tutulur.

Gələn il Azərbaycanda sosial ipotekanın tətbiqinin genişləndirilməsi üçün dövlət büdcəsindən İpoteka Fonduna 40 mln. manat ayrılması nəzərdə tutulur ki, bu da 2012-ci ilin göstəricisindən 2 dəfə çoxdur.

Həbibə/AZADİNFORM. 2012-ci ilin 1 oktyabr tarixinə əmək pensiyalarının orta aylıq məbləği 151,3 manata, o cümlədən yaşa görə əmək pensiyasının orta aylıq məbləği 167,7 manata çatıb. “Azadinform”a Dövlət Sosial Müdafiə Fondundan verilən məlumata görə, hazırda ölkə üzrə əmək pensiyalarının orta aylıq məbləğinin əməkhaqlarının orta aylıq məbləğinə nisbəti 40 faiz, yaşa görə əmək pensiyalarının orta aylıq məbləğinin əməkhaqlarının orta aylıq məbləğinə nisbəti isə 45 faiz təşkil edir. 

Həbibə/AZADİNFORM. 2013-cü ilin dövlət büdcəsinin xərcləri ümumi daxili məhsulun 35,3 faizini təşkil etməklə 19,8 milyard manat proqnozlaşdırılır. 

Həbibə/AZADİNFORM. 2013-cü ildə Azərbaycanda əhalinin gəlirlərinin cari ilin gözləniləninə nisbətən real ifadədə 9,1 faiz artaraq 39,7 milyard manat təşkil edəcəyi proqnozlaşdırılır.

Həbibə/AZADİNFORM. Gələn il Azərbaycanda inflyasiya 5,7 faiz həcmində proqnozlaşdırılır. 

Azərbaycanda yeni neft, qaz və kimya kompleksinin istismara verilməsi ilə əlaqədar mövcud neft emalı zavodlarının fəaliyyəti dayandırılacaq.

Bunu Azərbaycan Dövlət Neft Şirkəti strateji inkişaf şöbəsinin rəisi Ramiz Əliyev bildirib.


Azərbaycanda 2013-cü ildə siyasi partiyaların maliyyələşməsi üçün 2 milyon manat ayrılacaq. Bu barədə Maliyyə Nazirliyinin  yaydığı Azərbaycanın 2013-cü il üzrə dövlət büdcəsinin layihəsində qeyd olunur.

Azərbaycanın 2013-cü il və sonrakı üç il üzrə dövlət büdcəsinin layihəsinə görə, gələn il dövlət büdcəsinin gəlirləri 19,154 milyard manat (2013 -cü il üzrə proqnozlaşdırılan ÜDM-in 34,2 faizi), xərcləri 19,81 milyard manat (ÜDM-in 35,2 faizi) təşkil edəcək.

İranın neft hasilatı bu ilin sentyabrında gündəlik 50 min barelə qədər azalıb.“Fars” xəbər agentliyinin məlumatına görə, bu barədə ABŞ Enerji İnformasiya Təşkilatının yaydığı son hesabatında bildirilir.

 
580 səhifə 728-dən (dan) << < 576 577 578 579 580 581 582 583 584 > >>
 Xəbər lenti
15.12.2017
 Arxiv
Dek.2017
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728293031
 
2017 All right reserved www.azadinform.az Powered by Danneo