Həbibə/AZADİNFORM. İqtisadi İnkişaf Nazirliyinin (İİN) Sahibkarlığa Kömək Milli Fondu (SKMF) “Sahibkarlığın inkişafına dövlət dəstəyi” mövzusunda növbəti tədbirini Bakının Bülbülə qəsəbəsində keçirib. “Azadinform”a nazirlikdən verilən məlumata görə, tədbirdən əvvəl fondun güzəştli krediti hesabına maliyyələşdirilmiş “Hövsan Quşçuluq” MMC-nin illik istehsal gücü 3000 ton quş əti və 18 mln. ədəd əmtəəlik yumurta olan müasir quşçuluq təsərrüfatında aparılan tikinti-quraşdırma işlərinə baxış keçirilib.

Həbibə/AZADİNFORM. Vergilər Nazirliyi “2012-ci ildə vergi borcu olmadan” adlı aksiyaya start verib. Nazirliyin Analitik informasiya şöbəsindən “Azadinform”a verilən məlumata görə, aksiya vergi ödəyicilərinin vergi qanunvericiliyi ilə müəyyən edilmiş öhdəliklərinin vaxtında yerinə yetirilməsi üçün məlumatlandırılması, habelə vergi borcu olan vergi ödəyicilərinə borcları barədə məlumatların fərdi qaydada çatdırılması məqsədi daşıyır.

Həbibə/AZADİNFORM. “Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı”nın icrası çərçivəsində Bakı-Böyük Kəsik istiqamətində 317 km yolun əsaslı təmiri davam edir.

Həbibə/AZADİNFORM. Bakı Fond Birjasında Azərbaycan İpoteka Fondunun faizli, adlı, sənədsiz, təmin edilmiş istiqrazlarının növbəti yerləşdirilməsi həyata keçiriləcək və hərraca 3 000 000 AZN həcmində istiqraz çıxarılacaq. Fonddan “Azadinform”a verilən məlumata görə, istiqrazlar 1000-1500 manat qiyməti ilə satışa çıxarılacaq. İstiqrazları əldə etmək istəyən şəxslər “Bakı Fond Birjası” QSC-nin üzvü olan və broker lisenziyasına malik olan təşkilatlara müraciət edə bilərlər.

Həbibə/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinqlər keçirilib.

Həbibə/AZADİNFORM. Heydər Əliyev Fondunun vitse-prezidenti Leyla Əliyevanın təşəbbüsü ilə reallaşdırılan IDEA (“International Dialogue for Environmental Action”) kampaniyası ictimaiyyəti ətraf mühitin mühafizəsi sahəsində maarifləndirmək üçün mütəmadi olaraq tədbirlər keçirir. “Azadinform”un məlumatına görə,  “Təmiz Şəhər” ASC də bu tədbirlərin keçirilməsində yaxından iştirak edir və dəstək olur.

Həbibə/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti regionlarda istehlakçıların maarifləndirilməsi istiqamətində növbəti tədbirini Astara rayonunda təşkil edib. Nazirlikdən “Azadinform”a verilən məlumata görə, konfransda Səhiyyə və Kənd Təsərrüfatı nazirliklərinin, Standartlaşdırma, Metrologiya və Patent üzrə Dövlət Komitəsinin, Astara Rayon İcra Hakimiyyətinin, ictimai təşkilatların nümayəndələri və 300-yə yaxın istehlakçı iştirak edib.


Həbibə/AZADİNFORM. Azərbaycan Hökumətinin və Dünya Bankının birgə maliyyələşdirdiyi “Milli Su Təchizatı və Kanalizasiya Xidmətləri Layihəsi” çərçivəsində tikinti işlərinə məsləhət xidmətinin göstərilməsi üçün şirkətin cəlb edilməsi məqsədi ilə keçirilmiş tenderin qalibi Almaniyanın “p2mberlin GmbH” şirkəti olub. “Azərsu” ASC-dən “Azadinform”a verilən məlumata görə, artıq Açıq Səhmdar Cəmiyyəti ilə  Almaniyanın “p2mberlin GmbH” şirkəti arasında məsləhət xidmətlərinin göstərilməsinə dair müqavilə imzalanıb.

Həbibə/AZADİNFORM. Azərbaycan Respublikası Qiymətli Kağızlar üzrə Dövlət Komitəsinin qərarı ilə “Azərbaycan Respublikasının emitentlərinin qiymətli kağızlarının Azərbaycan Respublikası ərazisindən kənarda yerləşdirilməsi haqqında Qaydaları” təsdiq edilib.

Həbibə/AZADİNFORM. “Mingəçevir Su Elektrik Stansiyaları Silsiləsi”ndə fevral ayında 122 milyon kilovatsaat proqnoza qarşı 123 milyon kilovatsaata yaxın elektrik enerjisi istehsal edilib.

Həbibə/AZADİNFORM. Xaçmaz EŞ-də cari ilin ötən iki ayı ərzində keçirilmiş reydlər zamanı 89 istehlakçının sayğac uçot komplektində pozuntu faktı aşkar edilib.

Həbibə/AZADİNFORM. Kənd təsərrüfatı naziri İsmət Abasov Qətər Dövlətinin Azərbaycandakı səfiri Şeyx Mubarak Bin Farhad Al-Thani ilə görüşüb. Kənd Təsərrüfatı Nazirliyindən “Azadinform”a verilən məlumata görə, görüşdə Azərbaycan ilə Qətər arasında ikitərəfli əməkdaşlıq əlaqələri müzakirə olunub.

Adəm Abbaslı/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Məhəbbət Məmmədovaya məxsus istehsalat sahəsində aparılan yoxlama başa çatıb.

AZADİNFORM. Böyük Britaniya Lordlar Palatasının üzvü Şeyx Mühammədin rəsmi dəvəti ilə Palatada təşkil olunmuş mərasimdə ARDNŞ-nin Ekologiya üzrə vitse-prezidenti Rəfiqə Huseynzadə “ARDNŞ-nin Ekoloji Strategiyası” mövzusunda təqdimat keçirib. Bu barədə məlumatı “Azadinform”a ARDNŞ-dən veriblər.

AZADİNFORM. Kompleks Qazma İşləri Trestinin “Abşeron” Qazma İşləri İdarəsi tərəfindən “Buzovna” yatağında 1376 nömrəli quyunun qazma işlərinə başlanılıb.

AZADİNFORM. “Səngəçal Elektrik Stansiyası”da ötən il ərzində istehsal olunaraq sistemə ötürülən elektrik enerjisinin miqdarı 1 milyard 245,2 milyon kilovatsaata yaxın olub ki, bu da proqnozlaşdırıldığından 11,5 milyon kilovatsaat çoxdur. Bu barədə məlumatı “Azadinform”a “Azərenerji” ASC-nin mətbuat xidmətindən veriblər.


AZADİNFORM. “Füzuli Elektrik Şəbəkəsi”nin (EŞ) xidməti ərazisində əvvəlki dövrlərlə müqayisədə cari ilin yanvarında sərfiyyat artıb ki, bunun da müxtəlif səbəbləri var.

AZADİNFORM. Azərbaycanın İlk Mobil Operatoru və Aparıcı Mobil İnternet Təchizatçısı olan Bakcell şirkəti böyük məmnuniyyətlə məhdud müddəti əhatə edən yeni kampaniyanı elan edir. İndi 3G sistemini dəstəkləyən Nokia C2-01 telefonunu pulsuz ƏlaCİN /DoğmaCİN nömrə ilə birgə sərfəli qiymətə alan müştərilərimiz iyun ayının sonuna qədər şənbə və bazar günləri pulsuz şəbəkədaxili zənglərdən yararlanacaqlar.

Adəm Abbaslı/AZADİNFORM. Bakı-Böyük Kəsik istiqamətində 317 km dəmir yolunun əsaslı təmiri davam edir. “Azərbaycan Dəmir Yolları” QSC-dən “Azadinform”a verilən məlumata görə, bu gün Əlikənd stansiyasında tək istiqamətdə 1450 metr yol əsaslı təmir olunacaq. Səhər saatlarından əsaslı təmir işlərinə başlanılan köhnə yolun söküntüsü artıq başa çatmaq üzrədir.

AZADİNFORM. “Azadkənd-İmişli” magistral qaz kəmərində aparılan təmir-bərpa işləri ilə əlaqədar olaraq bu gün saat 09:00-dan etibarən kəmərdə təbii qaz təchizatı dayandırılacaq.

 
580 səhifə 672-dən (dan) << < 576 577 578 579 580 581 582 583 584 > >>
 Xəbər lenti
22.08.2017
 Arxiv
Avq.2017
Be.Ça.Çə.Ca.Cü.Şə.Ba.
 123456
78910111213
14151617181920
21222324252627
28293031   
 
2017 All right reserved www.azadinform.az Powered by Danneo