Mübariz Aslanov/AZADİNFORM. Dekabrın 9-u və 10-da Lənkəran-Astara bölgəsinə yağan intensiv yağışla əlaqədar ərazidən axan çaylarda sululuğun bir qədər artımı müşahidə olunub. Bu barədə məlumatı “Azadinform”a Ekologiya və Təbii Sərvətlər Nazirliyinin Milli Hidrometeorologiya Departamentindən veriblər.

Atif Eyvazov/AZADİNFORM. “Dövlət İnvestisiyaları üzrə Kadr Potensialının Gücləndirilməsi Layihəsi” adlı qısametrajlı film çəkiləcək. 

Atif Eyvazov/AZADİNFORM. AMEA M.Füzuli adına Əlyazmalar İnstitutunun direktoru vəzifəsini icra edən, filologiya elmləri doktoru Paşa Kərimov ABŞ-ın Merilend ştatının Baltimor şəhərindəki Volters İncəsənət Muzeyində saxlanan və Şərq əlyazmaları kolleksiyasına daxil olan 328 əlyazma kitabının və çoxsaylı miniatür, xəttatlıq nümunələrinin elektron variantını, rəqəmsal faksimilesini əldə edib.  Əlyazmalar İnstitutundan “Azadinform”a verilən məlumata görə, buraya ən qədim və nəfis Quran nüsxələri, Firdovsinin “Şahnamə”si, Nizami, Ə.Nəvai, Ə.X.Dəhləvinin  “Xəmsə”ləri, Cəlaləddin Rumi, Sədi, İ.Əhmədi, Ə.Cami, Babur, Əssar Təbrizi və başqalarının əsərlərinin gözəl xətlə köçürülmüş miniatür əlyazmaları daxildir. 

AZADİNFORM. Bu gün Əmək və Əhalinin Sosial Müdafiəsi Nazirliyində Azərbaycan Türkiyə İş Adamları Birliyinin (ATİB) İdarə Heyətinin sədri Cemal Yanğın və İdarə Heyətinin üzvlər ilə əmək və məşğulluq sahəsində gələcək əməkdaşlıq perspektivlərinin müzakirəsinə həsr olunmuş görüş keçirilib. Bu barədə məlumatı “Azadinform”a nazirlikdən veriblər.

Həbibə/AZADİNFORM. “Azərsu” Açıq Səhmdar Cəmiyyəti Azərbaycan Texniki Universitetində “Karyerada ilk addım” devizi altında keçirilmiş tələbə və məzunların növbəti əmək yarmarkasında iştirak edib. 

Mübariz Aslanov/AZADİNFORM. Dekabrın 22-də Bakıda, Milli Parkda tikilən Xalça muzeyi istifadəyə veriləcək. “Azadinform” xəbər verir ki, bu barədə Mədəniyyət və Turizm Nazirliyinin mərkəzi aparatının rəhbəri Firuddin Qurbanov Milli Məclisin Mədəniyyət komitəsinin bu gün keçirilən iclasında bildirib.

Mübariz Aslanov/AZADİNFORM. Milli Məclisin Mədəniyyət komitəsinin bu gün keçirilən iclasında “Mədəniyyət haqqında” qanun layihəsi növbəti dəfə müzakirəyə çıxarılıb. “Azadinform” xəbər verir ki, iclasda komitə sədri Nizami Cəfərov bildirib ki, 3-cü oxunuşa təqdim olunan qanun layihəsinin təkmilləşdirilməsi istiqamətində xeyli iş görülüb.

Atif Eyvazov/AZADİNFORM. Noyabr ayı ərzində 1931 əcnəbi və vətəndaşlığı olmayan şəxs tərəfindən Azərbaycanda olma, habelə müvəqqəti və daimi yaşama qaydalarına əməl etmədən inzibati qanunvericiliyin tələblərinin pozulması halları müəyyən edilib. 

Həbibə/AZADİNFORM. Dövlət Sosial Müdafiə Fondunun sədri Səlim Müslümov Türkiyənin Azərbaycandakı səfiri İsmayıl Alpər Coşqunla görüşüb.

Həbibə/AZADİNFORM. Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən tələbə və məzunların əmək bazarına inteqrasiyası məqsədilə ali təhsil müəssisələrində “Karyerada ilk addım” devizi altında aktiv məşğulluq tədbirləri davam etdirilir.

Mübariz Aslanov/AZADİNFORM. Dekabrın 10-da Milli Məclisin Aqrar siyasət komitəsinin sədri Eldar İbrahimov Türkiyənin İstanbul şəhərinə yola düşəcək. Bu barədə məlumatı “Azadinform”a parlamentdən veriblər.

AZADİNFORM. 2012-ci ilin noyabr ayı ərzində 3,713,025 kvadrat metr ərazi yoxlanılıb, mina və partlamamış hərbi sursatdan (PHS) təmizlənib. 793 PHS və 7 ədəd tank əleyhinə mina aşkar edilərək zərərsizləşdirilib. Bu barədə məlumatı “Azadinform”a ANAMA-dan veriblər.
Əməliyyatlarda 484 nəfər minaaxtaran mütəxəssis və 118 nəfər yardımçı heyət iştirak edir. Həmçinin əməliyyatlarda 6 mexaniki minatəmizləmə maşını və 36 minaaxtaran it iştirak edir.

Həbibə/AZADİNFORM. Birləşmiş Ərəb Əmirliyinin (BƏƏ) Dubay şəhərində keçirilən Beynəlxalq Telekommunikasiya üzrə Ümumdünya Konfransı (BTÜK) dünən haker hücumuna görə öz işini dayandırmalı olub. 

AZADİNFORM. Baş Prokurorluq 19 saylı Birləşmiş Şəhər Xəstəxanasında maliyyə pozuntularının  aşkar edilməsi ilə bağlı məlumat yayıb.

Mübariz Aslanov/AZADİNFORM. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 110-190, Kiçik Qafqazın çaylarında 55-115, Lənkəran-Astara bölgəsi çaylarında 30-90, Naxçıvan MR çaylarında isə 50 faizini təşkil edir. Bu barədə məlumatı “Azadinform”a Ekologiya və Təbii Sərvətlər Nazirliyinin Milli Hidrometeorologiya Departamentindən veriblər.

Atif Eyvazov/AZADİNFORM. Bu il qanun pozuntuları və kobud nöqsanlara yol verdiklərinə görə icra xidmətinin 10-dək işçisi tutduğu vəzifəsindən azad olunub. “Azadinform” xəbər verir ki, bu barədə məlumat Ədliyyə Nazirliyində icra xidməti yerli qurumların rəhbərləri və digər məsul işçilərin iştirakı ilə məhkəmə qərarlarının icrası vəziyyətinin müzakirəsinə həsr olunan geniş kollegiya iclasında səsləndirilib. 

Atif Eyvazov/AZADİNFORM. Ədliyyə Nazirliyində icra xidməti yerli qurumlarının rəhbərləri və digər məsul işçilərin iştirakı ilə məhkəmə qərarlarının icrası vəziyyətinin müzakirəsinə həsr olunmuş geniş kollegiya iclası keçirilib. 

Azercell Telekom MMC müştərilərə operativ və keyfiyyətli xidmət göstərmək məqsədilə Bakıda Azercell Ekspres ofislərinin sayını artırmaqdadır. Bu gün şirkət daha bir AzEx ofisini istifadəyə verdi. H.Cavid pros. 528-ci məhəllə ev “A” mənzil 18 ünvanında yerləşən AzEx ofisi də “bir nöqtədə üç xidmət”("one-stop shopping") konsepsiyası ilə çalışacaq. Bu konsepsiyaya əsasən abonent Azercell Ekspres ofisinə gələrək eyni anda üç xidmətdən yararlana bilər.

Mübariz Aslanov/AZADİNFORM. Bakı şəhərində 1 dekabr tarixindən 6 dekabr tarixinədək terapevtlər, LOR, cərrahlar, nevropatoloqlar, pediatrlar, mama-ginekoloqlar, oftalmoloqlar və s. tərəfindən yüz mindən artıq şəxsin tibbi müayinəsi, o cümlədən laboratoriya analizləri, ultrasəs müayinəsi, elektrokardioqrafiya müayinələri aparılıb. Bu barədə məlumatı “Azadinform”a Səhiyyə Nazirliyinin mətbuat xidmətindən veriblər.

Həbibə/AZADİNFORM. 2012-ci ilin noyabr ayında “Azərsu” Açıq Səhmdar Cəmiyyətinin  955 nömrəli  Qaynar Xəttinə 812 müraciət daxil olub. Qurumdan “Azadinform”a verilən məlumata görə, müraciətlərin əksəriyyəti Bakı şəhəri və ətraf qəsəbələrdə yaşayan vətəndaşlar tərəfindən edilib.  Daxil olan müraciətlərin 430-u və ya 53 faizi su xətlərində baş vermiş qəzalarla, digər müraciətlər isə  içməli suyun gəlməməsi (199) və kanalizasiya problemləri ilə bağlı (182) olub.  

 
1088 səhifə 1263-dən (dan) << < 1084 1085 1086 1087 1088 1089 1090 1091 1092 > >>
 Xəbər lenti
13.12.2018
12.12.2018
 Arxiv
Dek.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
31      
 
2018 All right reserved www.azadinform.az Powered by Danneo