AZADİNFORM. Dekabrın 4-ü Azərbaycan Dillər Universitetində (ADU “Ekoloji təhlükəsizlik və Azərbaycanda süni və təbii fəlakətlər: beynəlxalq təcrübə mübadiləsi” mövzusunda 2 günlük treninq öz işinə başlayıb.  Treninq ADU, Xarici İşlər Nazirliyi, Azərbaycan Beynəlxalq Nato Məktəbi və Rumıniyanın Azərbaycandakı səfirliyinin təşkilatçılığı ilə reallaşıb. 

Həbibə/AZADİNFORM. Ötən əsrin 70-ci illərində istismara verilmiş “Ulduz” stansiyasının keçidlərindəki asfalt tədricən sıradan çıxdığı və artıq əlverişli vəziyyətdə olmadığı üçün bir həftə ərzində stansiya keçidinə asfalt örtüyü sökülərək, qranit döşənib. 

Həbibə/AZADİNFORM. Sentyabrın 10-dan əsaslı təmirə dayandırılmış “Sahil” metrostansiyasının ikinci eskalatorunun əsaslı təmiri başa çatdırılıb.

Həbibə/AZADİNFORM. Dövlət Sosial Müdafiə Fondunda informasiya azadlığı üzrə məsul şəxs müəyyən olunub. 

 

AZADİNFORM. Azərbaycanın Pakistandakı səfiri Daşqın Şikarov Pakistan Hərbi-Dəniz Qüvvələri (HDQ) komandanı admiral Məhəmməd Asif Sandila ilə görüşüb. Pakistandakı səfirliyimizdən “Azadinform”a verilən məlumata görə, Daşqın Şikarov Azərbaycanla Pakistan arasında mövcud olan dostluq münasibətlərdən, siyasi, hərbi, iqtisadi və digər sahələrdəki əməkdaşlıqdan danışıb.

 

Mübariz Aslanov/AZADİNFORM. Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsi tərəfindən neft sənayesində ekoloji vəziyyətə riayət olunması ilə əlaqədar monitorinqlər keçirilib. Bu barədə məlumatı “Azadinform”a nazirliyin mətbuat xidmətindən veriblər.

AZADİNFORM. Dubayda (BƏƏ) Beynəlxalq Telekommunikasiya İttifaqının (BTİ) təşkilatçılığı ilə 160-dan çox üzv ölkədən 2000-nə yaxın nümayəndənin iştirak etdiyi Beynəlxalq Telekommunikasiya üzrə Ümumdünya Konfransı (WCIT-12) öz işinə başlayıb. Azərbaycanı konfransda rabitə və informasiya texnologiyaları nazirinin müavini İltimas Məmmədovun başçılığı altında nümayəndə heyəti təmsil edir. Bu barədə məlumatı “Azadinform”a RİTN-dən veriblər.

 

Həbibə/AZADİNFORM. “Biz hesab edirik ki, qarşıdakı 10 ildə İKT-nin inkişaf həddini təxminən 4 – 4,5 dəfə artırmalıyıq ki, ümumi inkişafa tələb olunan töhfələrimizi verə bilək”. “Azadinform” xəbər verir ki, bunu rabitə və informasiya texnologiyaları naziri Əli Abbasov “Azərbaycan 2020: Gələcəyə baxış” beynəlxalq konfransında  deyib. “2011-ci ildə İKT sektorunda təxminən 1,7 milyard dollar gəlir əldə olunubsa, 2020-ci ildə bu rəqəmi 8-9 milyard dollara çatdırmaq istəyirik” - deyən nazir indiyə qədər İKT üzrə qeydə alınan inkişaf meylləri barədə məlumat verib: “2004-cü ildən İKT gəlirlərinin ilk 5 ildə orta illik artım tempi təxminən 30-32 faiz təşkil edib. 2009-2011-ci illərdə ümumdünya maliyyə böhranının hökm sürdüyü bir vaxtda artım 14-15 faiz olub.

 

Həbibə/AZADİNFORM. “Layihələndirilən və Azərbaycanın koordinatorluğu ilə həyata keçirilən “Avro-Asiya Transmilli Super İnformasiya Magistralı” və “Avropa-Fars-Ərəb İnformasiya Şlüzü”nün əsas və ehtiyat ötürücü mərkəzlərinin qurulmasında ölkəmizin iştirakı, regionda ilk İnternet Kommutasiya Mərkəzinin, Regional Telehauz və informasiya sistemlərinin, İnternet ünvanları idarəetmə regional kök serverinin ölkəmizdə yerləşdirilməsi regional bazarlarda İKT xidmətlərinin verilməsi imkanlarımızın genişləndirilməsini təmin edən layihələrdir”. 

AZADİNFORM. Dekabrın 5-də ANAMA-nın Horadiz regional bazasında Mina Təhlükəsinə dair Maarifləndirmə (MTM) dərsliklərinin təhsil şöbəsinə təqdim edilməsi və yeni inşa edilmiş idman meydançanın istifadəyə verilməsi münasibətilə mərasim keçiriləcək. Bu barədə məlumatı “Azadinform”a ANAMA-dan veriblər.

Adəm Abbaslı/AZADİNFORM. Ekologiya və Təbii Sərvətlər Nazirliyi Milli Hidrometeorologiya Departamenti dekabrın 4-də müşahidə olunacaq hava haqqında proqnozu açıqlayıb.

Həbibə/AZADİNFORM. Bakıda genişzolaqlı internet abunəçilərinin sayı bütün provayderlərlə birlikdə 200 minə çatıb. “Azadinform”un məlumatına görə, bu barədə Bakı Telefon Rabitəsi İstehsalat Birliyinin baş direktor müavini Xankişi Kişiyev məlumat verib. Onun sözlərinə görə, sentyabrın əvvəllərində bu rəqəm təxminən 160 minə bərabər olub. Baş direktor müavini bildirib ki, “2011-2013-cü illərdə Bakının ətraf kənd və qəsəbələrinin sosial-iqtisadi inkişafı” Dövlət Proqramının informasiya və kommunikasiya texnologiyaları bəndlərinin icrası istiqamətində yeni NGN texnologiyalı stansiyaların qurulması, eləcə də mövcud avadanlıqların müasir texnologiyalarla əvəzlənməsi, genişzolaqlı internet istifadəçilərinin sayının sürətlə artmasına şərait yaradıb.

Mübariz Aslanov/AZADİNFORM. Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən Azərbaycanda 2012-2013-cü ilin qış fəsli üçün mövsümü proqnoz tərtib olunub. Bu barədə məlumatı “Azadinform”a nazirliyin mətbuat xidmətindən veriblər.

Həbibə/AZADİNFORM. Əmək və Əhalinin Sosial Müdafiəsi Nazirliyi tərəfindən təşkil olunan Əlillərin VIII Ümumrespublika Yaradıcılıq sərgi-müsabiqəsi yekunlaşıb. 

Həbibə/AZADİNFORM. Bu gün Birləşmiş Ərəb Əmirliyinin Dubay şəhərində Birləşmiş Millətlər Təşkilatı (BMT) və Beynəlxalq Telekommunikasiya İttifaqının (BTİ) təşkil etdiyi Beynəlxalq Dünya Telekommunikasiya Konfransı (BDTK) işə başlayıb. Dekabrın 14-dək davam edəcək konfrans və “BDTK-12” görüşündə 1988-ci ildə qəbul edilmiş Beynəlxalq Telekommunikasiya Qaydaları (BTQ) nəzərdən keçiriləcək.
Konfransda rabitə şəbəkələrinin iş prinsiplərinin yeni redaksiyasını müzakirəyə qoymaq planlaşdırılır. Müzakirə ediləcək digər məsələlər arasında internetin idarə edilməsi ilə bağlı yeni təkliflər paketinə də baxmaq planlaşdırılır.

AZADİNFORM. Bu gün 3 dekabr - Beynəlxalq Əlillər günüdür. Dövlət Sosial Müdafiə Fondundan (DSMF) “Azadinform”a verilən məlumata görə, bu il oktyabrın 1-nə olan statistikaya əsasən, Azərbaycanda əmək pensiyası alan 1 milyon 271 min 210 nəfərin 26,5 faizi (336,7 min nəfəri) əlilliyə görə əmək pensiyası alanlardır.

AZADINFORM. “Tarixi “İpək Yolu” üzərində yerləşən ölkələr arasında əlaqələrin bərpa edilməsi çox yaxşı ideyadır”. Bu sözləri Qazaxstan Parlament Senatının vitse–spikeri Aleksandr Sudin “Böyük İpək Yolu” Beynəlxalq Gənclər İttifaqının prezidenti Fuad Muradovun başçılığı ilə 22 üzv dövlətlərin nümayəndələri ilə keçirilən görüşdə bildirib. Bu barədə məlumatı “Azadinform”a “Böyük İpək Yolu” BGİ-nin mətbuat xidmətindən veriblər. 

Atif Eyvazov/AZADİNFORM. Bu gün Fövqəladə hallar naziri, general-polkovnik Kəmaləddin Heydərov Horst Monken Fernandesin rəhbərlik etdiyi Atom Enerjisi üzrə Beynəlxalq Agentliyin ekspertlərindən ibarət nümayəndə heyətini qəbul edib. 

 Dekabr ayında havanın orta aylıq temperaturunun müsbət və kiçik mənfi fərqlə iqlim normasına əsasən yaxın olacağı gözlənilir. Ekologiya və Təbii Sərvətlər Nazirliyi Milli Hidrometeorologiya Departamentindən Azadinform-a verilən məlumatına görə, ayın əvvəlində havanın temperaturunun normadan 3 dərəcəyədək yüksələcəyi, ayın ikinci yarısında ayrı-ayrı günlərdə temperaturun normadan bir qədər aşağı enəcəyi gözlənilir. Respublika üzrə yağıntılar qeyri-bərabər paylancaq. Aylıq yağıntının miqdarının iqlim normasına yaxın, bəzi yerlərdə isə normadan bir qədər az olacağı ehtimal olunur.

Həbibə/AZADİNFORM. 3 dekabr-Beynəlxalq Əlillər günü ilə əlaqədar noyabrın 30-da Əmək və Əhalinin Sosial Müdafiəsi Nazirliyində Əlil Təşkilatları İttifaqı ilə birgə əlilliyi olan şəxslərin hüquqi statusunun daha dolğun müəyyən edilməsi və onların sosial müdafiəsinin daha etibarlı təminatı məsələlərinin müzakirəsinə həsr olunmuş konfrans keçirilib.
 
1048 səhifə 1221-dən (dan) << < 1044 1045 1046 1047 1048 1049 1050 1051 1052 > >>
 Xəbər lenti
24.09.2018
 Arxiv
Sen.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
 
2018 All right reserved www.azadinform.az Powered by Danneo