Atif Eyvazov/AZADİNFORM. Bu gün Atatürk Mərkəzində 1918-ci il sentyabr ayının 15-də erməni və bolşeviklərin işğalı  altında olan Bakının Azərbaycan Demokratik Respublikasının milli ordusu və Nuri Paşanın başçılıq etdiyi Qafqaz İslam Ordusu tərəfindən azad edilməsinin ildönümünə həsr edilən tədbir keçirildi. “Azadinform” xəbər verir ki, tədbirdə millət vəkilləri, tarixçi alimlər, Türkiyənin Azərbaycandakı səfirliyinin əməkdaşları, ictimaiyyət nümayəndələri iştirak edib.

AZADİNFORM. Bu gün Monteneqronun prezidenti Filip Vuyanoviç Azərbaycana rəsmi səfərə gəlib. “Azadinform” xəbər verir ki, Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

AZADİNFORM. Bu gün Milli Televiziya və Radio Şurasının (MTRŞ) növbəti iclası keçirilib. Şuradan “Azadinform”a verilən məlumata görə, iclasda "Antenn" Müstəqil Teleradio Şirkətinin radio yayımı, "Dünya" Müstəqil Televiziya Şirkətinin və Mingəçevir" Televiziyasının regional televiziya yayımı üçün xüsusi razılıq (lisenziya) müddətinin uzadılması barədə müraciətlərinə baxılıb.

Həbibə/AZADİNFORM. Gələn ilin dövlət büdcəsinin layihəsi Nazirlər Kabinetinin müzakirəsinə təqdim edilib. “Azadinform” Maliyyə Nazirliyinin rəsmi internet səhifəsinə istinadən bildirir ki,

Mübariz Aslanov/AZADİNFORM.  “Payızda Milli Məclisdə müzakirə olunacaq “Pasientlərin hüquqları haqqında” qanun layihəsində çox tərəfli məsələlər yer alıb. “Azadinform” xəbər verir ki, bu barədə jurnalistlərə açıqlamasında səhiyyə nazirinin müavini Elsevər Ağayev bildirib.
O, qeyd edib ki, burada pasietlərin hüqulrı ilə bərbr həkimlərin hüquqlarını da qoruyan müəyyən normativ sənədlər olmalıdır.  E.Ağayev deyib ki, bu məsələlər hələ müzakirə mərhələsindədir.

Həbibə/AZADİNFORM. Türkiyədə Azərbaycan neftindən təyyarə benzini istehsal olunacaq. “Azadinform”un məlumatına görə, bunu Türkiyənin Azərbaycandakı səfiri Hulusi Kılıç deyib. Səfir bildirib ki, iki ölkə arasında əməkdaşlıq daha da genişlənməkdədir: “Benzin istehsalı üçün Türkiyədə zavodun özülü qoyulub artıq. İşlər davam edir və əməkdaşlığımız bütün sahələri əhatə edəcək”.

 

Aytən İmanova/AZADİNFORM. Bu gün Türkiyənin Azərbaycandakı səfiri Hulusi Kılıç və diplomatik korpusun bir qrup nümayəndəsi 1918-ci il sentyabr ayının 15-də işğal altında olan Bakının Azərbaycan Demokratik Respublikasının milli ordusu və Nuri Paşanın başçılıq etdiyi Qafqaz İslam Ordusu tərəfindən azad edilməsinin ildönümü ilə bağlı Şəhidlər Xiyabanında olub.

AZADİNFORM. ABŞ Konqresindəki “Erməni məsələləri üzrə işçi qrup”, Ermənistanın ABŞ-dakı səfirliyi və bir sıra Amerika erməni təşkilatlarının qondarma DQR ilə bağlı sentyabrın 13-də Vaşinqtonda keçirdiyi tədbirə etiraz əlaməti olaraq, Azərbaycanın ABŞ-dakı səfiri Yaşar Əliyev sentyabrın 11-də Konqresin Nümayəndələr Palatasının bütün 435 üzvünə məktubla müraciət edib. Bu barədə məlumatı “Azadinform”a ABŞ-dakı səfirliyimizdən veriblər.

AZADİNFORM. Türkiyənin baş naziri Rəcəb Tayyib Ərdoğan xəbərdarlıq edib ki, Suriyada siyasi qarşıdurma çox davam edərsə, təriqətlərarası müharibə başlana bilər. «Azadinform»un məlumatına görə, baş nazir Misirin «Əl-Şoruka» qəzetinə bildirib ki, o, qonşu ölkədə ələvilərlə sünnilər arasında münaqişənin başlanacağından narahatdır.

Həbibə/AZADİNFORM. Nəqliyyat müəssisələri və avtomobil nəqliyyatı sahəsində fəaliyyət göstərən fiziki şəxslər tərəfindən yanvar-avqust aylarında daşınmış yüklərin həcmi keçən ilin müvafiq dövrünə nisbətən 4.6 faiz artaraq 135.6 milyon tona çatıb. “Azadinform”un məlumatına görə, Dövlət Statistika Komitəsinin ilin 8 ayının sosial-iqtisadi yekunları ilə bağlı hesabatında belə deyilir. Bu dövrdə yük daşınması ilə yanaşı, sərnişin daşınması da artıb, 951.5 milyon nəfər və ya 7.0 faiz çox sərnişin daşınıb.

Mübariz Aslanov/AZADİNFORM. Bu gün Azərbaycan Milli İstiqlal Partiyasının (AMİP) bir qrup üzvü İranın Azərbaycandakı səfirliyi qarşısında aksiya keçirib. Bu barədə məlumatı “Azadinform”a partiyadan veriblər.

AZADİNFORM. Dağlıq Qarabağ münaqişəsi Rusiya Xarici İşlər Nazirliyinin müavini Qriqori Karasinlə Avropa Birliyinin Cənubi Qafqaz üzrə xüsusi nümayəndəsi Filipp Lefor arasında müzakirə olunub.

Həbibə/AZADİNFORM. Azərbaycanda investisiya fondlarının yaradılmasına yaxın vaxtlarda başlanacaq. “Azadinform” xəbər verir ki, bunu jurnalistlərə açıqlamasında Qiymətli Kağızlar üzrə Dövlət Komitəsi sədrinin müavini İlqar Muradov deyib.

AZADİNFORM. Prezident İlham Əliyev bu gün Monteneqronun ölkəmizdə yeni təyin olunmuş fövqəladə və səlahiyyətli səfiri Ramo Braliçin etimadnaməsini qəbul edib. “Azadinform” xəbər verir ki, səfir fəxri qarovul dəstəsinin qarşısından keçərək etimadnaməsini prezident İlham Əliyevə təqdim edib. Sonra prezident İlham Əliyev səfirlə söhbət edib.

AZADİNFORM. Katolik kilsəsinin rahibləri tərəfindən seksual zorakılığa məruz qalanlar Roma Papası 16-cı Benedikt və katolik kilsəsinin yüksək rütbəli üç xadimini Beynəlxalq Haaqa Məhkəməsinə veriblər.

Aytən İmanova/AZADİNFORM. Azərbaycan və Ermənistan prezidentləri “Şərq tərəfdaşlığı” sammitində bir araya gələcək. “Azadinform” news.am-a istinadən xəbər yayır ki, sentyabrın 30-da keçiriləcək sammitdə Gürcüstan, Belarus, Moldova dövlət başçıları, həmçinin Avropa Birliyinin üzvləri iştirak edəcək. Sammit Varşavada təşkil olunacaq.

Mübariz Aslanov/AZADİNFORM. Ölkələr arasında miqrantların daşıdığı xəstəliklərin qarşısını almaq üçün hər bir ölkənin qiymətləndirmə mexanizmi olmalıdır. “Azadinform” xəbər verir ki, bu barədə Ümumdünya Səhiyyə Təşkilatının Avropa Regional Komitəsinin strateji proqramlar və xüsusi layihələr üzrə direktoru Agis Tsouros bildirib.

Aytən İmanova/AZADİNFORM. “Növbəti illərdə qəbul imtahanlarında vaxt limiti artırıla bilər. Bu da təbii ki, açıq test suallarının artırılması ilə əlaqədar olacaq”. “Azadinform” xəbər verir ki, bu barədə TQDK-nın sədri Məleykə Abbaszadə bu gün prezident təqaüdçüləri ilə keçirilən görüşdə söyləyib.

AZADİNFORM. Ermənistanın hüquq-mühafizə orqanları sentyabrın 1-də Kotayk vilayətində meyiti tapılan qadının kimliyini müəyyən ediblər. «Azadinform» erməni xəbər agentliklərinə istinadən xəbər verir ki, aydın olub ki, bu şəxs Yerevanda dərc olunan «Menk meronçov» qəzetinin baş redaktoru 51 yaşlı Alvard Abramyandır. Onu sentyabrın 10-dan itkin düşmüş hesab edirdilər. Onun üzərində zorakılıq əlamətləri aşkarlanıb.

AZADİNFORM. Bu gün Nyu-Yorkda BMT Baş Assambleyasının 66-cı sessiyasının açılış mərasimi keçiriləcək. “Azadinform” xəbər verir ki, sessiyaya qətərli diplomat Naser Abdel Əziz ən-Naser sədr seçilib.

 
804 səhifə 835-dən (dan) << < 800 801 802 803 804 805 806 807 808 > >>
 Xəbər lenti
17.11.2018
 Arxiv
Noy.2018
Be.Ça.Çə.Ca.Cü.Şə.Ba.
   1234
567891011
12131415161718
19202122232425
2627282930  
 
2018 All right reserved www.azadinform.az Powered by Danneo