Həbibə/AZADİNFORM. “Layiqli əməyin təminatı üzrə” ikinci Dövlət Proqramı hazırlanma mərhələsindədir. “Azadinform” xəbər verir ki, bu barədə jurnalistlərə açıqlamasında əmək və əhalinin sosial müdafiə naziri Fizuli Ələkbərov deyib.

Mübariz Aslanov/AZADİNFORM. Milli Məclisin Hüquq siyasəti və dövlət quruculuğu komitəsinin Sosial siyasət komitəsilə birgə bu gün keçirdiyi iclasda Ailə və Cinayət məcəllələrinə dəyişikliklər müzakirə olunaraq təsdiq olunub. “Azadinform” xəbər verir ki, iclasda Hüquq siyasəti və dövlət quruculuğu komitəsinin sədri Əli Hüseynli bildirib ki, nəzərdə tutulan dəyişikliklərə əsasən nikah yaşının qaldırılması Azərbaycanın ümumbəşər dəyərlərinə uyğundur və Avropa hüquq siyasəti məkanına daxil olmaq üçün növbəti bir addımdır.

Həbibə/AZADİNFORM. Dövlət Əmlak Komitəsi Azərbaycanda Ünvan Reyestrinin İnformasiya Sisteminin yaradılması məqsədi ilə işlərin satın alınması ilə bağlı tender elan edib.

AZADİNFORM. Ekologiya və Təbii Sərvətlər Nazirliyinin Milli Hidrometeorologiya Departamentindən “Azadinform”a verilən məlumata görə, hazırda Böyük və Kiçik Qafqazın çaylarında sululuq ongünlük normanın 80-120, Lənkəran-Astara bölgəsi çaylarında 9-17, Naxçıvan MR-sı çaylarında isə normanın 60-80 faizini təşkil edir. Kür çayının Qıraqkəsəmən məntəqəsində su sərfi 158 m3/san, yəni ongünlük normanın 96 faizini (2010-cu ildə 148 m3/san olmaqla 90 faizini), Qanıx çayının Əyriçay məntəqəsində isə su sərfi 62 m3/san, yəni ongünlük normanın 67 faizini (2010-cu ildə 104 m3/san olmaqla 113 faizini) təşkil edir.

Mübariz Aslanov/AZADİNFORM. Milli Məclisin Sosial siyasət, Hüquq siyasəti və dövlət quruculuğu komitələri birgə Ailə Məcəlləsi və Cinayət Məcəlləsində növbəti dəyişikliklər hazırlayıblar. “Azadinform” xəbər verir ki, bununla bağlı bu gün komitələrin birgə iclası keçirilir.


Həbibə/AZADİNFORM. Rusiyada sayına görə azərbaycanlı miqrantlar 3-cü yerdə gəlir. “Azadinform”un məlumatına görə, bunu Azərbaycanda səfərdə olan Rusiya Federasiyası Əmək və Məşğulluq Xidmətinin rəis müavini İvan Şklovets deyib.

AZADİNFORM ABŞ Dövlət Departamentinin mətbuat xidmətinin rəsmisi bəyanatla çıxış edərək Azərbaycanın BMT Təhlükəsizlik Şurası seçkilərindəki qələbəsi ilə bağlı Amerikanın mövqeyini ifadə edib.

Türkiyənin İzmir şəhərində “Petkim” şirkətinin yeni neft emalı zavodunun və Heydər Əliyev adına Peşə Təhsili Liseyinin təməlqoyma, AYPE-T zavodunun açılış mərasimləri olub. Azərbaycan Prezidenti İlham Əliyev və Türkiyənin Baş naziri Rəcəb Tayyib Ərdoğan açılış mərasimlərində iştirak ediblər.

Mübariz Aslanov/AZADİNFORM. Azərbaycan parlamenti bu gün “Psixiatriya yardımı” haqqında qanuna dəyişiklik edib. “Azadinform” xəbər verir ki, dəyişikliklər barədə Milli Məclisin Sosial siyasət komitəsinin sədr müavini Musa Quliyev məlumat verib.

Həbibə/AZADİNFORM. Azərbaycan hökuməti ilə Dünya Bankı (DB) arasında Su İstifadəçiləri Birliklərinin inkişafının dəstəklənməsi Layihəsinin (SİBL) icrasına dair 76,8 mln. ABŞ dolları dəyərində Beynəlxalq İnkişaf Assosiasiyası (IDA – DB üzvü) krediti və 3,2 mln. dollar məbləğində Beynəlxalq Yenidənqurma və İnkişaf Bankı (IBRD – DB üzvü) krediti üzrə hüquqi sazişlər imzalanıb.

Adəm Abbaslı/AZADİNFORM. Oktyabrın 26-dan etibarən ölkə ərazisində havaların temperaturu kəskin şəkildə aşağı düşəcək.

AZADİNFORM. Dünya boyu yığılan rüşvətlərin həcmi 1 trln. dollara çatıb. «Azadinform» «MIGnews.com»a istinadən xəbər verir ki, bunu Mərakeşdə keçirilən BMT-nin korrupsiyaya qarşı Konvesiyasına üzv dövlətlərin dördüncü sessiyasının iştirakçıları bildiriblər. Forumda bildirilib ki, korrupsiya qlobal əhəmiyyət kəsb edən ciddi problemə çevrilib.

Mübariz Aslanov/AZADİNFORM. Milli Məclisin bu gün keçirilən iclasında “Prokurorluq haqqında” qanunda dəyişikliklər edilib. “Azadinform” xəbər verir ki, dəyişikliklərə görə, qanuna “əməliyyatçı” anlayışı salınıb.

Atif Eyvazov/AZADİNFORM. Bu gün Bakıda Azərbaycan Gənclərinin VI Forumu keçirilib. 

Adəm Abbaslı/AZADİNFORM. “Müəllif hüquqlarının qorunması çox mühüm bir məsələdir. Tvinninq layihəsinin uğurları çoxdur və Azərbaycanın da müvafiq təcrübəsini nəzərə alsaq, burada da uğurlu olacağına əmin olmaq olar”.

AZADİNFORM. Azərbaycan Təhlükəsizlik Şurasında üzvlükdən istifadə edərək, ilk növbədə özünün pozulmuş ərazi bütövlüyü məsələsini BMT-nin Təhlükəsizlik Şurasının gündəliyinə çıxarmaq imkanı qazanıb. “Azadinform” xəbər verir ki, bu fikirləri Azərbaycanın BMT TŞ-in qeyri-daimi üzv olmasını şərh edərkən Prezident Administrasiyasının ictimai-siyasi şöbəsinin müdiri Əli Həsənov deyib.

AZADİNFORM. Dağlıq Qarabağ işğaldan azad olunana qədər Türkiyə Azərbaycanla çiyin-çiyinə mübarizə aparacaq. “Azadinform”  Anadolu Agentliyinə istinadən xəbər verir ki, bunu Türkiyənin Baş naziri Rəcəb Tayyib Ərdoğan İzmirin Əliağa bölgəsində yeni neft emalı zavodunun təməlqoyma mərasimində deyib.

Mübariz Aslanov/AZADİNFORM. Milli Məclisin bu gün keçirilən iclasında müzakirəyə çıxarılan “Azərbaycan Respublikasının keçmiş prezidentinin və onun ailə üzvlərinin təminatı haqqında Azərbaycan Respublikasının Konstitusiya qanunu” layihəsi birinci oxunuşda qəbul olunub. Ciddi müzakirələr zamanı iclasda çıxış edən deputat Zahid Oruc, Fəzail Ağamalı, Elman Məmmədov  bu qanunun qəbulunun əleyhinə olduqlarını vurğulayıblar. Onlar bunu Ayaz Mütəllibovun hakimiyyətdə olduğu dövrdə çoxsaylı cinayətlər törətməsi ilə əsaslandırıblar.

AZADİNFORM. Dağlıq Qarabağ münaqişəsinin nizamlanması üzrə ATƏT-in Minsk qrupunun həmsədrləri noyabrın sonunda münaqişə tərəfləri arasında gələcək görüşlərin keçirilməsinə zəmin yaratmaq üçün regiona səfər edəcəklər.

Adəm Abbaslı/AZADİNFORM. “Ermənilər 200 ildir bizim istər maddi, istərsə də qeyri-maddi-mədəni irsimizi oğurlayaraq mənimsəyirlər və özlərininki kimi təqdim edirlər”.

 
775 səhifə 825-dən (dan) << < 771 772 773 774 775 776 777 778 779 > >>
 Xəbər lenti
24.09.2018
 Arxiv
Sen.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
 
2018 All right reserved www.azadinform.az Powered by Danneo