AZADİNFORM. Azərbaycanın Misirdəki səfiri Şahin Abdullayev (eyni zamanda Efiopiyada da akkreditə olunmuşdur) Əddis-Əbəbəyə səfər çərçivəsində Efiopiya parlamentinin spikeri Abadalla Gemada ilə görüş keçirib. 

AZADİNFORM. Prezident İlham Əliyev bu gün Bakının Xətai rayonunun Əhmədli qəsəbəsində 14 nömrəli şəhər poliklinikasının açılışında iştirak edib. “Azadinform” xəbər verir ki, ötən il aprelin 1-də prezident İlham Əliyev Əhmədli qəsəbəsinin sosial-iqtisadi inkişafı ilə bağlı həyata keçirilən işlərlə tanış olarkən burada yeni poliklinikanın tikilməsinə dair tapşırıqlarını vermişdi. Dövlət başçısının 2011-ci il 1 aprel tarixli sərəncamı ilə bu tibb müəssisəsinin inşası üçün 1,5 milyon manat vəsait ayrılmışdı.

“Azərbaycan və Türkiyə arasında hansısa böhranın olması fikirləri doğru deyil. Bu qədər möhkəm əlaqələrimizin olduğu Azərbaycana iki ay içində 3 dəfə getdim”.

Bu sözləri Türkiyə Böyük Millət Məclisində keçirilən müzakirədə bu ölkənin xarici işlər naziri Əhməd Davudoğlu deyib. Türkiyənin son zamanlar enerji sahəsindəki ən strateji addımlarından birinin Azərbaycanla birlikdə həyata keçirilən TANAP layihəsi olduğunu söyləyən nazir, bu layihənin regional əhəmiyyət daşıdığını vurğulayıb.


 

AZADİNFORM. Bu gün Buta sarayında Azərbaycan Milli Olimpiya Komitəsinin (MOK) yaranmasının 20 illik yubileyi münasibətilə təntənəli mərasim keçirilib. "Azadinform" xəbər verir ki, Azərbaycan dövlətinin başçısı, Milli Olimpiya Komitəsinin prezidenti İlham Əliyev mərasimdə iştirak edib. 

 

AZADİNFORM. Prezidenti İlham Əliyev Bakı Metropoliteninin bir qrup işçisinin təltif edilməsi haqqında sərəncam imzalayıb.

AZADİNFORM. Xarici işlər naziri Elmar Məmmədyarov Əfqanıstanın rabitə və informasiya texnologiyaları naziri Sanqin Əmirzai ilə görüşüb. XİN-dən “Azadinform”a verilən məlumata görə, əfqanıstanlı nazir Azərbaycanın Əfqanıstana göstərdiyi yardım və dəstəyə görə təşəkkür edib və ölkəsində gedən inkişaf prosesindən danışıb. Əfqanıstanda İnformasiya və Kommunikasiya Texnologiyaları sahəsinin inkişafından danışan Sanqin Əmirzai bu sahədə ölkəmizlə əməkdaşlığın gücləndirilməsində maraqlı olduqlarını diqqətə çatdırıb. Sanqin Əmirzai onu da bildirib ki, Azərbaycandan olan iş adamlarının ölkəsinə investisiya yatırmalarında maraqlıdırlar.


AZADİNFORM. Prezident İlham Əliyev Amerika Birləşmiş Ştatlarının Prezidenti Barak Obamaya təbrik məktubu ünvanlayıb. “Azadinform” xəbər verir ki, məktubda deyilir:

AZADİNFORM. Bu gün Finlandiya parlamentində Ermənistan-Azərbaycan, Dağlıq Qarabağ münaqişəsi mövzusunda dinləmələr keçirilib. Dinləmələr AVRONEST PA-da Azərbaycanın nümayəndə heyətinin rəhbəri Elxan Süleymanovun təşəbbüsü və təşkilatçılığı ilə baş tutub. 

AZADİNFORM. NATO PA-nın 58-ci illik sessiyasında iştirak etmək üçün qurumdakı Azərbaycan parlamenti nümayəndə heyətinin üzvləri Məlahət İbrahimqızı və Qüdrət Həsənquliyev Çexiyanın paytaxtı Praqa şəhərində  səfərdə olacaqlar.

AZADİNFORM. Prezident İlham Əliyev bu gün Avropa Komissiyasının elektron gündəlik məsələləri üzrə vitse-prezidenti xanım Neelie Kroesi qəbul edib. “Azadinform” xəbər verir ki, xanım Neelie Kroes ölkəmizdə gedən inkişaf proseslərinin onda dərin təəssürat yaratdığını deyib. O, VII İnternet İdarəçilik Forumunun Bakıda yüksək səviyyədə təşkil olunmasına görə dövlət başçısına minnətdarlığını bildirib. Xanım Neelie Kroes elektron kütləvi informasiya vasitələrinin, azad internetin inkişafının və elektron hökumət layihəsinin böyük önəm daşıdığını vurğulayıb.

ATƏT-in söz azadlığı məsələləri üzrə nümayəndəsi Dunya Miyatoviç Azərbaycan hakimiyyətinin bu sahədə dialoqa hazır olmasını yüksək qiymətləndirir. Bu barədə xanım Miyatoviç Bakıda keçirdiyi mətbuat konfransında deyib.

Atif Eyvazov/AZADİNFORM. Bu gün Beynəlxalq Mətbuat Mərkəzində Qarabağ Azadlıq Təşkilatı QHT-lərə Dövlət Dəstəyi Şurasının dəstəyi ilə “Qarabağ debatları: hərb və ya sülh yolu?” mövzusunda debat təşkil edib. “Azdinform”un məlumatına görə, debatlarda münaqişənin hərb və sülh yolu ilə həllinə tərəfdar olan ekspertlər, QHT nümayəndələri, siyasətşünaslar iştirak ediblər. 

Azərbaycanın hakim partiyası hesab edir ki, Barak Obamanın yenidən Birləşmiş Ştatlar prezidenti seçilməsi ABŞ-Azərbaycan əlaqələrinə təsir göstərməyəcək.

"Barak Obamanın yenidən ABŞ-ın prezidenti seçilməsi əslində gözlənilən idi. ABŞ-da aparılan proqnozlar, araşdırmalar da onun prezident seçiləcəyini göstərirdi. Birləşmiş Ştatların xarici siyasəti prezidentlərin dəyişməsi ilə dəyişmir", - bunu hakim Yeni Azərbaycan Partiyasının (YAP) icra katibinin müavini Mübariz Qurbanlı ABŞ-da prezident seçkilərinin nəticələrini şərh edərkən Trend-ə deyib.


AZADİNFORM. Noyabrın 8-i İtaliyanın beyin mərkəzi “İstituto Affari İnternazionali” (İAİ) tərəfindən Romada “Azərbaycanın xarici siyasətinin üstünlükləri: Regional və Avropa ölçüləri” adlı seminar təşkil olunacaq. 

BMT Baş Assambleyasının 67-ci sessiyası çərçivəsində Sosial, humanitar və mədəni məsələlər üzrə Komitədə (Baş Assambleyanın Üçüncü Komitəsi) gündəliyin "Xalqların öz müqəddəratını təyinetmə hüququ" adlı bəndi üzrə müzakirələr keçilmişdir. Bu barədə Trend-ə Azərbaycanın BMT yanında daimi nümayəndəlikdən məlumat verilib.

ABŞ-da prezident seçkilərinin nəticələrindən asılı olmayaraq, ABŞ-Azərbaycan münasibətləri dəyişməz qalacaq. Bu barədə jurnalistlərə ABŞ-ın Azərbaycandakı səfiri Riçard Morninqstar Birləşmiş Ştatlarda keçirilən prezident seçkilərinin nəticələrini şərh edərkən deyib.

"Düşünürəm ki, Barak Obamanın növbəti dörd il müddətinə prezidentliyi dövründə ABŞ-ın xarici siyasətində hər hansı bir mühüm dəyişiklik olmayacaq", - Morninqstar bildirib.

O vurğulayıb ki, Azərbaycan ABŞ üçün mühüm bir ölkə olaraq qalacaq. "Biz Azərbaycanla indiyə qədər olan əməkdaşlığımızı davam etdirəcəyik", - səfir deyib.


AZADİNFORM. Bu gün Prezident İlham Əliyev Beynəlxalq Telekommunikasiya İttifaqının baş katibi Hamadun Tureni qəbul edib. "Azadinform" xəbər verir ki, Beynəlxalq Telekommunikasiya İttifaqının baş katibi Hamadun Ture 2003-cü ildən başlayaraq Azərbaycana səfərlər etdiyini və hər gəlişi zamanı ölkəmizdə böyük inkişafın şahidi olduğunu vurğulayıb. Prezident İlham Əliyevin Beynəlxalq Telekommunikasiya İttifaqının Cenevrə sammitində iştirakını və o vaxtlar dövlət başçısının “qara qızılı insan kapitalına çevirəcəyəm” sözlərini xatırlayan qonaq həmin fikirlərin bu gün artıq reallığa çevrildiyini qeyd edib. Hamadun Ture VII İnternet İdarəçilik Forumunun yüksək səviyyədə təşkil olunduğunu dedi. O, ölkəmizlə rəhbərlik etdiyi təşkilat arasında əməkdaşlığı daha da genişləndirməyin önəmini vurğulayıb. 

AZADİNFORM. “Azərbaycanda internet istifadəçilərinin sayı sürətlə artır. Bu sahəyə yönəldilən vəsait, xüsusən də dövlət başçısı İlham Əliyevin internetin inkişafına və ölkədə daha geniş coğrafiyanı əhatə etməsinə göstərdiyi diqqət informasiya-kommunikasiya texnologiyalarının tətbiqini stimullaşdırır”.

AZADİNFORM. Prezident İlham Əliyev BMT və Azərbaycan Hökumətinin birgə təşkilatçılığı ilə Bakıda keçirilən VII İnternet İdarəçilik Forumunun iştirakçılarına təbrik ünvanlayıb. 

Atif Eyvazov/AZADİNFORM. Rusiya Azərbaycan Təşkilatları İttifaqı  (RATİ) birbaşa olmasa da, dolayısı ilə Kreml  ətrafındakı adamların azərbaycanlılara təsirindən yaranıb. “Azadinform” xəbər verir ki, bu fikirləri Siyasi İnnovasiya və Texnologiyalar Mərkəzinin sədr Mübariz Əhmədoğlu deyib. 

 
583 səhifə 705-dən (dan) << < 579 580 581 582 583 584 585 586 587 > >>
 Xəbər lenti
21.01.2019
 Arxiv
Yan.2019
Be.Ça.Çə.Ca.Cü.Şə.Ba.
 123456
78910111213
14151617181920
21222324252627
28293031   
 
2019 All right reserved www.azadinform.az Powered by Danneo