AZADİNFORM. ABŞ hökuməti Belarusun keçmiş prezidentliyə namizədi və onun kampaniyasının menecerini azadlığa buraxma qərarını “əhəmiyyətli addım” adlandırıb. Eyni zamanda, Belarus digər siyasi məhbusları da dərhal azad etməyə çağırıb.

AZADİNFORM. Avstraliyanın baş naziri Julia Qillard bəyan edib ki, hərbçilərini Əfqanıstandan planlaşdırdıqlarından daha erkən çıxaracaqlar. Baş nazir Julia Qillardın dediyinə görə, əksər avstraliyalı əsgər nəzərdə tutulduğundan əvvəl evlərinə qayıtmaq istəyir.

AZADİNFORM. ABŞ prezidenti Barak Obamanın prezident seçkilərində rəqibi olmağa hazırlaşan Mitt Romninin reytinqi durmadan artır. «Azadinform» «Reuters»ə istinadən xəbər verir ki, ölkə vətəndaşlarının qənaətincə, onlar arasında fərq tək son ay ərzində 11 faizdən 4 faizə düşüb. Romni özünü prezidentliyə güclü namizəd kimi nümayiş etdirməyə müvəffəq olub.

AZADİNFORM. Fransada prezident seçkilərinin birinci turuna bir həftə qalmış seçkilərin favoriti Nikola Sarkozi və Fransua Olland Parisdə çoxminlik mitinqlər keçiriblər.

AZADİNFORM. Türkiyənin 10 ölkədəki səfirinin dəyişməsinə dair qərar qüvvəyə minib.

AZADİNFORM. Dünya Bankının Direktorlar Şurası amerikalı Cim Yonq Kimi Dünya İnkişaf Agentliyinin başçısı seçib.

AZADİNFORM. Avropa İnsan haqları məhkəməsi bildirib ki, Rusiyanın İkinci Dünya müharibəsi vaxtı polyak zabitlərinin güllələnməsi hadisəsini tam araşdırıb-araşdırmaması haqda qərar verə bilməz. “Azadinform” BBC-yə istinadən xəbər verir ki, məhkəmə bildirir ki, Rusiya tərəfdən əhəmiyyətli sənədləri ala bilmədiyinə görə qərar vermək iqtidarında deyil.

AZADİNFORM İran Mərkəzi Bankı ölkədəki bütün kredit və debit kart sahiblərini öz PİN kodlarını dəyişdirməyə çağırıb. Bankın bəyanatı ölkədəki 3 milyon kart sahibindən bəzilərinin kartlarının yarılması haqda media məlumatlarından sonra verilib.

AZADİNFORM. Çinin baş naziri Ven Jiabao “Qiushi” jurnalına yazdığı məqaləsində korrupsiyanı hakim partiyaya ən böyük təhlükə adlandırıb.

AZADİNFORM. İranın xarici işlər naziri Əli Əkbər Salehi deyib ki, İran uranı zənginləşdirmək haqqından imtina etməyəcək. O bildirib ki, bu zənginləşdirmənin səviyyəsi müzakirə üçün açıqdır.

AZADİNFORM. Qırğızıstanın Oş şəhərinin 65 yaşlı sakini özünü yandıraraq intihar edib. “Azadinform” xəbər verir ki, Qırğızıstan rəsmiləri “Lenta.ru”ya bildiriblər ki, onun ölməzdən qabaq yazdığı məktubda “daimi etiraz nümayişlərini dayandırmağa” və “hakimiyyətlə müxalifətə eyni dərəcədə hörmət qoymağa” çağırılır.

AZADİNFORM. Fransa prezidenti Nikola Sarkozi Avropa Mərkəzi Bankının rolunun artırılması haqda müzakirələrə çağırıb. “Azadinform” RİA “Novosti”yə istinadən xəbər verir ki, hazırda Bankın mandatı inflyasiyanı nəzarətdə saxlamağa aiddir. Müqayisə üçün deyək ki, ABŞ-ın Federal Ehtiyatlar adlı Mərkəzi Bankı hazırda ikili vəzifə daşıyır - həm inflyasiyaya nəzarət edir, həm də iqtisadi artıma çalışır.

AZADİNFORM. Suriyada atəşkəs pozulmaqda davam edir. Hətta BMT müşahidəçiləri ölkəyə gələndən sonra da atəşkəsin pozulması haqda məlumatlar gəlir.

AZADİNFORM. CAR prezidenti Jakob Zuma altıncı dəfə evlənir. Zumanın onun dördüncü arvadı olacaq Qloria Bonqi Nqema ilə toyu gələn həftəsonuna təyin olunub. “Azadinform” BBC-yə istinadən xəbər verir ki, Zuma Zulu milli ənənələrinə sadiqliyini qoruyub saxlayan şəxslərdən sayılır.

AZADİNFORM. Bu gün Rusiyanın Daxili İşlər Nazirliyi bəyan edib ki, jurnalist Anna Politkovskayanın qətlini araşdıran istintaq müsbət irəliləyişə nail olub.

AZADİNFORM. Osloda məhkəməsi başlanan «Norveç atıcısı» Anders Breyvik Norveç məhkəməsini tanımadığını bəyan edib. Breyvik məhkəməni sağ əli yumrulanmış formada ekstremist jestlə salamlayıb.

AZADİNFORM. ABŞ dövlət katibi Hillari Klinton Kolumbiyada keçirilən sammitdən sonra Kuba musiqisi dinləmək üçün gecə klubuna gedib.

AZADİNFORM. «Wikileaks»in qurucusu Culian Assanc Avstraliyada gələn il keçiriləcək Senat seçkilərində namizədliyini irəli sürəcək.

AZADİNFORM. Misir Mərkəzi Seçki Komissiyası 10 namizədin prezidentlik yolunu bağlayıb. “Azadinform” “Lenta.ru”ya istinadən xəbər verir ki, namizədliyi rədd edilənlər arasında “Müsəlman Qardaşlar”ın namizədi Heyrət Şatır, sələfilərin ən güclü namizədi Hazım Əbu İsmayıl və Hüsnü Mübarək dövrünün kəşfiyyat xidmətinin rəhbəri Ömər Süleyman da var.

AZADİNFORM. Suriyada aprelin 12-də qüvvəyə minən atəşkəs rəsmən davam etsə də, toqquşmalar və partlayışların arası kəsilmir. Bu gün səhər Dəməşqdə güclü partlayış olub. Kabun məhəlləsindəki partlayışın səsinin bütün şəhərdə eşidildiyi bildirilib. “Azadinform” TRT-yə istinadən xəbər verir ki, partlayışın səbəbilə bağlı hələlik heç bir açıqlama verilməyib. Suriya ordusunun Xumsu tank atəşi altında saxladığı və geri çəkilmədiyi qeyd edilir.

 
1062 səhifə 1239-dən (dan) << < 1058 1059 1060 1061 1062 1063 1064 1065 1066 > >>
 Xəbər lenti
13.12.2018
12.12.2018
 Arxiv
Dek.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
31      
 
2018 All right reserved www.azadinform.az Powered by Danneo