Günel Əbilova/AZADİNFORM. İran 30 illik fasilədən sonra Misirə səfir təyin edib. “Azadinform” “CNNTürk”ə istinadən xəbər verir ki, bu addım İran xarici işlər naziri Əli Əkbər Salehi və Misir xarici işlər naziri Nabil əl-Ərəbi arasındakı danışıqlardan sonra atılıb. Qahirəyə təcrübəli diplomat Əli Əkbər Sibuyehin səfir kimi təyin olunduğu bildirilib.

AZADINFORM. Nigeriyanın hazırkı prezidenti Qudlak Conatan prezident seçkilərinin qalibi elan olunub. Bülletenlərin hesablanıb başa çatdırılmasından sonra məlum olub ki, ona seçicilərin 57 faizi səs verib.

AZADINFORM. Kuba Kommunist Partiyasının altıncı qurultayı ölkə əhalisinə daşınmaz əmlakın alqı-satqısına icazə verib. Kuba lideri Raul Kastro xəbərdar edib ki, hakimiyyət orqanları mülkiyyətin bir şəxsin əlində cəmləşməsinə imkan verməyəcək. Qeyd edək ki, qadağa 1959-cu il inqilabından sonra qoyulub.

AZADINFORM. ABŞ prezidenti Barak Obama və onun həyat yoldaşı Mişel ötən il 1,73 milyon dollara yaxın qazanc əldə ediblər. «Azadinform» «Lenta.ru»ya istinadən xəbər verir ki, bu barədə məlumat Birləşmiş Ştatların birinci ailəsinin vergi bəyannaməsində verilir. Bəyannaməni Ağ Evin mətbuat xidməti ictimaiyyət üçün açıqlayıb.

AZADINFORM. Mən optimistəm və əminəm ki, hər şey yaxşı olacaq, normal bir ölkə olacaq. Azadinformun məlumatına görə, bu sözləri eks-prezident Levon Ter-Petrosyan Ermənistanın 20 ildən sonra necə bir ölkə olacağı ilə bağlı BBC-nin rus xidmətinin sualını cavablandırarkən deyib.

AZADINFORM. Yerevan meriyası Erməni Milli Konqresinin mayın 4-də Azadlıq meydanında aksiya keçirmək barədə müraciətini rədd edib. «Azadinform»un «Armenia Today»ə istinadən yaydığı məlumatda bildirilir ki, şəhər rəhbərliyi bunu son günlər meydanda digər tədbirlərin keçirilməsi ilə əlaqələndirib.

AZADINFORM. Nigeriyanın indiki prezidenti Qudlak Conatanın prezident seçkilərində qələbəsi barədə mətbuatda dərc olunan məlumat ölkənin şimalında növbəti iğtişaşlara səbəb olub. Müxalifətdən olan namizəd Məhəmməd Buharinin tərəfdarları Conatanı seçkilərin nəticələrini saxtalaşdırmaqda ittiham ediblər.

AZADINFORM. ABŞ Konqresinə Türkiyəni Birləşmiş Ştatların ən əhəmiyyətli strateji tərəfdaşı kimi göstərən qətnamə layihəsi daxil olub. Layihəni Şimali Karolina ştatından olan respublikaçı-konqresmen Virciniya Foks irəli sürüb.

AZADINFORM. Liviyada Qəddafi ordusunun hərbçiləri kütləvi şəkildə zorlamalar həyata keçirməkdə günahlandırılıblar. «Azadinform” «Miqnews»a istinadən yaydığı xəbərdə göstərir ki, bu, Benqazidə üsyan edənlər arasında təşviş yaratmaq üçün edilir. Liviyanın «Deyli Star» qəzeti yazır artıq liviyalı həkimlərdən biri ilə müsahibə hazırlayıb.

AZADINFORM. Fransa ilə İtaliya arasında diplomatik qalmaqal qızışa bilər. Şimali Afrika ölkələrində baş verən hadisələrdən sonra qaçqınlar ordusunun Avropaya  axışması vəziyyəti xeyli gərginləşdirib.

AZADİNFORM. Moskva şəhər məhkəməsi Qeyri-leqal miqrasiyaya qarşı çıxış edən Hərəkatın ekstremist yönümlü olduğu barədə qətnamə qəbul edib. «Azadinform» «RİA Novosti»yə istinadən yaydığı məlumatda göstərib ki, məhkəmənin bu gün keçirilən iclasında hərəkatın nümayəndəsi Aleksandr Belov prosesin təxirə salınmasını istəsə də, məhkəmə bunu rədd edib. O, rəhbərlik etdiyi təşkilatın ekstremist yönümlü olmadığını iddia etsə də, məhkəmə bunu rədd edib.

AZADİNFORM. Yaxın Şərqi bürüyən hadisələrin şokunu yaşayan İran rəhbərliyi baş verə biləcək etiraz aksiyalarına əvvəlcədən hazırlıq görməyə başlayıb. «Azadinform» «Miq nyus»a istinadən xəbər verir ki, ayətullahı ən çox narahat edən qonşu Suriyada baş verən etiraz aksiyalarıdır. Məlumata görə, İslam İnqilabı Keşikçiləri Şurasının komandanı, general Əli Cəfəri bəyan edib ki, korpusda əhəmiyyətli struktur islahatları aparılır.

AZADINFORM. Rusiya Prezidenti Dmitri Medvedyev ölkə üzrə narkotiklərlə mübarizədə irəliləyişlərin olmadığını bəyan edib. «Kommersant» yaydığı məlumatda göstərir ki, prezident tələbələrin narkotik vasitə qəbul edib-etmədiyi barədə məcburi testdən keçirilməsini tələb edib.

AZADINFORM. Ukrayna baş prokurorunun müavini Renat Kuzmin sabiq prezident Viktor Yuşşenkonun zəhərlənməsi barədə yetərincə sübutlara malik olmadığını deyib. Lakin Kuzminin qənaətincə, hüquq-mühafizə orqanları Viktor Yuşşenkonun 2004-cü ildə guya qanında aşkar edilmiş dioksin maddəsinin dəyişdirilə biləcəyini istisna etmirlər.

AZADINFORM. Rusiya kommunistlərinin lideri Gennadi Züqanov bəyan edib ki, 2012-ci ildə keçiriləcək prezident seçkilərində iştirak edəcək. Bu barədə məlumatı «Azadinform» Rusiyanın «Birinci kanal»ına istinadən yayıb.

Günel Əbilova/AZADİNFORM. Obama yenə də “soyqırımı” ifadəsini işlətməyəcək.

Günel Əbilova/AZADİNFORM. Türkiyənin Qars şəhərindəki “İnsanlıq abidəsi” heykəlinin uçurdulmasına başlanılıb. “Azadinform” “Hürriyət” qəzetinə istinadən xəbər verir ki, artıq heykəlin təməl daşları sökülüb.

AZADİNFORM. Özbəkistan Prezidenti İslam Kərimovun qızı Lola Kərimova Fransanın “Rue89” informasiya saytını məhkəməyə verib. «Azadinform” «Uznews»a istinadən xəbər verir ki, o, saytın xəbərlərində atasının diktator adlandırılmasına etiraz olaraq bu addımı atıb.

/AZADINFORM/ Misirdə eks-prezident Hüsni Mübarəkin lider olduğu Milli Demokratlar Partiyası buraxılıb. Onun bütün aktivləri dövlətin sərəncamına verilib.

AZADINFORM. Səslərin ilkin hesablanması zamanı bəlli olub ki, Finlandiyada populist Əsl Finlərin Partiyası öz tarixində ilk dəfə olaraq ölkənin ən iri üç parlament partiyası sırasına düşüb. Aprelin 17-də keçirilən parlament seçkilərinin nəticələrinə görə, mühafizəkar Milli Koalisiya Partiyası 20, müxalifətdə olan Sosial Demokrat 19 və Əsl Finlərin Partiyası 19 faiz səs toplayıb.

 
1013 səhifə 1016-dən (dan) << < 1009 1010 1011 1012 1013 1014 1015 1016 > >>
 Xəbər lenti
16.01.2018
 Arxiv
Yan.2018
Be.Ça.Çə.Ca.Cü.Şə.Ba.
1234567
891011121314
15161718192021
22232425262728
293031    
 
2018 All right reserved www.azadinform.az Powered by Danneo