İran Qarabağ müharibəsi zamanı Qarabağda döyüşən erməni silahlı qruplaşmalarına yardım edib. APA-nın məlumatına görə, bu barədə İranın nüfuzlu saytlarından olan “İrdiplomacy” yazıb.

Məqalədə adı çəkilməyən İran diplomatı Azərbaycanın Qarabağı geri almaq istədiyini, bunun üçün müharibə apardığını deyib: “Amma məqsədinə nail ola bilmədi. O savaşda İran Qarabağdakı erməni silahlılarını himayə etdi. Bu isə Bakı ilə Tehran arasında ixtilafın yaranmasına səbəb oldu”.

AZADİNFORM. Bu gündən martın 14-dək Almaniyanın Berlin şəhərində Azərbaycan Respublikası və Almaniya Federativ Respublikası Xarici İşlər Nazirlikləri arasında siyasi məsləhətləşmələr keçirilir. “Azadinform” xəbər verir ki, məsləhətləşmələrdə Azərbaycan nümayəndə heyətinə nazir müavini Xələf Xələfov rəhbərlik edir. 

Səfər çərçivəsində bir sıra ikitərəfli görüşlərin keçirilməsi nəzərdə tutulub.

AZADİNFORM. Türk Ocaqları Maltəpə şöbəsi tərəfindən Dağlıq Qarabağ münaqişəsi və Xocalı soyqırımı ilə bağlı konfrans keçirilib. “Azadinform” xəbər verir ki, tədbirdə millət vəkili, Avrasiya Beynəlxalq Araşdırmalar İnstitutu İB-nin rəhbəri Qənirə Paşayeva çıxış edib. 

Q.Paşayeva bildirib ki, Ermənistanın 21 il əvvəl Xocalıda dinc azərbaycanlılara qarşı soyqırımı törədib və insanlığa qarşı bir cinayəti unutmayacaq və unutdurmayacağıq. Q.Paşayeva bildirib ki, Xocalı soyqırımını tanıyan qətnamələrin bir sıra ölkələr tərəfindən qəbul edilməsinə baxmayaraq, bu hadisəni törədənlərin hələ də ədalət qarşısında cavab verməyiblər. Millət vəkili bu soyqırımı törədənlərin ədalət qarşısında hesab vermələrinin Azərbaycanın ən böyük hədəflərindən olduğunu qeyd edib. Millət vəkili bildirib ki, ədalət tərəfində olanlar Xocalı soyqırımını tanımalıdırlar. 

Millət vəkili Qənirə Paşayeva beynəlxalq təşkilatlar tərəfindən qəbul edilən qətnamələrin Ermənistan tərəfindən yerinə yetirilmədiyini, 1 milyon insanın evinə dönə bilmədiyini qeyd edib. Q.Paşayeva bildirib ki, harada doğulmasından və harada yaşamasından asılı olmayaraq hər bir Türk insanı Xocalı Soyqırımı, Qarabağ həqiqətlərinin, Ermənistanın işğal etdiyi Azərbaycan torpaqlarında törətdiyi vandalizm aktlarının dünyaya çatdırılması, bu soyqırımı törədənlərin öz layiqli cəzasını alması üçün çalışmalıdır: “Qondarma erməni soyqırımı iddialarına qarşı mübarizə və Qarabağ probleminin həlli harada doğulub harada yaşamasından asılı olmayaraq bütün Türklərin əsas məsələsi olmalıdır. Biz bu iddiaların qarşısını almaq üçün həqiqətləri, gerçəkləri bütün dünyaya daha geniş şəkildə çatdırmalıyıq”. 

Azərbaycan Ordusunun əsgəri şəhid olub. Şirvan Şəhər Hərbi Komissarlığından hərbi xidmətə çağırılmış, Beyləqan rayonu N saylı hərbi hissənin əsgəri, 1994-cü il təvəllüdlü Əbilov Əli İlham oğlu martın 10-da qoşunların təmas xəttində düşmən snayperindən açılan atəş nəticəsində başından aldığı güllədən şəhid olub.  Bu barədə APA-nın Mil-Muğan bürosuna əsgərin qohumları məlumat veriblər. 

Şəhid əsgər əslən Şirvan şəhərindən olsa da, bu gün onun valideynlərinin yaşadığı  Sumqayıt şəhərində dəfn olunması gözlənilir.

Müdafiə Nazirliyinin mətbuat xidməti də əsgərin şəhid olması haqqında məlumat yayıb. Mətbuat xidmətindən APA-ya daxil olan məlumatda bildirilir ki, martın 10-da qoşunların təmas xəttinin Füzuli rayonu istiqamətində N saylı hərbi hissənin əsgəri 1994-cü il təvəllüdlü Əbilov Əli İlham oğlu atəşkəsin pozulması nəticəsində şəhid olub. 

Hyuston Universitetində Azərbaycanın enerji siyasəti barəsində müzakirələr aparılmışdır.

Martın 9-da Bakıda, Heydər Əliyev Mərkəzində "Muğam aləmi" III Beynəlxalq muğam festivalının təntənəli açılış mərasimi olub. Tədbirdə Heydər Əliyev Fondunun prezidenti, UNESCO-nun və İSESCO-nun xoşməramlı səfiri Mehriban xanım Əliyeva iştirak edib.

Martın 19-dək davam edəcək festivalın təşkilatçıları Heydər Əliyev Fondu, Mədəniyyət və Turizm Nazirliyi və Azərbaycan Bəstəkarlar İttifaqıdır.

Diasprla İş üzrə Dövlət Kmitəsinin dəstəyi və Avrpa Azərbaycanlıları Knqrsinin təşkilatçılığı ilə Frankfurt şəhərində "Avrpada Azərbaycan diaspru: yni dövrün şərtləri və qarşıda duran vəzifələr" mövzusunda diaspr nümayəndələrinin müşavirəsi kçirilib.

AZADİNFORM. “Bizlər – müsəlmanlar missioner yetişdirmirik. İslam terrora yox deyir, amma bizi terrorçuluqda ittiham edirlər. İş o yerə gəlib çatıb ki, dövlətlər öz siyasi mübarizələrində dini faktorlardan istifadə etməyə başlayıblar. Həm də o dövlətlər ki, dünyada demokratiyanın, tolerantlığı yaymaq iddiası ilə çıxış edirlər”. Bu barədə açıqlamanı “Azadinform”a Qafqaz Müsəlmanları İdarəsini Fətva şöbəsinin müdiri Qazi Hacı Mirəziz Seyidzadə verib.

Hacı Mirəziz bildirib ki, biz müsəlmanlar digər dinin nümayəndələrindən, xüsusən də son zamanlar İslama qarşı antitəbliğat usullarından hərtərəfli istifadə edən bəzi din daşıyıcılarından fərqli olaraq belə düşünmürük. “Məsələn, biz müsəlmanlar daha çox Allah-Təaladan gələn bütün dinlərə və həmin dini yayan peyğəmbərlərə hörmətlə yanaşırq. İstər mətbuatımız, istər dövlət adamlarmız, istərsə də dini liderlərimiz bu sahədə tolerantlığı qorumağa çalışırlar”-deyə Hacı Mirəziz əlavə edib.  

QMİ rəsmisi bildirib ki, Azərbaycanın dünyəvi, hüquqi, dinin dövlətdən ayrı bir ölkə olduğunu nəzərə alsaq hakimiyyət də radikal dini ab-havanın eleyhinədir: “Hakimiyyətin bu siyasəti əslində normal qarşılanmalıdır. Hakimiyyət İslamın elm, müasirlik humanizm dini olduğunu nəzərə alaraq vətəndaşlarının onun əsl mahiyyətinə yiyələnməsinin tərəfdarıdır. Elə məhz bu nöqteyi-nəzərdən dövlət heç bir radikal dini cərəyanın fəaliyyətinə və inkişafına imkan vermir və buna qarşı haqlı mübarizə aparır. Əslində cəmiyyət, xüsusən də inkişaf etməkdə olan vətəndaş cəmiyyəti də dövlətin bu siyasətinə dəstək olmalı, ekstremistlərin, terrorçu qrupların fiziki və mənəvi təcavüz planlarının qarşısını almalıdırlar”.  

Prezident İlham Əliyev martın 11-12-də Xorvatiyada rəsmi səfərdə olacaq. APA-nın Xorvatiya prezidentinin saytına istinadən xəbərinə görə, səfər çərçivəsində Azərbaycan prezidenti xorvatiyalı həmkarı İvo Yosipoviç, parlamentin sədri Yosip Leko, baş nazir Zoran Milanoviç və yerli sahibkarlarla görüşəcək.

Görüşlər zamanı ikitərəfli əlaqələrin gələcək inkişafı, o cümlədən Xorvatiyanın Avropa Birliyinə üzvlüyü, iqtisadiyyat, mədəniyyət, elm və turizm sahələrində əməkdaşlığın dərinləşdirilməsi məsələləri müzakirə olunacaq.

Səfər zamanı Azərbaycan prezidentini xarici işlər, iqtisadi inkişaf, mədəniyyət və turizm nazirləri müşayiət edəcək.

 

AZADİNFORM. Venusuela dövlət başçısı Huqo Çavesin rəsmi cənazə mərasimi paytaxt Karakasda qeyd olunub. “Azadinform” xəbər verir ki, mərasimdə Türkiyənin baş nazirinin müavini Bəşir Atalay, İran prezidenti Mahmud Əhmədinejad, Kuba dövlət başçısı Raul Kastro və Rusiya xarici işlər naziri Sergey Lavrovla yanaşı 55 ölkənin prezident və nümayəndələri iştirak edib. 

Caves ilə fərdi dostluğu ilə tanınan İran prezidenti Mahmud Əhmədinejad mərhumun tabutunu öpərək yola salıb. Çox həyəcanlı olduğu müşahidə edilən Əhmədinejad mərasimdə xalq tərəfindən ən çox alqışlanan lider olub.

Son dövrlər radikal yönümlü bəzi destruktiv qüvvələr tərəfindən ölkədə bərqərar olmuş ictimai-siyasi sabitliyin pozulmasına yönəlmiş qanunazidd cəhdlər göstərilir.

Azərbaycan Prezidenti İlham Əliyev Twitter sosial şəbəkəsinin rəsmi mikrobloqunda 8 mart- Beynəlxalq Qadınlar günü münasibətilə təbrik edib.

AZADİNFORM. Ottavanın Karlton Universitetində “Xəzər hövzəsində enerji siyasəti və əməkdaşlıq potensialı: Türkiyə, Azərbaycan və Kanada perspektivləri” adlı seminar keçirilib. “Azadinform” xəbər verir ki, tədbir Karlton Universiteti nəzdində fəaliyyət göstərən Müasir Türkiyə Araşdırmaları Mərkəzinin təşəbbüsü ilə təşkil edilib.

Seminar çərçivəsində Azərbaycan və Türkiyənin ölkədəki səfirləri, habelə müxtəlif elmi-tədqiqat mərkəzlərinin nümayəndələri çıxış ediblər. 

Tədbirdə “Azərbaycanın enerji təhlükəsizliyinə töhfəsi” mövzusunda təqdimatla çıxış edən səfir Fərid Şəfiyev ölkəmizin həyata keçirdiyi enerji strategiyası haqqında məlumat verib, qeyd olunan sahədə Azərbaycanın təşəbbüsü ilə reallaşan mühüm layihələrdən danışıb.

Gürcüstan böyük təzyiq altındadır və ölkənin xarici siyasətini sarsıtmaq cəhdləri göz qabağındadır. Bu barədə Gürcüstan prezidenti Mixail Saakaşvili Yunanıstanda "Şərqlə münasibətlərin dərinləşməsi" mövzusunda Avropa Xalq Partiyasının təşkil etdiyi forumda çıxışında bəyan edib.

Azərbaycanda millət vəkili yol qəzasında ölüb. Hadisə Balakən-Gürcüstan sərhəd yolunda qeydə alınıb. Gürcüstandan Balakən istiqamətində hərəkət edən, Milli Məclisin deputatı Hikmət Atayevin idarə etdiyi “VAZ-2106” markalı maşın “VAZ-21015” markalı maşınla toqquşub. Nəticədə H. Atayev aldığı xəsarətdən hadisə yerindəcə dünyasını dəyişib.

Balakən rayon Polis Şöbəsindən APA-ya faktı təsdiqləyiblər. Bildirilib ki, H. Atayev Gürcüstandan gəlirmiş və avtomobildə onunla bir yerdə oğlu da olub. Lakin qəzada millət vəkilinin oğlu elə ciddi xəsarət almayıb.

Qeyd edək ki, Hikmət Atayev 1953-cü ildə Zaqatala şəhərində anadan olub. O, Azərbaycan Dövlət Tibb Universitetinin müalicə-profilaktika fakültəsini bitirib. 1977-ci ildən Zaqatala Rayon Mərkəzi Xəstəxanasında cərrah, 2002-ci ildən Cərrahiyyə şöbəsinin müdiri vəzifələrində çalışıb. 2005 – 2006-cı illərdə Zaqatala şəhər bələdiyyəsinin sədri olub. 2006-cı il mayın 13-də 110 saylı Zaqatala seçki dairəsindən deputat seçilib. Milli Məclisin Sosial siyasət daimi komissiyasının, Azərbaycan-Almaniya Federativ Respublikası, Azərbaycan-Böyük Britaniya, Azərbaycan-Finlandiya, Azərbaycan-Ukrayna parlamentlərarası əlaqələr üzrə işçi qruplarının üzvü olub.

İtaliyanın sabiq baş naziri Silvio Berluskoni bir müddətinə azadlıqdan məhrum edilib.

Bu həftə Avropa Şurasının İşgəncələrin və qeyri-insani və ya ləyaqəti alçaldan rəftarın və ya cəzanın qarşısının alınması üzrə Komitəsinin yeni bürosu seçilib.


Kütləvi Ödənişlər üzrə Mərkəzləşdirilmiş İnformasiya Sisteminin (KÖMİS) bazasında Hökumət Ödəniş Portalı (HÖP) yaradılır.

Azərbaycanın sürüşmə və uçqun sahələrində aparılan monitorinqlərin nəticələri açıqlanıb. ETSN-ın Kompleks Hidrogeologiya və Mühəndis Geologiyası Ekspedisiyasının ekzogen geoloji proseslərin öyrənilməsi partiyasının rəisi Sadiq Əmiraslanovun APA-ya verdiyi məlumata görə, monitorinqin nəticələrinə əsasən, Abşeron yarımadasındakı sürüşmə sahələrində ciddi aktivlik müşahidə olunmur: “Yalnız Zığ sürüşmə sahəsində nisbi aktivlik qeydə alınıb. Qalan sürüşmə sahələrində vəziyyət stabildir, ciddi dəyişmə yoxdur. 20-ci sahədə baş verən uçqundan sonra həmin ərazidəki uçqun sahələrində də ciddi aktivləşmə qeydə alınmayıb”.

 

AZADİNFORM. Azərbaycan Respublikasının Prezidenti yanında QHT-lərə Dövlət Dəstəyi Şurasının sədri Azay Quliyevin rəhbərliyi ilə Türkiyədə səfərdə olan nümayəndə heyəti Ankarada bir sıra dövlət və hökumət rəsmilərlə görüşlər keçirib. “Azadinform” xəbər verir ki, ilk görüş Türkiyənin Daxili İşlər Naziri Muammer Gülərlə olub. Görüşdə vətəndaş cəmiyyəti qurumlarının fəaliyyətinin mühüm əhəmiyyətini qeyd edən Muammer Güler ölkələrimiz arasında hərtərəfli əməkdaşlıq əlaqələrindən danışıb. Bu günlərdə Xocalı soyqırımının 21-ci ildönümünün Türkiyədə də yüksək səviyyədə  anıldığı, Dağlıq Qarabağ probleminin həllində  Türkiyənin hər zaman Azərbaycanın yanında olduğu qeyd edilib. 

Daha sonra güclü vətəndaş cəmiyyətinin mövcudluğunun güclü dövlətin əsas təməl şərtlərindən olduğunu qeyd edən nazir iki dövlət arasında əməkdaşlığın yüksək səviyyədə olmasına baxmayaraq, sivil toplum quruluşlarının əlaqələrinin hələ zəif  olduğunu və bunun inkişaf etdirilməsinin vacibliyini bildirib. Səmimi qəbul üçün təşəkkür edən Azay Quliyev iki dövlətin vətəndaş cəmiyyəti qurumları arasında əlaqələrin daha da inkişaf etdirilməsi üçün birgə işçi qrupunun yaradılmasının zəruri olduğunu bildirib.  

Türkiyə daxili işlər nazirinin müstəşarı Necmeddin Kılıc və Türkiyə Dərnəklər Dairəsi Başkanı  Mustafa Yardımçı ilə keçirilən görüşdə dövlət-QHT münasibətləri, QHT-lərin fəaliyyətinin hüquqi əsasları,  QHT-lərə dövlət dəstəyinin forma və mexanizmləri haqqında geniş məlumat verilib. Eyni zamanda Türkiyə və Azərbaycan vətəndaş cəmiyyəti qurumları arasında əlaqələrin yaranmasında və inkişafında, təcrübə mübadiləsinin aparılmasında belə görüşlərin əhəmiyyəti vurğulanıb. 

Növbəti görüş Türkiyə Cümhuriyyətinin Baş Bakanlığının Vəqflər genəl müdiri Ertem Adnanla keçirilib. Görüş zamanı Türkiyədə vəqflərin tarixi, qurulma prinsipləri və fəaliyyəti haqqında geniş məlumat verilib. Şura sədri Azay Quliyev bu sahədə Türkiyənin böyük təcrübəyə malik olduğunu bildirərək, bu təcrübənin öyrənilməsi, təşviqi, tətbiqi, eyni zamanda iki qurum arasında qarşılıqlı əməkdaşlığın qurulması üçün birgə işçi qrupların yaradılmasının zəruriliyini qeyd edib və bu sahədə əldə olunmuş razılıq əsasında aidiyyəti şəxslərə müvafiq tapşırıqlar verilib.   


 

 
605 səhifə 689-dən (dan) << < 601 602 603 604 605 606 607 608 609 > >>
 Xəbər lenti
19.03.2019
 Arxiv
Mart.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728293031
 
2019 All right reserved www.azadinform.az Powered by Danneo