Növbəti tədris ilindən Azərbaycanda bəzi peşə təhsili ixtisaslarının sayı azaldıla bilər.

Milli Məclisin bu gün keçirilən plenar iclasında “Topaz” bukmeker kontorunun fəaliyyəti tənqid olunub.

Azərbaycanda yaşayan əcnəbilərin qeydiyyatında dəyişiklik ediləcək. Milli Məclisdən Trend-ə verilən məlumata görə, "Yaşayış yeri və olduğu yer üzrə qeydiyyat haqqında" qanuna dəyişiklik edilməsi ilə bağlı yeni qanun layihəsi hazırlanıb və parlamentin müzakirəsinə verilib.

AZADİNFORM. İnsan Hüquqları üzrə İtaliya Helsinki Komitəsinin təşkilatçılığı ilə Romanın “Tempio di Adriano” sarayında “Münaqişələr zamanı insan hüquqlarının pozulması: Xocalı qətliamı – Qafqazda Srebrenitsa” adlı beynəlxalq konfrans keçirilib. “Azadinform” xəbər verir ki, konfransı İtaliyanın Sapienza Universitetinin beynəlxalq inkişaf və əməkdaşlıq üzrə prorektoru professor Antonello Biacini açıb. A.Biacini çıxışında Ermənistan–Azərbaycan, Dağlıq Qarabağ münaqişəsinin tarixindən danışmış, Xocalı və Srebrenitsanın oxşar və fərqli cəhətlərini qeyd edib.

Sonra Sapienza Universitetinin beynəlxalq hüquq üzrə professoru Sercio Markizio münaqişələr zamanı insan hüquqlarının pozulmasına görə məsuliyyətin təyin edilməsi üçün Xocalı qətliamı haqqında beynəlxalq ictimaiyyətə məlumatın çatdırılmasının vacibliyini vurğulayıb. S.Markizio bildirib ki, Xocalı qətliamının Srebrenitsa ilə müqayisədə əsas fərqi hüquqi nöqteyi-nəzərdən beynəlxalq ictimaiyyət tərəfindən indiyədək heç bir addımın atılmamasıdır.

Daha sonra Almaniyanın “Freedom Rights Project” təşkilatının aparıcı mütəxəssisi professor Aaron Rods qaçqın və məcburi köçkünlər haqqında danışaraq bir neçə dəfə Azərbaycanda olmasını, qaçqın düşərgələrinə səfərlərini və orada yaşayanların ağır vəziyyətini xatırlayıb. A.Rods Xocalı qətliamı ilə bağlı ədalətin bərpa olunmasının vacibliyini və beynəlxalq ictimaiyyətin bu məsələyə diqqət yetirəcəyinə inandığını bildirib.

İnsan hüquqları və beynəlxalq humanitar hüquq üzrə Azərbaycan mütəxəssisi Azad Cəfərli Ermənistan–Azərbaycan, Dağlıq Qarabağ münaqişəsinin tarixindən danışaraq münaqişələr zamanı insan hüquqlarının pozulmasında təqsirli olanların məhkəmə mühakiməsi yolu ilə cəzalandırılmasının vacibliyini diqqətə çatdırıb. 

İnsan Hüquqları üzrə İtaliya Helsinki Komitəsinin baş katibi Antonio Stanqo müzakirələri yekunlaşdıraraq Xocalı qətliamına dair ədalətin bərpa olunmasının Ermənistan–Azərbaycan, Dağlıq Qarabağ münaqişəsinin həll edilməsində mühüm rol oynayacağını bildirib.

Prezident İlham Əliyev 8 mart – Beynəlxalq Qadınlar Günü münasibətilə Azərbaycan qadınlarını təbrik edib.

Son günlərdə Azərbaycanın bir neçə tanınmış incəsənət xadimi arasında baş vermiş narazılıqlar mətbuatda geniş müzakirələrə səbəb olub.

Azərbaycanda peşə təhsili müəssisələrində şagirdlər yalnız bir dəfə dövlət hesabına, yəni pulsuz təhsil ala biləcəklər. Bunu bazar ertəsi Trend-ə Təhsil Nazirliyinin Texniki peşə təhsili şöbəsinin müdiri Namiq Məmmədov deyib.

«Nabucco Gas Pipeline International GmbH.» və «TANAP Doalgaz Iletim A.S.» (Trans Anadolu Boru Kəməri) konsorsiumları arasında anlaşma və əməkdaşlıq memorandumu imzalanıb.

Raca Almarzoqinin rəhbərlik etdiyi Beynəlxalq Valyuta Fondunun (BVF) Azərbaycan üzrə missiyası İqtisadi İnkişaf Nazirliyində olub, nazir Şahin Mustafayevlə görüşüb. Trend-in bazar ertəsi nazirliyin saytına istinadən verdiyi məlumata görə, iqtisadi inkişaf naziri Şahin Mustafayev Azərbaycan iqtisadiyyatında aparılan islahatlar, 2012-ci ilin yekunları üzrə makroiqtisadi vəziyyət, son illərin inkişaf meylləri, 2013-2017-ci illərdə Azərbaycanın əsas makroiqtisadi proqnozları barədə məlumat verib.

2050-ci ildə Azərbaycan əhalisinin sayı 11 milyon nəfərə çatacaq.

“Biz Dağlıq Qarabağ münaqişəsinin nizamlanmasında tərəqqiyə nail olmaq üçün dəstəyimizi davam etdirəcəyik. Uzunmüddətli sülh və təhlükəsizliyə gətirib çıxaracaq bu nizamlanma prosesi məzmunlu addımlar atılmasını tələb edir”. APA-nın məlumatına görə, bu fikirlər ABŞ prezidenti Barak Obamanın yenidən prezident seçilməsi münasibətilə Serj Sərkisyana göndərdiyi təbrik məktubunda yer alıb.

Barak Obama həmçinin qeyd edib ki, ABŞ Ermənistan-Türkiyə münasibətlərinin mümkün nizamlanması istiqamətində işi davam etdirməyi arzulayır.

Azərbaycan Müdafiə Nazirliyi N saylı hərbi hissədə baş verən ölüm faktı ilə bağlı cinayət işinin açıldığını bildirib. Nazirliyin mətbuat xidmətindən Trend-ə daxil olan məlumata görə, martın 3-də saat 21.50-də N saylı hərbi hissənin əsgəri 1993-cü təvəllüdlü Mirzəzadə Orxan Ələmxan oğlu təhlükəsizlik qaydalarını pozaraq tabeliyindəki avtomat silahdan atəş açıb, nəticədə o, aldığı güllə yarasından dünyasını dəyişib.

Hadisə ilə baglı cinayət işi başlanıraraq, istintaq araşdırması aparılır.

Məlumata görə, isə həmçinin martın 3-də N saylı hərbi hissəsinin əsgəri 1993-cü il təvəllüdlü Heydərov İbrahim Rauf oğlu piyada əleyhinə minaya düşüb. Yaralı əsgər hospitala yerləşdirilib.

AZADİNFORM. Səfir Elin Süleymanov Amerika-İsrail İctimai Əlaqələr üzrə Komitəsinin (The American Israel Public Affairs Committee) “Gələcəyi birgə formalaşdıraq” mövzusunda keçirilmiş illik siyasi konfransında geniş auditoriya qarşısında çıxış edib. “Azadinform” xəbər verir ki, konfrans çərçivəsində keçirilmiş “İsrailin Cənubi Qafqaz dövlətləri ilə münasibətləri” mövzusunda müzakirələrdə isə Cons Hopkins Universitetinin Mərkəzi Asiya-Qafqaz İnstitutu nəzdində fəaliyyət göstərən İpək Yolu Araşdırmaları Proqramının direktoru Svante Kornel (Svante Cornell) və Hayfa Universitetinin baş mühazirəçisi Brenda Şaffer iştirak ediblər.

İlk olaraq Azərbaycanın ABŞ ilə münasibətləri haqqında məlumat verən diplomat iki dövlətin terrorçuluğa qarşı mübarizədə yaxından əməkdaşlıq etdiyini vurğulanıb, regional inkişafı və inteqrasiyanı sürətləndirəcək gündəmdə olan enerji layihələrinin reallaşmasında ABŞ-ın siyasi dəstəyinin vacib olduğunu qeyd edib.

Səfir E.Süleymanov Azərbaycan-İsrail ikitərəfli münasibətlərinin tarixindən bəhs edərək bu münasibətlərin strateji müttəfiqlik xarakteri almasında Azərbaycan xalqı ilə ölkəmizdə məskunlaşmış yəhudi icması arasında münasibətlərin rolunun danılmaz olduğunu bildirib.

Tarixən yəhudilərin əhalisinin əksəriyyətinin müsəlman olduğu dövlətdə dinc, heç bir ayrı-seçkiliyə məruz qalmadan yaşadığını qeyd edən səfir yəhudi icması nümayəndələrinin Ermənistan-Azərbaycan, Dağlıq Qarabağ münaqişəsi zamanı azərbaycanlılarla çiyin-çiyinə döyüşməsi və qəhrəmancasına şəhid olması faktını Azərbaycan xalqının heç vaxt unutmayacağını qeyd edib.

Hazırda İsrailin enerji resurslarına olan tələbatının 40 faizinin Azərbaycan tərəfindən ödənildiyini bildirən səfir yüksək səviyyəli rəsmi səfərlərin münasibətlərin daha da dərinləşməsi baxımından önəmli olmasını qeyd edib və bu xüsusda, İsrail Prezidenti və xarici işlər nazirinin ölkəmizə səfərlərini xatırlayıb.

Daha sonra çıxış edən S.Kornel Cənubi Qafqaz regionunun strateji coğrafi mövqeyinin region dövlətlərinin beynəlxalq arenada münasibətlərinin xarakterinin formalaşmasına təsir göstərdiyini qeyd edib. Regionu Qərblə Şərq arasında “həyati əhəmiyyətə malik dəhliz” kimi qiymətləndirən S.Kornel bu xüsusda Rusiya və İranla sərhədə malik yeganə dövlət olan Azərbaycanın mövcud reallıqlar və həssas qonşuluq şəraitində İsraillə strateji əməkdaşlığa sadiqliyinin xüsusi önəm daşıdığını vurğulayıb.

B.Şaffer çıxışında Azərbaycanda şahidi olduğu tolerantlıqdan bəhs edərək, ölkəmizin torpaqlarının Ermənistan tərəfindən işğal edilməsinə baxmayaraq, terrorçuluğun təbliğ edilmədiyi sülhsevər bir məkan olduğunu bildirib. Ermənistan-Azərbaycan, Dağlıq Qarabağ münaqişəsi barədə məlumat verən B.Şaffer bu kontekstdə Ermənistanın İranla münasibətlərindən xüsusi bəhs edib.

Məlumat üçün bildirək ki, ABŞ-dakı yəhudi icmasının ən genişmiqyaslı toplantısı olan illik siyasi konfransda bütün ştatlardan on üç mindən çox nümayəndə iştirak edir. Konfransın bu ilki əsas çıxışçıları sırasına ABŞ-ın vitse-prezidenti Co Bayden, İsrailin müdafiə naziri Ehud Barak, Kanadanın xarici işlər naziri Con Beyrd daxildir. 

 “Ermənistan hakimiyyəti öz xalqı ilə mübarizə üçün xarici gücləri cəlb etməyə çalışır”.

Bu gün Azərbaycanın xarici işlər naziri Elmar Məmmədyarov Parisdə ATƏT-in Minsk Qrupunun həmsədrləri ilə görüşüb. Bu barədə APA-ya Azərbaycan XIN mətbuat xidmətinin rəhbəri Elman Abdullayev məlumat verib. Görüşdə ATƏT-in Minsk Qrupunun həmsədrləri Yan Kelli, Jak For, İqor Popov və ATƏT-in fəaliyyətdə olan sədrinin xüsusi nümayəndəsi Anjey Kaspşik iştirak ediblər.

Görüş zamanı Ermənistan-Azərbaycan münaqişəsi ətrafındakı vəziyyətlə əlaqədar narahatçılıq ifadə edilib. Həmsədrlər regiondakı status-kvonun qəbulolunmaz olduğunu bir daha vurğulayıblar.  Xarici işlər naziri Elmar Məmmədyarov Ermənistanın qeyri-konstruktiv mövqeyinin münaqişənin həllinə mane olduğunu qeyd edərək, sülh prosesinin irəliləməsi və bütün regionda sülh və sabitliyin bərqərar olunmasına zəmin yaradılması üçün Ermənistan silahlı qüvvələrinin Azərbaycanın işğal altındakı ərazilərindən çıxarılmasının zəruri olduğunu vurğulayıb.

 

“Mən əminəm ki, prokurorluq orqanları oğlumun ölümünə ciddi yanaşaraq araşdırma aparacaq. Araşdırmalardan sonra hadisənin hansı səbəbdən və necə baş verməsi barədə düzgün məlumat əldə edə biləcəyik.

Oğlumun qanının yerdə qalmayacağına inanıram. Bu hadisənin müəyyən qüvvələr tərəfindən siyasiləşdirilməsinin əleyhinəyəm və bu məsələdə dövlətimizə arxayınam”. APA-nın xəbərinə görə, bunu  Azərbaycan Ordusunun dünən intihar etmiş əsgəri Seymur Allahverdiyevin atası Mürvət Allahverdiyev jurnalistlərə açıqlamasında deyib.

Əsgərin anası yas mərasimində iştirak edən Respublika Hərbi Prokurorunun müavini Şəfayət İmranova  müraciət edərək oğlunun özünü öldürməsinə inanmadığını, bu məsələnin düzgün araşdırılmasını tələb etdiklərini bildirib: “Hərbidə 17 ay xidmət edən və bir aydan sonra evinə qayıdacaq əsgərin özünü öldürməsinə inanmırıq”. 

 

İmişli rayonunda sahibkarlarla bağlı yaranmış anlaşılmazlıq həllini tapıb.

Ermənistan İnsan Haqları üzrə Avropa Məhkəməsinə Ramil Səfərovla bağlı şikayət ərizəsi təqdim edib.

Azərbaycan Respublikası Dövlət Neft Fondu (ARDNF) "Transanadolu" qaz kəməri (TANAP) layihəsində pay alacaq. Trend-in məlumatına görə, bu barədə cümə günü jurnalistlərə Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev bildirib.

Azərbaycanda valideyni olmayan, yaxud valideyn himayəsindən məhrum olan uşaqların pulsuz ali təhsil almaları ilə bağlı bu il qanunvericiliyə əlavə və dəyişikliklər olacaq.

 
574 səhifə 656-dən (dan) << < 570 571 572 573 574 575 576 577 578 > >>
 Xəbər lenti
22.10.2018
 Arxiv
Okt.2018
Be.Ça.Çə.Ca.Cü.Şə.Ba.
1234567
891011121314
15161718192021
22232425262728
293031    
 
2018 All right reserved www.azadinform.az Powered by Danneo