Hazırda Bakı Metropoliteninin vaqon parkı 266 vaqondan ibarətdir. Bu barədə Bakı Metropoliteninin rəisi Tağı Əhmədovun 8 noyabr - Metropoliten işçilərinin peşə bayramı münasibətilə metro işçilərinə müraciətində deyilir. Müraciət cümə axşamı Bakı Metropoliteninin rəsmi saytında yerləşdirilib.

Mübariz Aslanov/AZADİNFORM. Bu gün Azərbaycan Ali Məhkəməsinin növbəti iclası keçirilir. “Azadinform” xəbər verir ki, iclasda səhiyyə, ədliyyə nazirliklərinin nümayəndələri, məhkəmə sədrləri iştirak edib.

Moskva sakini, ixtisası vəkil olan Dmitri Vinoqradov “Riqla” apteklər şəbəkəsinin anbarına daxil olaraq oradakı şəxslərə iki karabin silahdan atəş açması nəticəsində ölənlərin sayı 6 çatıb. Qeyd edək ki, ötən gün dörd il burada işləmiş Vinoqradovun açdığı atəş nəticəsində 5 nəfər  ölüb, iki nəfər isə  ağır yaralanmışdı. Yaralılardan biri bu gün dünyasını dəyişıb.  Vinoqradov  təhlükəsizlik xidməti əməkdaşları tərəfindən saxlanıb. Saxlanan zaman müqavimət göstərməyən Vinoqradovun üzərindən 230 patron aşkarlanıb. 

AZADİNFORM. Beynəlxalq Mülki Aviasiya Təşkilatı (BMAT) yanında Azərbaycanın daimi nümayəndəsi səfir Fərid Şəfiyev bu təşkilatın Şurasının iclasında çıxış edib. Bu barədə məlumatı “Azadinform”a kanadadakı səfirliyimizdən veriblər.
Çıxış zamanı səfir Fərid Şəfiyev Xocalı hava limanının Ermənistanın işğalçı qüvvələri tərəfindən istismar edilməsi niyyətinə BMAT Şurasının üzvlərinin diqqətini cəlb edib. Səfir belə bir təxribatın həm beynəlxalq hüquqa zidd olduğunu, həm də bölgədə təhlükəsizlik vəziyyətinə xələl gətirdiyini qeyd edib.

Ermənistandan Suriyaya uçan daha bir yük təyyarəsi Türkiyənin Ərzurum hava limanında məcburi endirlib. Bu barədə Türkiyənin Doğan agentliyi xəbər verib.

AZADİNFORM. Bu gün Bakıda “Azərbaycan-ABŞ AmCham İKT Forumu” keçirilib. “Azadinform”un məlumatına görə, forum çərçivəsində memorandum imzalanıb. Rabitə və informasiya texnologiyaları naziri Əli Abbasov forumun nəticələri ilə bağlı jurnalistlərə açıqlamasında bildirib ki, 2022-2025-ci illərə İKT sektoru üzrə gəlirlər neft gəlirlərinə yaxınlaşacaq.

AZADİNFORM. “Əgər 10 il əvvəl Türkiyə Avropa Birliyinə böyük heyranlıqla baxırdısa, indi əksinə, AB Türkiyənin iqtisadi yüksəlişinə heyranlıqla baxır.

 

Adəm Abbaslı/AZADİNFORM. “Əgər mən terrorist idimsə, Ermənistan MTN-i məni niyə buraxdı?! Eşitmişəm ki, terroristləri elə-belə buraxmırlar”. “Azadinform” xəbər verir ki, bu sözləri Özbəkistan Respublikasının vətəndaşı Zamirjon Otajonov bu gün keçirdiyi mətbuat konfransında bildirib. 

 

Həbibə/AZADİNFORM. “bp ilə bütün məsələlər aydınlaşdırılıb, qruplar, texniki alt komitə işləməyə başlayıb”. “Azadinform” xəbər verir ki, bu açıqlamanı Dövlət Neft Şirkətinin prezidenti Rövnəq Abdullayev verib.

ATƏT-in qoşunların təmas xəttində keçridiyi monitorinq baş tutub.

Azərbaycan Müdafiə Nazirliyindən verilən məlumata görə, ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, noyabrın 7-də Azərbaycan Respublikasının Tovuz rayonunun Əlibəyli kəndi yaxınlığındakı təmas xəttində keçirilən monitorinq insidentsiz başa çatıb.


AZADİNFORM. ARDNŞ-in Gürcüstanla bağladığı müqavilələrlə bağlı hər hansı bir problem yoxdur. “Azadinform” xəbər verir ki, bunu jurnalistlərə açıqlamasında Dövlət Neft Şirkətinin prezidenti Rövnəq Abdullayev bildirib.

Sabahdan Azərbaycanda hava pisləşəcək, temperatur enəcək. Ekologiya və Təbii Sərvətlər Nazirliyi Milli Hidrometeorologiya Departamentindən "Azadinform"a bildiriblər ki, noyabrın 8-də gün ərzində güclənən şimal küləyi havanın temperaturunun aşağı enməsinə səbəb olacaq.

AZADİNFORM. Azərbaycanın müdafiə naziri, general-polkovnik Səfər Əbiyev İtaliyada rəsmi səfərdədir. Müdafiə Nazirliyinin mətbuat xidmətindən “Azadinform”a bildiriblər ki, general-polkovnik Səfər Əbiyevin İtaliyanın müdafiə naziri admiral Campaola Di Paola ilə əvvəlcə təkbətək, sonra isə geniş tərkibli görüşü olub.

 

ABŞ-ın hazırkı prezident B. Obama prezident seçilmək üçün Seçicilər Kollegiyasının lazım olan 303 səsini qazana bilib. Onun rəqibi, respublikaçı Mit Romni isə 203 səs alıb.

B. Obamanın qələbə qazanması Ohayo, Ayova, Pensilvaniya və Nyu-Hempşir kimi səslərin nəticələrinin proqnozlaşdırılması çətin olan ştatların səslərini ona verməsindən sonra mümkün olub. 


 

Gürcüstanın yeni hökuməti 2013-cü il dövlət büdcəsində Prezidentin Ehtiyat Fondu və Prezident Administrasiyası üçün nəzərdə tutulan məbləğləri ixtisar etməyə hazırlaşır.

Bakıda pərdə və plyonkalı avtomobillərin aşkar edilməsi məqsədilə bu gündən reydlərə başlanıllıb.

Bakı Şəhər Dövlət Yol Polisi İdarəsinin bölmə rəisi Vaqif Əsədov bildirib ki, bu ilin 10 ayında paytaxtda 5 mindən çox belə avtomobil aşkarlansa da, onların sahibləri inzibati qaydada məsuliyyətə cəlb olunsa da, bu qayda pozuntusuna yol verənlərin sayı artıb.

Bu məqsədlə yol polisi paytaxtın Nəsimi, Yasamal, Xətai və Nizami rayonlarında reydlərə başlayıb.


AZADİNFORM. Azərbaycanın Türkiyədəki səfirliyi Avstraliyanın Cənubi Uels ştatının qanunvericilik orqanının qondarma Dağlıq Qarabağ Respublikasının tanınması barədə qətnamə qəbul etməsi ilə əlaqədar bu ölkənin Türkiyədəki səfirliyinə nota göndərib. Bu barədə məlumatı “Azadinform”a Azərbaycan Xarici İşlər Nazirliyinin mətbuat xidmətinin rəhbəri Elman Abdullayev verib. Onun sözlərinə görə, Avstraliya səfirliyi ölkəsinin federal səviyyədə Azərbaycanın ərazi bütövlüyü və suverenliyini tanıdığını bildirib.

Natiq Bağırov/AZADİNFORM. Bakıda mənzildən 100 min dollarlıq oğurluq edən qadınlar tutulub. Bu barədə “Azadinform”a Bakı Şəhər Baş Polis İdarəsindən məlumat verilib.

Rusiya Prezidenti Vladimir Putin müdafiə naziri Anatoli Serdyukovu istefaya göndərib. Müdafiə Nazirliyinin yeni rəhbəri Sergey Şoyqu təyin edilib. O, bu vaxta qədər Moskva vilayəti qubernatoru postunu tuturdu. Xəbəri RİA Novosti yayıb.

Məlumata görə, bu barədə dövlət başçısı çərşənbə axşamı Şoyqu ilə görüşündə məlumat verib.


Azərbaycan lazım olacaqsa, Ermənistana qarşı daha radikal tədbirlər görəcək. Bunu jurnalistlərə "Ermənistan bəyan edir ki, Qarabağ üzərindən keçib, Azərbaycana gedən təyyarələri vura bilərlər. Azərbaycan bununla bağlı hansı tədbirlər görür?" sualını cavablandırarkən Prezident Administrasiyasının İctimai-siyasi məsələlər şöbəsinin müdiri Əli Həsənov deyib.

 
558 səhifə 600-dən (dan) << < 554 555 556 557 558 559 560 561 562 > >>
 Xəbər lenti
20.02.2018
 Arxiv
Fev.2018
Be.Ça.Çə.Ca.Cü.Şə.Ba.
   1234
567891011
12131415161718
19202122232425
262728    
 
2018 All right reserved www.azadinform.az Powered by Danneo