AZADİNFORM. “Bir qrup xarici ölkə QHT-ləri var ki, onları Azərbaycanda baş verən hadisələr qətiyyən maraqlandırmır. Həmin təşkilatlar əzəldən ölkəmizlə bağlı qərəzli mövqedədirlər və buna müvafiq hesabat hazırlayırlar. Bunlardan biri də "Freedom House" təşkilatıdır ki, onun "Keçid dövrü ölkələri-2013" adlı hesabatında Azərbaycan vətəndaş cəmiyyəti göstəricisinə görə aşağı reytinqdə qeyd edilib”. “Azadinform” xəbər verir ki, bu barədə açıqlama ilə millət vəkili Aydın Mirzəzadə çıxış edib. 

Şimali İrlandiyanın Lox Ern turizm zonasında “Böyük səkkizlər”in (G8) sammiti baş tutub. Əvvəlcədən gözlənildiyi kimi, Minsk qrupunun həmsədr ölkələri - Rusiya, ABŞ və Fransa Dağlıq Qarabağ münaqişəsi ilə bağlı yekun bəyanat imzalayıblar. Dağlıq Qarabağ münaqişəsinin nizamlanması ilə məşğul olan ATƏT-in Minsk qrupunun həmsədr ölkələri Rusiya, Fransa və ABŞ münaqişə tərəflərinin danışıqlar prosesi zamanı problemin həlli yolunu tapa bilmədiyinə görə dərin təəssüf hissi keçirirlər. 

Hakim Yeni Azərbaycan Partiyası (YAP) "Freedom House" təşkilatının hesabatını birmənalı olaraq qərəzli hesab edir. "Freedom House"un Azərbaycanın vətəndaş cəmiyyəti göstəricisinə görə aşağı reytinqdə qeyd edilən "Keçid dövrü ölkələri-2013" adlı hesabatını şərh edən YAP icra katibinin müavini, millət vəkili Mübariz Qurbanlı Trend-ə bildirib ki, bütün araşdırmalar göstərir ki, "Freedom House" təşkilatı müxtəlif qurumların sifarişini yerinə yetirir: "Bu qurumun maliyyə qaynaqlarına baxın, bu qurumun idarə edilməsinə diqqət yetirin. Bütün araşdırmalar göstərir ki, bu qurum demək olar ki, müəyyən maliyyə qurumlarının sifarişini yerinə yetirir".

Bu gün Azərbaycan Milli Sülh Komitəsinin plenum iclası keçirilib. Komitədən APA-ya verilən məlumata görə, Milli Sülh Komitəsinin sədri, xalq yazıçısı Maqsud İbrahimbəyovun sədrliyi ilə keçirilən iclasda 2013-cü ilin oktyabr ayında keçiriləcək prezident seçkiləri də müzakirə olunub.

Azərbaycan Respublikası Sahibkarlar Təşkilatları Milli Konfederasiyası Prezident İlham Əliyevin qarşıdan gələn seçkilərdə namizədliyini dəstəkləyib. Trend-in məlumatına görə, Azərbaycan Respublikası Sahibkarlar Təşkilatları Milli Konfederasiyasının IV qurultayında bu barədə qurultay iştirakçıları adından ölkə Prezidentinin ünvanına bəyannamə qəbul edilib.

Azərbaycan da daxil olmaqla hər bir ölkənin ərazi bütövlüyü toxunulmazdır. Trend-in məlumatına görə, bu barədə Avropa İttifaqının (Aİ) Cənubi Qafqaz üzrə xüsusi nümayəndəsi Filip Lefort Dağlıq Qarabağ bölgəsinin azərbaycanlı icmasının sədri Bayram Səfərovla görüşdə bildirib.

Ravid Zaidov/AZADİNFORM. Ukraynanın xarici işlər naziri, ATƏT-in sədri Leonid Kojaranın Cənubi Qafqaz ölkələrinə bu günə nəzərdə tutulan səfəri təxirə salınıb. “Azadinform” xəbər verir ki, L.Kojara bu gün yalnız Gürcüstana səfər edib. 

Leyla Məhərrəmova/AZADİNFORM Bu gün Bakıda ombudsmanların 11-ci beynəlxalq konfransı keçirilib. “Azadinform” xəbər verir ki, Ümumdünya İnsan Hüquqları Bəyannaməsinin  65 illiyi münasibətilə keçirilən konfrans “Davamlı inkişaf strategiyalarının yeni mexanizmlərinin insan hüquqlarının müdafiəsində və təbliğində rolu” mövzusuna həsr edilib. Qeyd edək ki, YUNESKO-nun  dəstəyi ilə keçirilən konfransda Avropa, Asiya və Amerikanın 10-dan artıq ölkəsindən 20-dən çox Ombudsman və onların nümayəndələri, insan hüquqları sahəsində beynəlxalq ekspertlər və  hüquqşünas alimlər iştirak ediblər. Bunların sırasına  Kanada, Türkiyə, Niderland, Bolqarıstan, Pakistan, Rusiya Federasiyası və Tatarıstan, Dağıstan respublikaları, Moldova, Gürcüstan, Estoniya kimi ölkələrdən təmsilçilər qatılıb. 

AZADİNFORM. Türkiyənin Milliyyətçi Hərəkat Partiyasının sədri Dövlət Baxçalı Azərbaycanlı bir millət vəkilinə möhkəm qəzəblənib. “Azadinform” etibarlı mənbəyə istinadən xəbər verir ki, partiyasının həftəlik toplantısında bu qəzəbini dilə gətirən D.Baxçalı Azərbaycanlı millət vəkili haqqında sərt ifadələr işlədib. 

Niderland Krallığının Azərbaycandakı yeni səfiri Robbert Qabriels olacaq. Bu barədə Trendə Niderland Krallığının Azərbaycandakı səfirliyindən məlumat verilib.

 

“Azərbaycanda bir milyon insanın hüquqları 20 ildir ki, tapdalanır. Qəribədir ki, BMT-nin İnsan Hüquqları Komissiyası və Avropa Şurasının İnsan Haqları Komissarlığının nümayəndələr bura gələndə irad tuturlar ki, guya biz bu insanların hüquqlarını pozuruq”. APA-nın məlumatına görə, bunu Ombudsmanların XI Bakı Beynəlxalq Konfransında çıxışında baş nazirin müavini, Qaçqın və Məcburi Köçkünlərlə İş üzrə Dövlət Komitəsinin sədri Əli Həsənov bildirib.

Adəm Abbaslı/AZADİNFORM. Alman tarixçisi Prof. Dr. İohannas Rau AMEA-nın Tarix İnstitutunda məruzələrlə ilə çıxış edəcək.

AZADİNFORM. Bu gün Bakıda Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) IV qurultayı öz işinə başlayıb. “Azadinform” xəbər verir ki, iqtisadi inkişaf naziri Şahin Mustafayev Prezident İlham Əliyevin qurultay iştirakçılarına məktubunu oxuyub.

Amerikalıların Obamaya inamı tükənir. Trend RİA Novostiyə istinadən məlumat verir ki, bu haqda CNN telekanalı keçirdiyi sosioloji sorğunun nəticəsində bildirib.

AZADİNFORM. Avstraliyanın Yeni Cənubi Uels (NSW) ştatının (Sidney şəhəri) parlament binası qarşısında bu qurumun bu il mayın 8-də yunanlara, assuriyalılara və ermənilərə qarşı 1914-1923-cü illərdə Osmanlı imperiyası tərəfindən soyqırımı törədilməsi iddialarının tanınması barədə qərar qəbul etməsinə qarşı etiraz aksiyası keçirilib. Avstraliya-Azərbaycan-Türk Dostluq Birliyindən "Azadinform"a  verilən xəbərə görə, 2 mindən artıq Azərbaycan, Türkiyə, Şimali Kipr, və digər türk dilli xalqların nümayəndələri və avstraliyada fəaliyyət göstərən təşkilatları iştirak ediblər.

AZADİNFORM. Bu gün Bakıda Azərbaycan Respublikasının Prezidenti yanında Strateji Araşdırmalar Mərkəzinin (SAM) təşkilatçılığı ilə “Xəzər regionunda əməkdaşlıq: milli perspektivlər və ümumi çağırışlar” mövzusunda konfrans keçirilib. "Azadinform" xəbər verir ki, konfransda Strateji Araşdırmalar Mərkəzinin direktoru Fərhad Məmmədov və Konrad Adenauer Fondunun regional proqram direktoru Canan Atilqan çıxış ediblər.

AZADİNFORM. Vaşinqtonun “WUSA9” telekanalının “Platts Energy Week” verilişində aparıcı Bill Lavlesin Azərbaycanın ABŞ-dakı səfiri Elin Süleymanov ilə müsahibəsi yayımlanıb. "Azadinform" xəbər verir ki, verilişin aparıcısı Azərbaycanı televiziya tamaşaçılarına öz təbii ehtiyatları və coğrafi mövqeyinə görə xüsusi əhəmiyyət kəsb edən bir ölkə kimi təqdim etdikdən sonra E.Süleymanova söz verib.

AZADİNFORM. Bu gün müdafiə naziri Səfər Əbiyev ölkəmizdə işgüzar səfərdə olan Gürcüstanın müdafiə naziri İrakli Alasaniya ilə görüşüb. 

Avropa Şurası Parlament Assambleyasının (AŞPA) yay sessiyasında Azərbaycan ilə bağlı hər hansı məsələnin müzakirəsi nəzərdə tutulmayıb. İyunun 24-dən 28-dək keçiriləcək sessiyanın ilk günündə AŞPA sədri ötən dövr ərzində görülən işlər barədə məlumat verəcək, büro və daimi komitənin hesabatları dinləniləcək, Bolqarıstanda keçirilmiş parlament seçkilərinin nəticələri müzakirə olunacaq, Nazirlər Komitəsinin sədri hesabat məruzəsi ilə çıxış edəcək.

AZADİNFORM. Bu gün Şimali İrlandiyada dünyanın ən böyük iqtisadiyyatına sahib 8 ölkəsinin liderlərinin bir araya gələcəyi G8 sammiti başlayır. "Azadinform" xəbər verir ki, iki gün davam edəcək zirvə görüşə İngiltərə Baş naziri David Cameron ev sahibliyi edir. 

 
491 səhifə 615-dən (dan) << < 487 488 489 490 491 492 493 494 495 > >>
 Xəbər lenti
22.04.2018
21.04.2018
 Arxiv
Apr.2018
Be.Ça.Çə.Ca.Cü.Şə.Ba.
      1
2345678
9101112131415
16171819202122
23242526272829
30      
 
2018 All right reserved www.azadinform.az Powered by Danneo