AZADİNFORM. Azərbaycan Mətbuat Şurasının sədri Əflatun Amaşov bu gün “Yeni Müsavat” qəzetinin əməkdaşı Günay Musayeva və jurnalist İdrak Abbasovun (“Zerkalo” qəzeti) peşə fəaliyyətini yerinə yetirərkən təzyiqlərlə üzləşmələri ilə bağlı daxili işlər naziri Ramil Usubova müraciət ünvanlayıb.

Natiq Bağırov/AZADİNFORM. Bu gün Şəki Ağır Cinayətlər Məhkəməsində narkotik alverində ittiham olunan Mingəçevir şəhər sakini, 1975-ci il təvəllüdlü Anar Pənahlının məhkəməsi başa çatıb. “Azadinform” xəbər verir ki, hakim İlham Mahmudovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Anar Pənahlı 2 il 6 ay müddətinə azadlıqdan məhrum edilib.

Natiq Bağırov/AZADİNFORM. Bu gün Şəki Ağır Cinayətlər Məhkəməsində iki nəfərin ölümü ilə nəticələnən ağır yol qəzası törətməkdə təqsirli bilinən Zaqatala rayon sakini Səfər Şabanovun məhkəməsi başa çatıb.


Mübariz Aslanov/AZADİNFORM. Tələbə Qəbulu üzrə Dövlət Komissiyası (TQDK) tərəfindən aprelin 8-dən etibarən abituriyentlərin qəbul imtahanlarına səmərəli hazırlaşmalarına, onlarda imtahan vərdişlərinin formalaşmasına və bilik səviyyələrinin real qiymətləndirilməsinə kömək məqsədilə Bakı şəhərində, respublikanın digər şəhər və rayonlarında, həmçinin Naxçıvan Muxtar Respublikasında sınaq imtahanları keçirilir. İmtahanların iyun ayının 10-dək keçirilməsi nəzərdə tutulub. Bu barədə məlumatı “Azadinform”a TQDK-nın mətbuat xidmətindən veriblər.

Mübariz Aslanov/AZADİNFORM. Bu gün TÜRKPA baş katibi Ramil Həsənov TÜRKKON baş katibi səfir Halil Akıncını qəbul edib. Bu barədə məlumatı “Azadinform”a TÜRKPA-dan veriblər.

Ümidə Həsənli/AZADİNFORM. Aprelin 25-də  Şimali Kiprdə yerləşən və burada yeganə dövlət universiteti olan Doğu Akdeniz Universitetində Azərbaycanın Mədəniyyət gecəsi təşkil olunacaq.

AZADİNFORM. Dini Qurumlarla İş üzrə Dövlət Komitəsinin sədri Hidayət Orucov Türkiyə Diyanət Vəqfi Mütevelli (İdarə) Heyətinin ikinci başqanı Mazhar Bilgini qəbul edib.

AZADİNFORM. Bu gün Sloveniyada dövlət sektorunun işçiləri tətil keçirir. Onlar hökumətin ağır iqtisadi tədbirlərinə qarşı çıxır. “Azadinform” “Rosbalt”a istinadən xəbər verir ki, tətil Sloveniyanın bir neçə şəhərində keçirilir.

Atif Eyvazov/AZADİNFORM. Bu gün təhsil naziri Misir Mərdanov Türkdilli Dövlətlərin Əməkdaşlıq Şurasının baş katibi Xəlil Akıncı ilə görüşüb.

Atif Eyvazov/AZADİNFORM. Bu yaxınlarda Milli Təhlükəsizlik Nazirliyi tərəfindən həyata keçirilən xüsusi əməliyyat nəticəsində Azərbaycanda ictimai-siyasi sabitliyi pozmaq məqsədilə təxribat-pozuculuq və terrorçuluq aksiyalarını planlaşdıran silahlı birləşmə zərərsizləşdirilib. MTN-in ictimai əlaqələr mərkəzindən “Azadinform”a verilən məlumata görə, müəyyən edilib ki, 2011-ci ilin yay aylarında Azərbaycan vətəndaşı Padarov Vüqar İspaxan oğlu ölkəmizdə təxribat-pozuculuq və terrorçuluq aksiyalarına hazırlıq görülməsi məqsədilə silahlı birləşmə yaradıb, onun üzvlərini odlu silah, döyüş sursatı, partlayıcı maddələr və digər hərbi ləvazimatla təchiz edib.

Çinarə Nurməmmədova/AZADİNFORM. “Bakı, mən səni sevirəm” kinolayihəsinin birinci mərhələsinin çəkilişləri başa çatıb.

Mübariz Aslanov/AZADİNFORM. Bu gün Ukrayna Ali Radasının sədri Vladimir Litvinin Azərbaycana rəsmi səfəri başlayıb. “Azadinform” xəbər verir ki, Heydər Əliyev adına Hava Limanında qonağı Milli Məclis birinci vitse-spikeri Ziyafət Əsgərov qarşılayıb.

Həbibə/AZADİNFORM. Böyük Britaniyanın paytaxtı London tam olaraq rəqəmsal yayıma keçir. “Azadinform”un məlumatına görə, analoq siqnallı yayımdan tamamilə imtina edilməsi bir milyard dollardan çox vəsaitin xərcləndiyi irimiqyaslı dövlət proqramının həyata keçirilməsində əsas mərhələni təşkil edir.

Həbibə/AZADİNFORM. Bu gün Bakıda Avropanın Dövlət Lotereyalar və Toto Assosiasiyasının dəstəyi, “Azərlotereya” ASC-nin təşkilatçılığı ilə “Lotereya fəaliyyətinin hüquqi tənzimlənməsi” mövzusunda tədbir keçirilib. Azadinform“a ASC-dən verilən məlumata görə, ilk dəfədir ki, Azərbaycanda keçirilən tədbirdə dünyanın 10 ölkəsində lotereya fəaliyyəti ilə məşğul olan təşkilatların rəhbərləri və nümayəndələri iştirak edib.
“Azərlotereya” ASC-nin İdarə Heyətinin sədri Maqsud Tağıyev tədbirin Dövlət Lotereyalar və Toto Assosiasiyasının üzvləri arasında əməkdaşlığın genişləndirilməsində və qarşılıqlı təcrübə mübadiləsinin həyata keçirilməsində əhəmiyyətini qeyd edib.

Həbibə/AZADİNFORM. Bu gün kənd təsərrüfatı naziri İsmət Abasov İsrailin kənd təsərrüfatı və kəndin inkişafı naziri xanım Orit Nokedin rəhbərlik etdiyi nümayəndə heyətini qəbul edib.

Həbibə/AZADİNFORM. Bu gün Azərbaycanın kənd təsərrüfatı naziri İsmət Abasov BMT-nin Ərzaq və Kənd Təsərrüfatı Təşkilatının (FAO) baş direktoru Joze Qratsiano da Silva ilə görüşüb.

Atif Eyvazov/AZADİNFORM. Bu gün Milli QHT Forumu (MQF) İdarə Heyətinin növbəti yığıncağı keçirilib. Məlumatı “Azadinform”a MQF-dən veriblər.

AZADİNFORM. ABŞ-ın ən varlı adamlarından və  investorlarından biri Uorren Baffet prostat xərçəngi olduğunu bildirib. “Azadinform” “Lenta.ru”ya istinadən xəbər verir ki, 81 yaşlı Baffet deyib ki, xəstəlik ilkin mərhələdə aşkar olunub və həyatı üçün təhlükə yaratmır. Baffet bundan sonra da işləyə biləcəyini deyib.

Həbibə/AZADİNFORM. Zaqatala və Gəncə şəhərlərində Vergilər Nazirliyinin rəhbər vəzifəli şəxsləri, ərazi vergilər idarələri, sahibkarların və ictimaiyyət nümayəndələrinin iştirakı ilə vergi ödəyiciləri ilə görüşlər keçirilib, Qaxda isə daha bir Vergi ödəyicilərinə xidmət mərkəzinin açılışı olub.

AZADİNFORM. Körfəz Əməkdaşlıq Şurasının üzvü olan ölkələr İran prezidenti Mahmud Əhmədinejadın Əbu Musa adasına səfərini pisləyib. “Azadinform” “Lenta.ru”ya istinadən xəbər verir ki, Qətərin paytaxtı Dohada verilən bəyanatda bildirilir ki, İranın bu addımı qonşu ölkələrlə olan sülh münasibətlərinə ziddir.

 
8067 səhifə 9059-dən (dan) << < 8063 8064 8065 8066 8067 8068 8069 8070 8071 > >>
 Xəbər lenti
22.09.2018
 Arxiv
Sen.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
 
2018 All right reserved www.azadinform.az Powered by Danneo