Dağlıq Qarabağ ərazisində məscidlərin, tarixi abidələrin dağıdılması qəbuledilməzdir. Bu barədə Azərbaycanda səfərdə olan İran Prezidentinin müşaviri, İslam Mədəniyyəti və Əlaqələri Təşkilatının sədri Məhəmməd Baqir Xürrəmşad keçirdiyi mətbuat konfransında deyib.

"Azərbaycan Hava Yolları" QSC (AZAL) yazda "Airbus" markalı təyyarələr alacaq. Bu barədə Trend-ə aviaşirkətdəki mənbə məlumat verib. Onun sözlərinə görə, hər iki təyyarə "-340" markalı olacaq.

AZADİNFORM. Taekvondo üzrə Gənclər və Böyüklər arasında XXIII Ümumrespublika birinciliyi və çempionatı start götürüb. 

Adəm Abbaslı/AZADİNFORM. Çexiyada Azərbaycana həsr olunmuş kitab çapdan çıxıb. “Azadinform”un məlumatına görə, “Əbədi odlar yurdu” adlanan kitabın 1-ci cildi Milli Azərbaycan Tarixi Muzeyinin eksponatlarına həsr olunub.

Adəm Abbaslı/AZADİNFORM. Rəhim Rəhimli çaşqınlıq içindədir. “Azadinform” xəbər verir ki, ekstravaqant bəstəkar-müğənni Rəhim Rəhimli yenidən seçilməyi bacarıb.

ABŞ-ın “Trafford” nəşriyyatı “Modern Azərbaycan nəsri” adlı irihəcmli kitabı nəfis şəkildə kütləvi tirajla çap etdirib.

 

“İranda hər hansı din xadiminin açıqlaması dövlətin mövqeyini əks etdirmir”. Bu fikirləri İran prezidentinin müşaviri, İslam Mədəniyyəti və Əlaqələri Təşkilatının sədri Məhəmməd Baqir Xürrəmşad mətbuat konfransında deyib. 

Türkiyədə xarici vətəndaşlara daşınmaz əmlak əldə etməyə icazə verən qanunun 2012-ci ilin avqust ayında qəbul edilməsindən dekabrın ortalarınadək əcnəbilər ölkədə 6 min ədədə yaxın daşınmaz əmlak əldə ediblər. Bu barədə Türkiyənin Torpaq kadastrı və alqı-satqı işləri üzrə Dövlət Komitəsindən bildiriblər.

“21 dekabr” – “Qiyamət günü” ilə əlaqədar Azərbaycanın bəzi məktəblərində davamiyyətin aşağı düşməsi halı müşahidə olunub. Bu barədə APA-ya açıqlamasında Təhsil Nazirliyinin ictimaiyyətlə əlaqə şöbəsinin müdiri Bayram Hüseynzadə deyib. O bildirib ki, Təhsil Nazirliyi tərəfindən məktəblərdə vəziyyətin və davamiyyətin necə olması ilə bağlı müvafiq araşdırmalar aparılıb. 

Dünyanın bir nömrəli terrorçusu Üsama Ben Ladenin dırnaqarası ovu haqqında çəkilmiş film artıq böyük ekranlarda nümayişindən qısa sonra siyasi rezonansa səbəb olub. “Bir nömrəli hədəf” döyüş filminin rejisyoru Ketrin Biqelou kifayət qədər siyasi-həssas mövzuya toxunmaqla, müdafiə nazirliyində çaşqınlıq yaradıb. 

AZADİNFORM. Bakı şəhəri, Sabunçu rayonunda vətəndaşa məxsus hər mərtəbəsi 90 kv.m olan birmərtəbəli dördotaqlı evin tüstü bacasının ətrafı  0,5 kv.m sahədə yanıb. “Azadinform” xəbər verir ki, evin qalan hissəsi yanğından mühafizə olunub. Yanğın saat 04:03-də yanğınsöndürənlər tərəfindən söndürülüb.

Gürcüstan prezidenti Mixail Saakaşvili Konstitusiyada nəzərdə tutulmuş hüququndan istifadə edərək hökuməti istefaya göndərmək niyyətində deyil.

M. Saakaşvili deyib ki, bu istiqamətdə hər hansı planı yoxdur: “Mən sadəcə onu deyirəm ki, ölkədə xaos və zorakılıq davam edərsə, bu, pis nəticələr verəcək. Mən hadisələrin radikal ssenari üzrə davam etməsini istəmirəm”.  

AZADİNFORM. Xaçmaz rayonu, Alekseyevka kəndi ərazisində “VAZ” markalı minik avtomobili Xanarxı kanalına düşüb. 

Bakıda Türkiyə vətəndaşı müəmmalı şəkildə dünyasını dəyişib. Bu barədə Qaradağ Rayon Prokurorluğundan bildirilib.

Ermənistanda olan Rusiya hərbi bazasının raket və artilleriya birliklərinin 300 məfərlik heyəti dağlıq ərazilərdə təlimlərə başlayıb. “News.am” saytının yaydığı məlumata görə, təlimlər dağlıq Alaqyaz ərazisində keçirilir. Cənub hərbi bölgəsi mətbuat mərkəzinin yaydığı məlumata görə, təlimlərdə “Qaubitsa” toplarından, “Qrad” BM-21 reaktiv qumbaratanlardan, “Konkurs” tank əleyhində raketlərdən və “Podnos” minamyotlarından istifadə olunur.

Azərbaycan-Ermənistan qoşunlarının təmas xəttində atəşkəs növbəti dəfə pozulub. Azərbaycan Müdafiə Nazirliyinin mətbuat xidmətindən verilən məlumata görə, erməni silahlı bölmələri dünən və bu gecə Tərtər rayonunun Göyarx və Qızıl Oba kəndləri yaxınlığında, Füzuli rayonunun ərazisindəki adsız yüksəkliklərdə yerləşən mövqelərdən atəşkəs rejimini pozublar.

Düşmən cavab atəşi ilə susdurulub.


 

Dekabrın 20-də Prezident İlham Əliyev Qusara səfəri çərçivəsində Şahdağ qış-yay turizm kompleksinə daxil olan “Qaya” otelinin açılışında iştirak edib. 

 

AZADİNFORM. Bu gün Parlamentin sədri Oqtay Əsədov İndoneziya Respublikasının Regional Nümayəndələr Şurasının sədri İrman Qusmanın başçılıq etdiyi nümayəndə heyətini qəbul edib. "Azadinform" MM-ə istinadən xəbər verir ki, spiker qonaqları salamlayaraq belə bir fikri ifadə etdi ki, nümayəndə heyətlərinin qarşılıqlı səfərləri və aparılan səmərəli danışıqlar nəticəsində əlaqələrimiz siyasi, iqtisadi, humanitar sahələrdə uğurla inkişaf edir. Ötən il ölkələrimiz arasında ticarət dövriyyəsinin həcmi 900 milyon ABŞ dolları olduğu halda, bu ilin doqquz ayı ərzində  bu göstərici 1 milyard 400 milyondan çox olmuşdur. Əməkdaşlığımızın daha da genişləndirilməsi üçün möhkəm hüquqi baza hazırlanır. Bu günə qədər ölkələrimiz arasında 5 sənəd imzalanmışdır. Daha iki sənəd imzalanma mərhələsindədir, bəzilərinin üzərində müvafiq iş gedir.  İnanırıq ki, bu sənədlər də imzalandıqdan sonra iqtisadi-ticarət sahəsində münasibətlərimizin inkişafında əsaslı dönüş yaranacaqdır.

 

AZADİNFORM. Aşqabad şəhərində Xəzəryanı dövlətlərin xarici işlər nazirlərinin müavinləri səviyyəsində Xəzər dənizinin hüquqi statusu haqda Konvensiyanın hazırlanması üzrə Xüsusi işçi qrupun 31-ci iclası keçirilib. "Azadinform" XİN-ə istinadən xəbər verir ki, iclasda Azərbaycan Respublikasından Xələf Xələfovun,  İran İslam Respublikasından Mohamməd Mehdi Axundzadənin, Qazaxıstan Respublikasından Zülfiyyə Amanjolavanın, Rusiya Federasiyasından İqor Bratçikovun, Türkmənistan Respublikasından isə Murad Atacanovun başçılıq etdiyi nümayəndə heyətləri iştirak ediblər. İclasa Türkmənistan Prezidenti yanında Xəzər məsələləri üzrə Dövlət müəssisəsinin sədri Murad Atacanov sədrlik edib.

 
7804 səhifə 9568-dən (dan) << < 7800 7801 7802 7803 7804 7805 7806 7807 7808 > >>
 Xəbər lenti
17.02.2019
16.02.2019
 Arxiv
Fev.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728   
 
2019 All right reserved www.azadinform.az Powered by Danneo