CAR-ın “Paramount Group” şirkəti Azərbaycan Müdafiə Sənayesi Nazirliyi ilə yeni layihələr üzərində müzakirələr aparır.

Adəm Abbaslı/AZADİNFORM. Gənc Vətənpərvərlər Birliyi Gənclər və İdman Nazirliyin maliyyə dəstəyi ilə “Ümumtəhsil orta ixtisas və ali orta təhsil müəssisələrində fiziki hazırlıq vasitəsilə Azərbaycan dövlət rəmzlərinin təbliği üzrə yeni təşəbbüslər” adlı layihə çərçivəsində Səbail rayon 2 saylı texniki Humanitar Elmlər Liseyində “Heç vaxt unutmarıq səni, Xocalı!” mövzusunda elmi-praktik konfrans keçirib. Birlikdən “Azadinform”a verilən məlumata görə, tədbir Xocalı faciəsinin XX əsrin ən dəhşətli faciəsi olduğu vurğulanıb. Bildirilib ki, bu faciənin öz qiymətini beynəlxalq aləmdə alması üçün ümumtəhsil məktəblərində, idman cəmiyyətlərində gənclər və yeniyetmələr arasında maarifləndirmə işlərini gücləndirmək lazımdır. Azərbaycanda fəaliyyət göstərən QHT-lər dünya ictimaiyyətinin, beynəlxalq təşkilatların, insan hüquqlarının müdafiəsi ilə məşğul olan təşkilatların diqqətini bir daha Xocalı soyqırımına cəlb edərək onları bu vəhşiliyə, özbaşınalığa, misli görünməmiş ədalətsizliyə öz münasibətlərini bildirmələrinə nail olmaq vacibdir.

Layihə rəhbəri, GVB-nin sədri M.Əliyev layihənin mahiyyətindən danışıb. M.Əliyev vurğulayıb ki, bəşər tarixində görünməyən XX əsrin ən dəhşətli Xocalı faciəsi unudulmamalı, yaddaşlarda yaşamalı, gələcək nəsil də bilməlidir ki, düşmənlərimiz kimdir və hansı vəhşiliklər törədiblər.

Bu əsər özünün bədii keyfiyyətləri ilə deyil, avantürist ideyaları və xəstə sayıqlamaları ilə diqqəti cəlb edir. Romanı burada şərh etmək fikrimiz yoxdur. Qoy onun bütün keyfiyyətlərini oxucu özü dəyərləndirsin. Bu vaxta qədər əsərin Azərbaycanca variantı olmadığından Azərbaycan oxucusunun əksəriyyətinin bunu etmək imkanı məhdud idi.

Adəm Abbaslı/AZADİNFORM. Azərbaycan Dillər Universitetində (ADU)  Xocalı şəhidləri yad olunub. ADU-dan “Azadinform”a verilən məlumuta görə,  Tələbə Gənclər Təşkilatının və Gənc Diplomatlar Birliyinin təşkilatçılığı anım tədbirində ADU-da təhsil alan Türkiyə, Qırğızıstan, Koreya və digər ölkələrdən də olan tələbələr iştirak edib. 

ADU-nun prorektoru Ələddin Əliyev çıxışında deyib ki, Xocalı soyqırımı bəşər tarixinin ən qanlı cinayətlərindən biridir. Prorektor bu mövzuda gəncləri maarifləndirməyin vacib olduğunu qeyd edib. Ə.Əliyev soyqırıma məruz qalmış insanların qanının yerdə qalmayacağını və dünya ictimaiyyətinin bu soyqırıma kəskin reaksiya göstərəcəyinə əminliyini ifadə edib: “Erməni vandalizmi bütün dünyaya tanıdılmalıdır. Xocalı faciəsinin dünya ölkələri tərəfindən tanınmasında Heydər Əliyev Fondunun bu sahədə gördüyü işləri xüsusilə vurğulamaq lazımdır. Fondun vitse-prezidenti Leyla Əliyevanın başlatdığı “Xocalıya ədalət” kampaniyasının artıq bütün dünya ölkələrində davam etdirilir. Hadisənin canlı şahidi “General Əli bəy” adı ilə tanınan Əlövsət Qasımov erməni vəhşiliklərindən danışarkən, ermənilərin xalqımızın başına gətirdiyi vəhşilikləri fotolentə köçürdüyü fotoları təqdim edib.

ADU-nun Azərbaycan tarixi, fəlsəfə və sosial elmlər kafedrasının professoru Məhəmməd Teymurlu isə erməni vandalların Azərbaycan xalqının başına gətirdiyi müsibətlərdən söz açıb. O, dünyanın bu faciəyə səssiz qalmayacağını və ədalətin bərqərar olacağını bildirib.

Digər çıxış edənlər də Xocalı soyqırımının bəşər tarixində misli görünməmiş vəhşilik olduğunu bildiriblər. Tədbirdə bu faciənin soyqırımı aktı kimi dünya tərəfindən qəbul edilməsinin vacibliyini vurğulanıb.

 

AZADİNFORM. Bu gün Bakıda Müstəqil Dövlətlər Birliyinin üzvü olan ölkələrin Dövlət İnformasiya Agentliklərinin Rəhbərləri Şurasının (MDB İnformasiya Şurasının) XVI iclası olub. “Azadinform” xəbər verir ki, iclasın işində Azərbaycan, Belarus, Qazaxıstan, Qırğızıstan, Moldova, Rusiya, Tacikistan və Ukraynanın dövlət informasiya agentliklərinin rəhbərləri, habelə MDB İcraiyyə Komitəsinin nümayəndələri iştirak edib.

Gündəliyə MDB İnformasiya Şurasının fəaliyyəti haqqında hesabat, Böyük Vətən müharibəsində Qələbənin 70 illiyinə hazırlıq, 2013-cü ildə MDB-də Belarusun sədrlik konsepsiyası çərçivəsində dövlət informasiya agentliklərinin əməkdaşlığı məsələləri daxil edilib. Birliyin iştirakçısı olan dövlətlərin Milli İnformasiya Agentlikləri Assosiasiyasının saytının işi, MDB İnformasiya Şurasının cari layihələri müzakirə edilib.

İclasda, həmçinin təşkilati məsələlərə baxılmış, İnformasiya Şurasının XVII iclasının keçirilməsi vaxtı və yeri müəyyən edilib.

Azərbaycan Dövlət Teleqraf Agentliyinin (AzərTAc) baş direktoru Aslan Aslanov iclasda çıxış edib. O vurğulamışdır ki, informasiya cəmiyyətinin formalaşması dövründə MDB İnformasiya Şurasının rolu və əhəmiyyəti qat-qat artır. Bu təşkilat Avropa və Asiya qitələrinin bir hissəsini əhatə edən vahid informasiya məkanı yaradılması, milli informasiya agentliklərinin fəaliyyətinin əlaqələndirilməsi, təcrübə mübadiləsinin tənzimlənməsi üzrə mühüm vəzifələri yerinə yetirir. Bütün bunlar bizi yeni biliklərlə zənginləşdirir, dünya informasiya bazarında rəqabət qabiliyyətimizin artmasına şərait yaradır.

A.Aslanov qeyd edib ki, iclasın gündəliyindəki mühüm məsələlərdən biri 1941-45-ci illərin Böyük Vətən müharibəsində Qələbənin 70 illiyinə hazırlıq məsələsidir. 

Birliyin üzvü olan ölkələrin Dövlət İnformasiya Agentliklərinin Rəhbərləri Şurasının sədri Vitali İqnatenko MDB İnformasiya Şurasının fəaliyyəti və vəzifələri haqqında məruzə ilə çıxış edib.

MDB İnformasiya Şurasının üzvləri MDB ölkələrinin dövlət informasiya agentliklərinin rəhbərləridir.

 

AZADİNFORM. Belçikanın Gent şəhərində qılıncoynatmanın sablya növü üzrə qadınlar arasında dünya kuboku yarışı keçirilib. “Azadinform” xəbər verir ki, yarışda Azərbaycanı “Neftçi” İSM-in üzvləri Səbinə Mikina, Aidə Ələsgərova, Sevil və Sevinc Bunyadova bacıları təmsil ediblər. Şəxsi yarışlarda idmançılarımızdan ən yaxşı nəticəni Sevil Bunyadova göstərib. O 160 idmançı arasında 20-ci olub.

Komanda yarışında isə qızlarımızın çıxışını uğurlu saymaq olar. Belə ki, dünya reytinqində 8-ci olduğumuz üçün komandamız yarışlara 1/16 finaldan yox, 1/8-dən başlayıb və ilk rəqibi dünya reytinqində 9-cu olan Almaniya yığması olub. Azərbaycan yığması Almaniya komandasına 45:28 hesabı ilə qalib gəlib. ¼ finalda isə qılıncoynadanlarımız dünya çempionu Rusiya yığmasını çoxlarının gözləmədiyi halda məğlub ediblər – 45:41.

Yarımfinalda İtaliya yığmasına 43:45 hesabı ilə uduzan qızlarımız, 3-cü yer uğrunda ABŞ idmançıları ilə qarşılaşıblar. Heyətində olimpiya çempionu və mükafatçılarının yer aldığı Amerika komandasına 35:45 hesabı ilə məğlub olan qızlarımız Dünya kubokunu 4-cü yerdə başa vurmaqla, ümumi reytinqdə 7-ci yerə yüksəliblər.

Beynəlxalq Futbol Tarixi və Statistikaları Federasiyası (İFFHS) dünyanın ən yaxşı baş məşqçilərinin reytinq siyahısını açıqlayıb. Fanat.az xəbər verir ki, milli komandamızın baş məşqçisi Berti Foqts siyahıda 42-ci yeri tutur.

Adəm Abbaslı/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti növbəti monitorinq keçirib. Nazirlikdən “Azadinform”a verilən məlumata görə, Bakının Nizami rayonunda baş tutan monitorinqlərdə M.Cavadovaya məxsus “Tural”, M.Mahmudova məxsus mağaza, A.Sarıyevə məxsus “Zəhra”, Nəsimi rayonunda

R.Abdullayevə məxsus mağaza, Ş.Əsədova məxsus  “Xəzər”  mağazasında saxlama müddəti ötmüş və normativ-texniki sənədlərin tələblərinə uyğun olmayan malların satıldığı, Ş.Nəbiyevə məxsus mağaza, Ə.Əsgərova məxsus mağaza, Z.Soltanova məxsus mağaza, T.Zəkəryəyevə məxsus mağaza, Ağdam rayonunda isə Zəngişalı kəndində yerləşən V.Cabbarova məxsus mağazada saxlama müddəti ötmüş malların satıldığı müəyyən edilib. Monitorinqlər zamanı ümumilikdə, 140 kq-a yaxın saxlama müddəti ötmüş və ya normativ sənədlərin tələblərinə cavab verməyən ərzaq malları aşkar olunub, satışdan çıxarılaraq məhv edilib.

Qeyd edək ki, qanun pozuntusuna yol verən şəxslər İnzibati Xətalar Məcəlləsinə uyğun olaraq inzibati cərimələr tətbiq olunub.

AZADİNFORM. Bu gün saat 10:00-dan “Lənkəran” və “Xarxatan” Qazpaylayıcı stansiyalarından təbii qaz təchizatı dayandırılıb. “Azadinform” xəbər verir ki, təmir işləri aparılan müddətdə Lənkəran şəhərinin bir hissəsi daxil olmaqla rayonun Şağlasel, Şiləvar, Xarxatan, Digah, Vilvan, Separadi, Cil, Rvo, Parakənd, Qurumba və Narbağı kəndlərinə təbii qazın verilişində saat 18.00-dək fasilələr yaranacaq.

Azərbaycan Avropada liderlik edən turizm istiqamətlərindən biri olmağa çalışır.

Adəm Abbaslı/AZADİNFORM. Musiqili Komediya Teatrı yeni layihələr üzərində işləyir. Teatrın direktoru Əməkdar incəsənət xadimi, fəlsəfə doktoru Əliqismət Lalayevin “Azadinform”a verdiyi məlumata görə, əsasən müsabiqə yolu ilə yaradıcı heyətə işə götürülən gənclərdən ibarət böyük bir qrupun hazırladığı “Kubinka” musiqili-essenin məşqləri davam edir. Ə.Lalayev bu tamaşanın məşqləri ilə bağlı teatr mühitinə vərdiş etdiyi iş rejimi də dəyişdirilib. Belə ki, məşqlər hər gün saat 8:00-da başlanır: “Teatrın yeni layihəsi olan “Kubinka”nın bu rejimlə məşqləri bütün yaradıcı heyətinin ürəyincədir. Bəstəkar Firudin Alahverdinin musiqisi əsasında hazırlanan tamaşaya rejissor Elvin Mirzəyev quruluş verir. Tamaşaçılara yaxşı məlum olan “Arşın mal alan” (Ü.Hacıbəyli) operettasından sonra bu tamaşa Elvin Mirzəyevin teatrımızda ikinci işi olacaq”. 

Direktor deyib ki, tamaşanın bədii tərtibatı Nabat Səmədovaya məxsusdur. Qeyd edək ki, insanların mənəvi aşınması, cəmiyyətdə təmiz və köməksiz insanların iç dünyası, köhnə Bakı haqqında nostalji hisslər və əzəmətli yeni Bakı haqqında düşüncələr tamaşanın – “Kubinka”nın teatrsevərlərə bəxş edəcəyi gözəl duyğular olacaq.

Əsas rollarında gənc aktyorlar Ülviyyə Hüseynovanın, Leyla Məmmədovanın, Fidan Babayevanın, Nigar İbadlının, Kamil Osmanlının, Rüstəm Rüstəmovun, Şəhriyar Hüseynzadənin, Şamil Əliyevin, Elvin Əliyevin, Ruslan Mürsəlovun, Şaban Cəfərovun məşğul olduğu tamaşanın premyerası aprel ayına planlaşdırılıb. 

İran parlamentinin 252 deputatı nüvə proqramıyla bağlı birgə bəyanat yayıb. APA-nın “Mehr” xəbər agentliyinə istinadən məlumatına görə, bəyanatda İranın nüvə fəaliyyətini əsla dayandırmayacağı bildirilib.

Azərbaycanda serial çəkilişlərinin start verildiyi bu dönəmdə milli hissləri üstün olan rejissorlara daha çox ehtiyacımız olduğunu düşünərək belə adamlardan birinə tutduq üzümüzü. İstədik bilək ki, çəkiliş meydançasında aktyorları imtahana çəkən rejissorların düçünmədən verdiyi cavablar necə olur. Layihəmizin qonağı peşəkar aktyor heyəti ilə qisa vaxt ərzində reytinq qazanan “Pərvanələrin rəqsi” serialının rejissoru və ssenari müəllifi Rövşən İsaxdır: 

AZADİNFORM. 19 yaşadək futbolçulardan ibarət Azərbaycan yığması martın 16-dan 25-nə qədər Finlandiyada təlim-məşq toplanışında olacaq. “Azadinform” xəbər verir ki, yığmamız martın 18-də Finlandiya, martın 22-də və 24-də isə Estoniyanın müvafiq yaş qrupundan ibarət yığması ilə yoldaşlıq oyunu keçirəcək.

Ermənistanda tələbələr seçki saxtakarlığına etiraz əlaməti olaraq tətilə başlayır.

“Atletiko Mineyro” klubunun yarımmüdafiəçisi Ronaldinyo 2012-ci ildə peşəkar karyerasını bitirməyə çox yaxın olduğunu etiraf edib. Fanat.az xəbər verir ki, braziliyalı futbolçu anasında yaranan xərçəng xəstəliyi üzündən ağır günlər keçirdiyini bildirib:

AZADİNFORM. Sabah - fevralın 26-da "Kapital U-15 Liqa"da XIV turun oyunları keçiriləcək. “Azadinform” xəbər verir ki, Xocalı soyqırımı ilə əlaqədar turun bütün oyunlarından əvvəl 1 dəqiqəlik sükut elan olunacaq və komandalar meydana qara sarğı ilə çıxacaq.

AZADİNFORM. Tələbə Qəbulu üzrə Dövlət Komissiyası növbəti tədris ilində keçirəcəyi imtahanlarda nəzarətçi kimi iştirak edəcək müəllimlər üçün seminar-məşğələlər keçirir. Seminar-məşğələlərin məqsədi nəzarətçi-müəllimləri qəbul imtahanının texnologiyası ilə yaxından tanış etmək, imtahanları təlimata uyğun keçirməyə hazırlamaqdır.  “Azadinform” xəbər verir ki, komissiyanın regional bölmələri tərəfindən də müvafiq bölgə üzrə 2013-cü ildə keçiriləcək imtahanlarda zal nəzarətçisi kimi iştirak edəcək nəzarətçi müəllimlərlə seminar-məşğələlərin keçirilməsinə başlanıb.  

TQDK-nın Şəki regional bölməsi tərəfindən qrafikə uyğun olaraq Qax, Şəki, Mingəçevir, Balakən, Zaqatala, Qəbələ və Oğuz şəhərlərində keçirilib. Seminarlarda regional bölmənin nəzarətçi bazasında olan 1100 nəfərə yaxın nəzarətçi müəllim iştirak edib.  

Dövlət vergi orqanlarına işə qəbul olunmaq üçün namizədlərin müsabiqəsi başa çatıb.

AZADİNFORM. Bu gün Təhsil Nazirliyində Təhsil Nazirliyində Azərbaycan Milli Valideyn-Müəllim Assosiasiyasının (AMVMA) üzvləri ilə görüş keçirilib. “Azadinform” xəbər verir ki, tədbirdə təhsil naziri Misir Mərdanov, Təhsil Nazirliyinin müvafiq struktur bölmə rəhbərləri, AMVMA-nın icraçı direktoru Təranə Şərifova, ümumi təhsil məktəblərinin rəhbərləri, Valideyn-Müəllim Assosiasiyalarının (VMA) sədrləri,  müəllim və valideynlər iştirak ediblər.

Görüş iştirakçıları Xocalı faciəsi qurbanlarının xatirəsini bir dəqiqəlik sükutla yad ediblər.

Tədbiri giriş sözü ilə açan təhsil naziri Misir Mərdanov görüşün əsas məqsədinin valideynlərin tədris prosesinə cəlb edilməsindən və məktəblərin idarə edilməsinə ictimai nəzarətin daha da gücləndirilməsi məsələlərinin müzakirəsindən ibarət olduğunu diqqətə çatdırıb. Nazir  təhsilin inkişafı ilə əlaqədar mütəmadi müzakirələr aparıldığını və mövcud problemlərin həlli yollarının aradan qaldırılması üçün səylərin artırıldığını bildirib. Təhsil Nazirliyinin “Qaynar xətt” xidmətinin fəaliyyəti haqqında danışan Misir Mərdanov bu xidmətin işinin daha da təkmilləşdirilməsinin nəzərdə tutulduğunu söyləyib.

Son illər məktəblərdə fəaliyyətə başlamış Valideyn-Müəllim Assosiasiyalarının fəaliyyətini yüksək qiymətləndirən təhsil naziri bununla yanaşı hələ də bir çox təhsil müəssisələrində müvafiq qurumların yaradılmadığını qeyd edib. Nazir yeni yaradılmış VMA-lara zəngin ənənələri və təcrübəsi olan VMA-ların iş prinsipindən yararlanmağı tövsiyə edib.

Təhsil işçilərinin cəmiyyətin aparıcı qüvvəsi olduğunu bildirən Misir Mərdanov ictimaiyyətin təhsil müəssisələrinin fəaliyyəti haqqında daha dolğun məlumatlandırılması baxımından VMA-ların üzərinə böyük məsuliyyət düşdüyünü qeyd edib. Nazir, həmçinin təhsil ocaqlarında yaranan problemlərin aradan qaldırılması işində VMA-ların fəaliyyətinin daha səmərəli təşkil edilməsinin zəruriliyini nəzərə çatdırıb.

Tədbirdə ümumi təhsil məktəblərinin VMA üzvləri, məktəb rəhbərləri, müəllimlər, valideynlər çıxış edib və bir sıra təkliflər səsləndiriblər.

Daha sonra təhsilin müxtəlif sahələrini əhatə edən açıq müzakirələr aparılıb.

Sonda bir sıra təhsil işçiləri “Azərbaycan Respublikasının qabaqcıl təhsil işçisi” döş nişanı ilə təltif olunub, ümumi təhsil məktəblərinin fəal VMA üzvlərinə sertifikatlar təqdim edilib.

 
7400 səhifə 9337-dən (dan) << < 7396 7397 7398 7399 7400 7401 7402 7403 7404 > >>
 Xəbər lenti
11.12.2018
10.12.2018
 Arxiv
Dek.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
31      
 
2018 All right reserved www.azadinform.az Powered by Danneo