Leyla Məhərrəmova/AZADİNFORM. Azərbaycan Milli Elmlər Akademiyasının vitse-prezidenti İbrahim Quliyev Kembric və Toronto şəhərlərinə səfər edib. “Azadinform” AMEA-ya istinadən  xəbər verir ki, səfər 24 iyun tarixinədək davam edəcək. 

Leyla Məhərrəmova/AZADİNFORM. Milli Azərbaycan Tarixi Muzeyində “Tarixdə Azərbaycan xalçaları” adlı sərgi keçirilir. “Azadinform” AMEA-nın mətbuat xidmətinə istinadən xəbər verir ki,  sərgi iyunun 17-dən 23-dək Azərbaycan Xalçası və Xalq Tətbiqi Sənəti Dövlət Muzeyi və Şərq Xalçaları üzrə Beynəlxalq Konfransın (İCOC), həmçinin “Azərbaycan xalçaları” İctimai Birliyinin üzvü Stefano İoneskonun təşkilatçılığı ilə keçirilməsi nəzərdə tutulmuş Xalça turu çərçivəsində təşkil olunub.  

Azərbaycanda seçicilərin yarıdan çoxunu təşkil edən Azərbaycan qadınlarının siyasi fəallığının artırılması, onların seçki kampaniyasının bütün mərhələlərində mütəşəkkil iştirakının təmini üçün mühüm addımların atılması vacibdir. Trend-in məlumatına görə, bu barədə Azərbaycan Respublikası Qadınlarının IV Qurultayının qəbul etdiyi qətnamədə qeyd edilir.

Ravid Zaidov/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib. Nazirlikdən “Azadinform”a verilən məlumata görə, monitorinq zamanı Bakının Nizami, Yasamal, Binəqədi, Sabunçu rayonlarında, Sumqayıt, Gəncə, Göygöl şəhərlərində, eləcədə Kürdəmir, Quba, Lənkəran və Tərtər rayonlarında bəzi vətəndaşlara məxsus mağazalarda saxlama müddəti ötmüş və normativ-texniki sənədlərin tələblərinə uyğun olmayan malların satıldığı aşkarlanıb.

Ravid Zaidov/AZADİNFORM. Bu gün Ağcabədi rayonu Muğanlı kəndində 375 abonentə mavi yanacağın verilməsi ilə əlaqədar tədbir olub. “Azadinform” Ağcəbədi Rayon İcra Hakimiyyətinə istinadən xəbər verir ki, tədbirdə çıxış edən rayon İcra Hakimiyyətinin Başçısı Şahin Məmmədov son illərdə respublikamızda görülən işlər barədə söz açıb. 

AZADİNFORM. Mərkəzi Bankın sədri Elman Rüstəmov Dünya Bankının (DB) Güzəştli Maliyyə və Tərəfdaşlıqlar üzrə vitse-prezidenti Yoaxim Von Amsberqin rəhbərlik etdiyi nümayəndə heyətini qəbul edib. “Azadinform” xəbər verir ki, görüş zamanı Azərbaycan Respublikası ilə əməkdaşlıq çərçivəsində görülmüş işlər, həyata keçirilmiş layihələr, həmçinin DB-nin texniki və maliyyə dəstəyinin uğurlu nəticələri müzakirə edilib.

Bakı Metropoliteninin yeni xətlərində platformada təhlükəsizlik qapıları quraşdırılacaq. Bakı Metropoliteninin rəisinin müavini Arif Rəsulov mətbuata verdiyi açıqlamasında bildirib ki, görülən işər sərnişinlərin təhlükəsizliyinə xidmət edir.

Leyla Məhərrəmova/AZADİNFORM. Bu gün  kənd təsərrüfatı naziri İsmət Abbasov Quba Regional Aqrar Elm Mərkəzinin inzibati binasında Quba, Qusar, Xaçmaz, Şabran, Siyəzən və Xızı rayonlarının sakinləri ilə görüşüb.

Leyla Məhərrəmova/AZADİNFORM. “Bank of Baku” və Azərbaycanın ilk mobil rabitə operatoru Bakcell müştərək layihəyə start verirlər. “Azadinform” xəbər verir ki, layihə çərçivəsində Bakcell CİN abunəçiləri üstünlük və imtiyazlarla təmin edilmiş kart əldə edəcəklər.

AZADİNFORM. Qafqaz Müsəlmanları İdarəsinin sədri Şeyxülislam Allahşükür Paşazadə Səudiyyə Ərəbistanı Krallığının Azərbaycana yeni təyin olunmuş səfiri Musəid ibn İbrahim əs-Süleymi qəbul edib. “Azadinform” xəbər verir ki, Şeyxülislam ona bu yeni işində uğurlar arzulayıb. Azərbaycanla Səudiyyə Ərəbistanı Krallığı arasında əlaqələrin qədim tarixə malik olduğunu deyən Qafqaz Müsəlmanları İdarəsinin sədri ölkəmiz müstəqillik qazandıqdan sonra münasibətlərin bütün sahələrdə uğurla inkişaf etdiyini bildirib. Şeyxülislam Allahşükür Paşazadə İslamın müqəddəs məkanlarına ziyarətlər zamanı Azərbaycanlı zəvvarlara yaradılan şəraitə görə Krallığın rəhbərliyinə minnətdarlığını çatdırmağı səfirdən xahiş edib.

Rusiyanın baş naziri Dmitri Medvedev 2018-ci ildə keçiriləcək Dünya çempionatı üçün ayırdıqları büdcəni açıqlayıb. "Rekord.az" xəbər verir ki, baş nazir mundialın təşkili üçün 21 milyard dollar ayırdıqlarını bildirib.

Adəm Abbaslı/AZADİNFORM. “Azərsu” Açıq Səhmdar Cəmiyyəti Biləsuvar şəhərinin su təchizatı və kanalizasiya sistemlərinin yenidən qurulması üzrə işlərin böyük hissəsi yekunlaşdırıb. “Azərsu”dan “Azadinform”a verilən məlumata görə, “Biləsuvar şəhərinin su təchizatı və kanalizasiya sistemləri kompleksinin yenidən qurulması layihəsi”nə əsasən Biləsuvar şəhərinə içməli su hazırda inşa edilən Şirvan-Muğan qrup su kəmərindən veriləcək.

Leyla Məhərrəmova/AZADİNFORM. Bu gün Kür çayının Samux rayonunun Sərkar kəndi ərazisindən keçən hissəsində 1 nəfər çaya düşüb.

Böyük Britaniyanın nüfuzlu “Guardian” qəzeti Türkiyənin baş naziri Rəcəb Tayyib Ərdoğanın karikaturasını yayımlayıb. ANS PRESS-in xarici mətbuata istinadən veridiyi məlumata görə, Gezi parkı hadisələrinin təsvir olunduğu karikaturada Ərdoğan filə bənzədilib. 

ABŞ, Rusiya və Fransa prezidentləri Barak Obama, Vladimir Putin və Fransua Olland G8 sammiti çərçivəsində danışıqların yekunu üzrə Dağlıq Qarabağ münaqişəsi ilə bağlı birgə bəyanat qəbul edəcəklər. Trend-in RİA Novosti-yə istinadən verdiyi məlumata görə, bu barədə cümə günü RF Prezidentinin köməkçisi Yuri Uşakov jurnalistlərə deyib.

AZADİNFORM. İyunun 22-də iqtisadi inkişaf naziri Şahin Mustafayev Horadiz  şəhərində Ağdam, Tərtər, Füzuli və Xocavənd rayonlarından olan vətəndaşları qəbul edəcək. “Azadinform” xəbər verir ki, vətəndaşların qəbulu saat 10:00-dan etibarən Horadiz Şəhər Mədəniyyət Sarayında (Ünvan: Füzuli rayonu, Horadiz şəhəri, Həzi Aslanov küçəsi, 27) təşkil olunacaq.

Ravid Zaidov/AZADİNFORM. Bu gün Azərbaycan Dillər Universitetində (ADU) “Tarixi prosesdə 15 iyun və onu doğuran səbəblər” mövzusunda dəyirmi masa keçirilib.

Ceyranbatan su anbarının ərazisindəki quru otlar yanır. Fövqəladə Hallar Nazirliyinin Dövlət Yanğından Mühafizə Xidmətindən Trend-ə verilən məlumata görə, su anbarının ətrafındakı ağaclıqda meydana gələn yanğının ətrafdakı yaşayış massivi üçün heç bir təhlükəsi yoxdur.

Adəm Abbaslı/AZADİNFORM. 17 iyun 2013-cü il tarixində Strateji Araşdırmalar Mərkəzinin (SAM) Xarici siyasət məsələlərinin təhlili şöbəsinin aparıcı elmi işçisi Zaur Şiriyev Brüsseldə Avropa Siyasət Mərkəzi (EPC) tərəfindən təşkil ediləcək “Dağlıq Qarabağ münaqişəsi və Avropa İttifaqının rolu” mövzulu konfransda məruzə ilə çıxış edəcək.

 
7396 səhifə 9690-dən (dan) << < 7392 7393 7394 7395 7396 7397 7398 7399 7400 > >>
 Xəbər lenti
26.03.2019
 Arxiv
Mart.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728293031
 
2019 All right reserved www.azadinform.az Powered by Danneo