Xalq artisti Nazpəri Dostəliyeva həmkarı İlhamə Quliyeva ilə arasında baş verənlərlə bağlı açıqlama yayıb.

Bu gün Milli Məclisin plenar iclasında cari məsələlərin müzakirəsi zamanı son vaxtlar bəzi kütləvi informasiya vasitələrində etnik məsələlərin süni şəkildə qabardılmasına etiraz edilib.

Milli Məclisin bu gün keçirilən plenar iclasında “Topaz” bukmeker kontorunun fəaliyyəti tənqid olunub.

AZADİNFORM. Bu gün “Alakol” Avtomatik Qazpaylayıcı Stansiyasından təbii qaz təchizatı dayandırılacaq. “Azadinform” xəbər verir ki, təmir işləri aparılan müddətdə Tovuz rayonunun bir hissəsinə təbii qazın verilişində fasilələr yaranacaq.

Milli Məclisin Sosial siyasət komitəsinin sədri Hadi Rəcəbli mətbuata bildirib ki, uşaqları internetdəki mənfi kontentdən uzaqlaşdırmaq məqsədi ilə parlamentdə xüsusi qanun layihəsinin hazırlanması gözlənilir. Onun sözlərinə görə, bu qanunun qəbulundan sonra internetə məhdudiyyətlər qoyulacaq. Komitə sədri fikrini əsaslandırmaq üçün artıq Rusiyada və bir sıra ölkələrdə belə məhdudiyyətlər olduğunu bildirib. 

AZADİNFORM. DÇ-2014-ün seçmə mərhələsi çərçivəsində martın 26-da Tofiq Bəhramov adına Respublika stadionunda keçiriləcək Azərbaycan - Portuqaliya oyununa bilet satışı davam edir. “Azadinform” xəbər verir ki, biletləri Tofiq Bəhramov adına Respublika stadionunun kassalarından, “28 Mall” Ticarət Mərkəzindən, “Metropark” Ticarət və Əyləncə Mərkəzindən və Park Bulvar Alış-Veriş Mərkəzindən almaq mümkündür.

Dünyanın 100 ən yaxşı ali məktəbinin reytinqi (“Times Higher Education World Reputation Rankings”) açıqlanıb.

AZADİNFORM. 2013-cü ilin fevral ayında ərzaq məhsullarının qiymətlərinin 1,0 faiz bahalaşması, qeyri-ərzaq malları və əhaliyə göstərilən pullu xidmətlərin qiymət və tariflərinin əvvəlki ayla eyni səviyyədə qalması ümumilikdə istehlak mallarının qiymətləri və xidmət tariflərinin əvvəlki ayla müqayisədə 0,5 faiz bahalaşmasına səbəb olub. “Azadinform” xəbər verir ki, ay ərzində unun, qarabaşaq yarmasının, makaronun, mal və qoyun ətinin, təzə balığın, pasterizə olunmamış üzlü südün, qatığın, yumurtanın, kərə yağının, şəkər və şəkər tozunun, limonun, portağalın, göyərtinin, çuğundurun, kökün, kartofun qiymətlərində ucuzlaşma, düyünün, manna yarmasının, çörəyin, vermişel və spaqettinin, toyuq ətinin, kolbasa məmulatlarının, pasterizə olunmuş üzlü südün, xamanın, pendirin, bitki yağlarının, naringinin, bananın, almanın, armudun, heyvanın, narın, şabalıdın, kələmin, xiyar və pomidorun, bibərin, sarımsağın qiymətlərində bahalaşma müşahidə olunub.

Gəncə şəhər Baş Polis İdarəsinin rəisinin birinci müavini Anar Əkbərov tutduğu vəzifədən azad olunub.

“Gürcüstan prezidenti Mixail Saakaşvilinin bəyanatı ölkənin Xarici İşlər Nazirliyi ilə razılaşdırılmayıb və hökumətin mövqeyini əks etdirmir”.

Azərbaycanda yaşayan əcnəbilərin qeydiyyatında dəyişiklik ediləcək. Milli Məclisdən Trend-ə verilən məlumata görə, "Yaşayış yeri və olduğu yer üzrə qeydiyyat haqqında" qanuna dəyişiklik edilməsi ilə bağlı yeni qanun layihəsi hazırlanıb və parlamentin müzakirəsinə verilib.

Bu ilin mart ayının əvvəlinə Azərbaycan əhalisinin ümumi sayının 50,3%-ni və ya 4 716,3 min nəfərini qadınlar təşkil edib.

Azərbaycanda sürücülərin daha çox istifadə etdiyi avtomobillərin siyahısı açıqlanıb. Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev çərşənbə axşamı Trend-ə bildirib ki, Azərbaycanda ən çox sürülən avtomobil "VAZ" markalı avtomobillərdir. Hazırda Azərbaycanda 430 mindən yuxarı "VAZ" markalı avtomobildən istifadə olunur.

İkinci yeri "Mercedes" markalı avtomobillər tutur. Belə ki, Azərbaycanda 160 min "Mercedes" markalı avtomobil sürülür.

Üçüncü yerdə isə "Hyundai" markalı avtomobillər durur. Azərbaycanda 50 minə yaxın sürücü bu markadan istifadə edir. Sonrakı dördüncü yeri (20 mindən çox) isə BMW markalı avtomobil tutur .

Qeyd edək ki, hazırda Azərbaycanda ümumilikdə 1 milyon 160 min avtomobil mövcuddur.

AZADİNFORM. Balaxanı Sənaye Parkının yeni internet səhifəsi (www.bsp.az) fəaliyyətə başlayıb. “Azadinform” xəbər verir ki, “Təmiz Şəhər” ASC tərəfindən istifadəyə verilmiş internet səhifə ölkəmizdə tullantıların emalı sahəsində ilk sənaye parkının fəaliyyətinin işıqlandırılmasına xidmət edəcək. 

Yenicə istifadəyə verilmiş internet səhifəsində sənaye parkının məqsəd və vəzifələri, potensial sahibkarlar üçün investisiya güzəştləri və faydaları haqqında geniş və müfəssəl məlumatlar yerləşdirilib. Sənaye parkı ilə maraqlananlar internet səhifəsində parkın infrastrukturu və üstünlükləri, bu sahədə qanunvericilik, investisiya güzəştləri, ölkəmizdə yaşıl biznesin inkişafı sahəsində irəliləyişlər, yeniliklər və ən son xəbərlərlə haqqında məlumat ala bilərlər. Həmçinin istifadəçilər sənədlər bölməsinə daxil olaraq sənaye parkının baş planı ilə tanış ola və ətraflı infrastruktur məlumatları əldə etmək üçün parkın elektron broşurunu yükləyə bilərlər. 

Habelə yaşıl biznes sahəsində fəaliyyət göstərmək istəyən sahibkarlar elektron formanı dolduraraq onlayn şəkildə müraciət edə və Balaxanı Sənaye Parkında əlverişli şərtlərlə istehsal sənayelərini qura bilərlər. 

AZADİNFORM. İstehlakçıların içməli su təchizatının yaxşılaşdırılması məqsədi ilə Bakı şəhəri Vaqif prospektində yeni çəkilmiş 500 mm diametrli magistral su xəttinin şəbəkəyə qoşulması işləri aparılır. “Azadinform” “Azərsu”ya istinadən xəbər verir ki, bununla əlaqədar gün ərzində paytaxtın Nəsimi və Nərimanov rayonlarının bir hissəsinə - Vaqif prospekti, C.Hacıbəyli, K.Rəhimov, F.X.Xoyski, Təbriz və Ağa Nemətulla küçələrinə içməli suyun verilməsində məhdudiyyətlər olacaq. 


AZADİNFORM. Azərbaycan milli komandasının Birləşmiş Ərəb Əmirliklərinin Dubay  şəhərində təşkil olunmuş təlim-məşq toplanışı və hazırlıq prosesi çərçivəsində keçirilmiş yoxlama oyunları ilə bağlı  AFFA-nın dəstəyi ilə  hazırlanmış "Milli komandamız" filmi İctimai Televiziyada nümayiş etdiriləcək. “Azadinform” xəbər verir ki, filmdə AFFA-nın baş katibi Elxan Məmmədovun, Azərbaycan milli komandasının baş məşqçisi Berti Foqtsun və komandanın üzvlərinin toplanış, həmçinin millimizin DÇ-2014-ün seçmə mərhələsi çərçivəsində keçirəcəyi oyunlar barədə fikirləri, məşq prosesi və yoxlama oyunlarından maraqlı görüntülər  yer alıb.

Filmin ideya və ssenari müəllifi AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğludur. Departamentin digər əməkdaşları - Fərid Əhmədov filmin  rejissoru, Mirzə Ələkbərov filmin operatoru, Etibar Tağıyev isə filmin redaktorudur.

Litvanın yeni təyin olunmuş xarici işlər naziri Linas Linkyaviçyus bu gün Azərbaycana səfərə gəlir. Litvanın Azərbaycandakı səfirliyindən APA-ya verilən məlumata görə, səfər tanışlıq xarakterlidir. Bir günlük səfər çərçivəsində keçiriləcək yüksək səviyyəli görüşlərdə Azərbaycan-Litva münasibətlərinin inkişafı, Azərbaycanın Avropa Birliyi ilə münasibətləri, Litvanın Avropa Birliyinə sədrliyi dövründə əsas prioritetləri müzakirə olunacaq.

AZADİNFORM. Füzuli rayonu, İkinci Mahmudlu kəndində vətəndaşa məxsus ümumi sahəsi 300 kv.m olan qarışıq mallar mağazasının tavanı 36 kv.m sahədə və 2 ədəd vitrin soyuducusu yanıb. “Azadinform” xəbər verir ki, mağazanın qalan hissəsi yanğından mühafizə olunub. 

AZADİNFORM. İnsan Hüquqları üzrə İtaliya Helsinki Komitəsinin təşkilatçılığı ilə Romanın “Tempio di Adriano” sarayında “Münaqişələr zamanı insan hüquqlarının pozulması: Xocalı qətliamı – Qafqazda Srebrenitsa” adlı beynəlxalq konfrans keçirilib. “Azadinform” xəbər verir ki, konfransı İtaliyanın Sapienza Universitetinin beynəlxalq inkişaf və əməkdaşlıq üzrə prorektoru professor Antonello Biacini açıb. A.Biacini çıxışında Ermənistan–Azərbaycan, Dağlıq Qarabağ münaqişəsinin tarixindən danışmış, Xocalı və Srebrenitsanın oxşar və fərqli cəhətlərini qeyd edib.

Sonra Sapienza Universitetinin beynəlxalq hüquq üzrə professoru Sercio Markizio münaqişələr zamanı insan hüquqlarının pozulmasına görə məsuliyyətin təyin edilməsi üçün Xocalı qətliamı haqqında beynəlxalq ictimaiyyətə məlumatın çatdırılmasının vacibliyini vurğulayıb. S.Markizio bildirib ki, Xocalı qətliamının Srebrenitsa ilə müqayisədə əsas fərqi hüquqi nöqteyi-nəzərdən beynəlxalq ictimaiyyət tərəfindən indiyədək heç bir addımın atılmamasıdır.

Daha sonra Almaniyanın “Freedom Rights Project” təşkilatının aparıcı mütəxəssisi professor Aaron Rods qaçqın və məcburi köçkünlər haqqında danışaraq bir neçə dəfə Azərbaycanda olmasını, qaçqın düşərgələrinə səfərlərini və orada yaşayanların ağır vəziyyətini xatırlayıb. A.Rods Xocalı qətliamı ilə bağlı ədalətin bərpa olunmasının vacibliyini və beynəlxalq ictimaiyyətin bu məsələyə diqqət yetirəcəyinə inandığını bildirib.

İnsan hüquqları və beynəlxalq humanitar hüquq üzrə Azərbaycan mütəxəssisi Azad Cəfərli Ermənistan–Azərbaycan, Dağlıq Qarabağ münaqişəsinin tarixindən danışaraq münaqişələr zamanı insan hüquqlarının pozulmasında təqsirli olanların məhkəmə mühakiməsi yolu ilə cəzalandırılmasının vacibliyini diqqətə çatdırıb. 

İnsan Hüquqları üzrə İtaliya Helsinki Komitəsinin baş katibi Antonio Stanqo müzakirələri yekunlaşdıraraq Xocalı qətliamına dair ədalətin bərpa olunmasının Ermənistan–Azərbaycan, Dağlıq Qarabağ münaqişəsinin həll edilməsində mühüm rol oynayacağını bildirib.

AZADİNFORM. Bakı şəhəri, Nizami rayonunda “KAMAZ” markalı yük avtomobili ilə “VAZ” markalı minik avtomobili toqquşub. “Azadinform” xəbər verir ki, dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunublar. Hadisə yerində əməliyyat şəraiti qiymətləndirilərkən məlum olub ki, hər iki avtomobil deformasiyaya uğrayıb, “VAZ” markalı avtomobildə olan sərnişin hadisə yerində ölüb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə avtomobildə sıxılmış vəziyyətdə qalmış şəxsin meyitini çıxararaq aidiyyəti üzrə təhvil veriblər. Həmçinin, xilasedicilər ərazidə müvafiq təhlükəsizlik tədbirləri görüblər.

 
7395 səhifə 9358-dən (dan) << < 7391 7392 7393 7394 7395 7396 7397 7398 7399 > >>
 Xəbər lenti
16.12.2018
15.12.2018
 Arxiv
Dek.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
31      
 
2018 All right reserved www.azadinform.az Powered by Danneo