AZADİNFORM. Türkiyənin baş naziri Rəcəb Tayyib Ərdoğan Ədalət və İnkişaf Partiyası (AKP) parlament fraksiyasının bu gün Ankarada keçirilən toplantısındakı çıxışına Xocalı qurbanlarının xatirəsini yad etməklə başlayıb. APA-nın xəbərinə görə, R. T. Ərdoğan Xocalıda kütləvi qətl törədənlərin hələ də öz cəzalarını almadığını bildirib: “Azərbaycanlı qardaşlarımızın acısını ürəkdən bölüşdüyümüzü bir daha ifadə edirəm. 21 il əvvəl qətlə yetirilən 613 qardaş-bacımızı təkrar rəhmətlə yad edirəm. Azərbaycanlı qardaşlarımız kimi, biz də bu insanlıq dramını unutmayacaq və unutdurmayacağıq”.

AZADİNFORM. Tələbə Qəbulu üzrə Dövlət Komissiyası (TQDK) magistraturaya sənəd verən bakalavrlara müraciət edib.

Milliyyətçi Hərəkat Partiyasının (MHP) lideri Dövlət Bağçalı prezident Abdulla Gülün Ermənistanda saxta seçki nəticəsində yenidən prezident seçilən Serj Sarkisyana təbrik məktubu göndərməsini tənqid edib. 

AZADİNFORM. Biləsuvar rayon sakini Musa Qasımovdan və onun oğlu Əlidən satış məqsədi ilə əldə etdikləri narkotik vasitələr götürülüb. “Azadinform” xəbər verir ki, Baş Mütəşəkkil Cinayətkarlıqla Mübarizə İdarəsi, Yardımlı RPŞ və Biləsuvar RPŞ əməkdaşlarının birgə həyata keçirdikləri əməliyyat-axtarış tədbirləri nəticəsində Biləsuvar rayon sakini, əvvəllər məhkum olunmuş Musa Qasımovdan və onun oğlu Əlidən satış məqsədi ilə əldə etdikləri 2 kiloqram 35 qram həşiş, 2 kiloqram 258 qram tiryək və 0,486 qram "Metodon" götürülüb.

Adəm Abbaslı/AZADİNFORM. Gənc Tamaşaçılar Teatrında Xocalı soyqırımının 21-ci ildönümü anılıb.

Türkiyə Milliyyətçi Hərəkat Partiyasının (MHP) lideri Dövlət Bağçalı partiyasının parlament fraksiyasının toplantısındakı çıxışında Xocalı soyqırımına toxunub.

AZADİNFORM. Moskva vilayəti Lyuberçı şəhərində Xocalı soyqırımı ilə bağlı tədbir keçirilib. “Azadinform”un xəbər verir ki, ziyalıların iştirak etdiyi tədbirdə Moskvada nəşr olunan “Vətən çağırır” qəzetinin baş redaktoru Saleh Qurbanov Xocalı soyqırımını Azərbaycan tarixində misli görünməyən faciə adlandırıb: Heç kimin bu faciəni unutmağa haqqı olmadığını bildirən S.Qurbanov “TRT Türk” kanalına verdiyi müsahibəsində qeyd edib ki, biz Türk xalqı ilə bir dövlət, iki millətik: “Ulu Öndər Heydər Əliyevin Azərbaycan tarixində gördüyü işlər bu gün Prezident İlham Əliyevin timsalında davam edir. Bu səbəbdən biz Qarabağın qaytarılmasına inamla baxırıq”. 

Tədbirdə Azərbaycan Beynəlxalq Diaspora Mərkəzinin sədri İsmayıl Ağayev çıxış edərək bildirib ki, bu gün Xocalı soyqırımı tarixdə misli görünməyən ən acı faciədir: “Bu günlərdə Xocalı soyqırımını Anka şəhərində Dostluq Cəmiyyəti ilə birlikdə qeyd olundu. Biz üç dəfə öz vətənimizdən deportasiya olunmuş insanlarıq. Bizim başımıza gətirilən müsibətləri bütün dünya bilməlidir. Bu gün Heydər Əliyev Fondunun prezidenti Mehriban xanım Əliyeva böyük işlər görür. O, Qarabağ həqiqətlərini dünyaya çatdırmaq üçün əlindən gələni edir. Eləcə də dövlət başçısı İlham Əliyev daim xalqla birlikdədir. O, xalqın çətin günündə xalqa dəstəkdir. Biz də diaspora olaraq bu işləri dəstəkləyirik”. 

Çıxış edən digər natiqlər vurğulayıb ki, vaxt gələcək tarixin dərin yaddaş qatlarında vəhşilikləri ilə qalan ermənilər bütün lazım olan cavablarını, cəzalarını alacaqlar.

Tədbirdə Lyuberçı rayon İcra Hakimiyyəti başçısının birinci müavini Pitov Sergey Pavloviç də iştirak edib. O çıxışı zamanı vurğulayıb ki, Azərbaycanla Rusiya arasında əlaqələrimiz bundan sonra da yüksələn xətlə inkişaf edəcək.

AZADİNFORM. Cari ilin yanvar ayında əhaliyə göstərilən pullu xidmətlərin həcmi ötən ilin müvafiq dövrünün səviyyəsini 9,3 faiz artaraq 288,9 milyon manat olub. “Azadinform” xəbər verir ki, xidmətlərin 70,3 faizi hüquqi şəxslərin payına düşüb və onlar tərəfindən əhaliyə 203,2 milyon manatlıq və ya əvvəlki ilin müvafiq dövründən 28,2 faiz çox xidmətlər göstərilib. Hüquqi şəxs yaratmadan fəaliyyət göstərən fərdi sahibkarlar tərəfindən göstərilən pullu xidmətlərin həcmi ötən ilin 80,9 faizini təşkil edərək 85,7 milyon manat olub. 

İaşə müəssisələrinin dövriyyəsi 2012-ci ilin yanvar ayı ilə müqayisədə 20,2 faiz artaraq 33,4 milyon manata çatıb. İaşə dövriyyəsi həcminin 56,9 faizi hüquqi şəxs statuslu müəssisələrdə, 43,1 faizi hüquqi şəxs yaratmadan fəaliyyət göstərən fərdi sahibkarların iaşə müəssisələrində formalaşıb. Hüquqi şəxs statuslu müəssisələrdə iaşə dövriyyəsi 19,0 milyon manat olub.

AZADİNFORM. Azərbaycanın İsveçrə Konfederasiyasındakı səfiri Əkrəm Zeynallı bu ölkənin parlamentin yuxarı palatası Kantonlar Şurasının sədri Filippo Lombardi ilə görüşüb. “Azadinform” xəbər verir ki, görüş zamanı səfir Əkrəm Zeynallı parlamentlərarası münasibətlərdən məmnunluq bildirib və hər iki ölkə parlamentində dostluq qruplarının fəaliyyət göstərməsini yüksək qiymətləndirib. 

Səfir həmçinin, parlamentlərarası təmasların daha da intensivləşdirilməsinin əhəmiyyətini və bunun reallaşması məqsədilə qarşılıqlı səfərlərin həyata keçirilməsinin vacibliyini qeyd edib. 

Görüş zamanı ölkəmizdə həyata keçirilən uğurlu sosial-iqtisadi siyasətdən bəhs olunub və Ermənistan-Azərbaycan münaqişəsi müzakirə edilib. 

AZADİNFORM. Azərbaycan xalqının XX əsrdə üzləşdiyi dəhşətli faciələrdən biri olan Xocalı soyqırımı ilə əlaqədar Rusiya Federasiyasının Stavropol vilayətində də anım tədbiri keçirilib.

AZADİNFORM. İsrailin paytaxtı Təl-Əvivdə Heydər Əliyev Fondu, AZİZ (Azərbaycan-İsrail Dostluq Cəmiyyəti) və Heydər Əliyev Mərkəzinin təşkilatçılığı ilə Xocalı soyqırımının 21-ci ildönümünə həsr olunmuş anım tədbir keçirilib. “Azadinform” xəbər verir ki, İsrailin hökumət üzvləri və deputatlarının qatıldığı anım mərasimində həmçinin İsrail Bələdiyyə Şurasının üzvləri, diplomatik korpusun nümayəndələri, ictimai birliklərin rəhbərləri, yerli və xarici KİV-lər, Təl-Əviv Universitetinin tələbələri və İsrailin Azərbaycanlı İcmasının nümayəndələri iştirak edib. 

Mərasim Xocalıda günahsız öldürülən insanların ruhuna oxunan dua ilə başlanıb. 

Anım tədbirində çıxış edən İsrailin absorbsiya naziri Sofa Landver iki ölkə arasında münasibətlərin müsbət məqamları və inkişafı haqqında danışaraq iki ölkə arasında əlaqələrin möhkəmləndirilməsi və dəstəklənməsinin vacibliyini vurğulayıb. 

Azərbaycan Milli Məclsinin deputatı Fuad Muradov Xocalı faciəsi haqqında danışaraq “İsaril-Azərbaycan” beynəlxalq Assosiasiyasına Azərbaycan və Dağlıq Qarabağ haqqında həqiqəti əks etdirən məlumatların təbliği ilə bağlı apardığı işə görə təşəkkür edib. 

“İsrail-Azərbaycan” Beynəlxalq Assosiasiyasının prezidenti Aleks Miller çıxışında qeyd edib ki, dünya Dağlıq Qarabağ münaqişəsi və doğma torpaqlarından didərgin düşmüş bir milyon azərbaycanlılar barədə həqiqəti bilməlidir. 

Daha sonra Heydər Əliyev Fondunun vitse-prezidenti Leyla Əliyevanın təşəbbüsü ilə soyqırıma həsr olunmuş “Bitməyən dəhliz” filmi nümayiş etdirilib.

Qeyd edək ki, film “Xocalıya Ədalət” kampaniyası çərçivəsində sənədli materiallar əsasında hazırlanıb.

 

AZADİNFORM. Azərbaycan BMT İnsan Hüquqları Şurasının 22-ci sessiyasının Yüksək Səviyyəli Seqmentində xarici işlər nazirinin müavini Xələf Xələfovun rəhbərlik etdiyi nümayəndə heyəti ilə təmsil olunur. “Azadinform” xəbər verir ki, fevralın 28-dək keçiriləcək Yüksək Səviyyəli Seqmentin ilk günündə nazir müavini Xələf Xələfov çıxış edib. 

X.Xələfov Azərbaycan Respublikası ilə BMT İnsan Hüquqları Şurası arasında mövcud əməkdaşlıq əlaqələri haqqında danışıb və İnsan Hüquqları Şurasının Universal Dövri İcmal mexanizmi çərçivəsində Azərbaycan Respublikası Hökumətinin ikinci dövri milli hesabatına 2013-cü ilin 30 aprel tarixində baxılacağını bildirib. 

Azərbaycan rəsmisi çıxışında həmçinin, Ermənistanın Azərbaycana qarşı hərbi təcavüzü, işğal faktı və onun ağır nəticələri haqqında tədbir iştirakçılarına ətraflı məlumat verib. Bu günlərdə Azərbaycan xalqının dərin kədər və hüzn ilə Xocalı soyqırımının 21-ci ildönümünü qeyd etdiyini nəzərə çatdıran nazir müavini Xələf Xələfov, müxtəlif ölkələrdən tədbirdə iştirak edən yüksək vəzifəli şəxslərə Xocalı soyqırımının mahiyyətindən, azərbaycanlı əhaliyə qarşı törədilmiş kütləvi qırğının bir sıra ölkələrin parlamentləri tərəfindən tanınmasından bəhs edib və beynəlxalq tanınmanın ədalətə xidmət edəcəyini vurğulayıb. Bu xüsusda, nazir müavini Xələf Xələfov İnsan Hüquqları Şurasını Xocalı soyqırımı üzrə faktların baxılması və qiymətləndirilməsi məqsədilə Xüsusi Komissiya yaratmağa çağırıb. 

Səfər çərçivəsində Xələf Xələfov Vyetnam Sosialist Respublikasının xarici işlər naziri Fam Bin Min və Özbəkistan Respublikası Milli İnsan Hüquqları Mərkəzinin sədri Akmal Saidov ilə ikitərəfli görüşlər keçirib. Görüşlərdə ölkələrimiz arasında münasibətlərin mövcud durumu və əməkdaşlığın gələcək perspektivləri, eləcə də qarşılıqlı maraq doğuran digər məsələlər müzakirə olunub. 

 

AZADİNFORM. Azərbaycanın Çex Respublikasındakı səfirliyinin təşkilatçılığı və dəstəyi ilə Praqada təhsil alan azərbaycanlı tələbələr tərəfindən şəhərin “Respublika” meydanında Xocalı soyqırımının 21-ci ildönümü anılıb. “Azadinform” xəbər verir ki, tədbirdə Xocalı soyqırımına dair sənədli film, eləcə də “Xocalıya ədalət” kampaniyası çərçivəsində çəkilmiş klip nümayiş etdirilib. Tədbirdə həmçinin, Heydər Əliyev Fondu tərəfindən təqdim edilmiş Xocalı soyqırımına dair fotoşəkillərdən ibarət sərgi də təşkil edilib.

Tədbirdə çıxış edən səfir Tahir Tağızadə iştirakçılara Xocalı Soyqırımı barədə ətraflı məlumat verib və faciə ilə əlaqədar bir neçə dövlət, o cümlədən Çex Respublikası Parlamentinin Deputatlar Palatasının Xarici Əlaqələr Komitəsi tərəfindən hüquqi qiymət verildiyini qeyd edib.

AZADİNFORM. Almaniyanın Konrad Adenauer Fondunun dəvəti ilə Yeni Azərbaycan Partiyasının Sədr müavini-İcra katibi Əli Əhmədovun başçılıq etdiyi YAP nümayəndə heyəti Almaniyada işguzar səfərdədir. “Azadinform” xəbər verir ki, səfər çərçivəsində YAP nümayəndə heyəti Almaniyanın hakim Xristian Demokratlar Birliyinin rəsmiləri, eləcə də Almaniya Bundestaqının bir sıra üzvləri ilə görüşlər keçirəcək, qarşılıqlı maraq doğuran məsələlər haqqında geniş fikir mübadiləsi aparacaq. Proqrama əsasən, YAP nümayəndə heyəti fevral ayının 25-də Bundestaqın Xarici Məsələlər üzrə Komitəsinin üzvü, XDB fraksiyasının xarici siyasət üzrə sözçüsünün müavini cənab Karl – Georg Uelman, XDB partiyasının Beynəlxalq Əməkdaşlıqlar Şöbəsinin müdiri Bertil Uenger, Bundestaqda XDB fraksiyasının sədrinin müavini, partiyanın idarə heyətinin üzvü cənab Mişel Fuks ilə görüşlər keçiriblər.

Qeyd edək ki, Almaniyada görüşlər başa çatdıqdan sonra YAP nümayəndə heyəti fevral ayının 27-də Brusselə səfər edəcək və burada bir sıra görüşlər keçirəcəkr.

YAP nümayəndə heyətinə YAP-ın Beynəlxalq Əlaqələr şöbəsinin müdiri, millət vəkili Asəf Hacıyev və YAP Gənclər Birliyinin sədr müavini Ramin Məmmədov daxildir.

AZADİNFORM. Yanvar ayında paytaxtın pərakəndə ticarət şəbəkələrindən əhaliyə 792,0 milyon manat məbləğində və ya 2012-ci ilin yanvar ayı ilə müqayisədə 14,5 faiz çox istehlak malları satılıb. “Azadinform” xəbər verir ki, satılmış ərzaq məhsullarının həcmi 0,3 faiz artaraq 321,5 milyon manata, qeyri-ərzaq mallarının həcmi isə 26,4 faiz artaraq 470,5 milyon manata bərabər olub. İstehlak mallarının 14,9 faizi hüquqi şəxslərin, 39,1 faizi hüquqi şəxs yaratmadan ticarət fəaliyyəti göstərən fərdi sahibkarların, 46,0 faizi isə bazar və yarmarkalarda fəaliyyət göstərən fiziki şəxslərin şəbəkələrində realizə olunub. 

Əhali istehlak mallarının 118,3 milyon manatlığını hüquqi şəxslərdən, 673,7 milyon manatlığını fərdi sahibkarlardan alıb. 2012-ci ilin eyni dövrü ilə müqayisədə hüquqi şəxslər üzrə pərakəndə ticarət dövriyyəsi 11,9 faiz, hüquqi şəxs yaratmadan fəaliyyət göstərən fərdi sahibkarlar üzrə isə 15,0 faiz artıb.

Bakıda ictimai nəqliyyat vasitələrini idarə edən sürücülər arasında nizam-intizamın yaradılması və avtobuslarla bağlı yol-nəqliyyat hadisələrinin sayının minimuma endirilməsi məqsədilə müvafiq tədbirlər görülməsi davam etdirilir.

AZADİNFORM. Mingəçevir şəhər sakini Rəhim Məmmədov "VAZ-2107" markalı avtomaşını idarə edərkən, onu körpüdən Kür çayına aşırıb. “Azadinform” xəbər verir ki, nəticədə sərnişin Elnaz Məmmədova suda boğulub, özü və digər sərnişini Aynurə Məmmədova isə xilas ediliblər.

Aygün Əliyeva/AZADİNFORM. Fevralın 27-28-i tarixlərində “Hilton” mehmanxanasında Azərbaycan-Yaponiya Peyk sektoruna həsr olunmuş seminar keçiriləcək. “Azadinform” xəbər verir ki, Azərbaycan-Yaponiya Peyk sektoruna həsr olunacaq seminarın əsas məqsədi Yaponiya və Azərbaycan tərəfdaşları arasında Azərbaycanda və Yaponiyada olan peyk proqramları, Yaponiyanın peyklə bağlı xidmət və məhsulları (peyklər, roketlər, yerüstü müşahidə və telekomunikasiya texnologiyaları), Azərbaycanda peykdən istifadə, peyk imiclərindən istifadə üçün tələb və ehtiyaclar haqqında məlumatların ötürülməsi və mübadilə olunmasını təmin etməkdir.

Qeyd edək ki, seminar Yaponiya ilə Azərbaycan arasında iqtisadi əlaqələrin müxtəlifliyi baxımından əməkdaşlığın inkişaf etdirilməsi və eyni zamanda iki ölkə arasında dostluq və tərəfdaşlıq münasibətlərinin daha da gücləndirilməsinə dəstək verəcək.

Xatırladaq ki, Yaponiya tərəfindən seminarda 17 şirkəti təmsil edən 30 nəfərin, Azərbaycan tərəfindən isə rabitə və informasiya texnologiyaları naziri Əli Abbasovun rəhbərliyi ilə 24 şirkəti təmsil edən 40 nəfərin iştirakı gözlənilir.

"Söyün Sadıqovun siyasi bəyanatları həm Azərbaycan, həm də Gürcüstan dövlətinə qarşı yönəlmiş təxribatdır" 

AZADİNFORM. Fevralın 25-də Gəncə şəhər sakini Təhminə Quliyevanın həyətinə açıq qalmış qapıdan girmiş naməlum şəxs onu döyərək bıçaqla boğaz nahiyəsinə yüngül xəsarət yetirib. “Azadinform” xəbər verir ki, naməlum şəxs içərisində idman dəsti olan çantanı və 2 cüt ayaqqabını götürərək qaçıb. Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Sevinc qəsəbə sakini Rövşən Qurbanov tutulub.

 
7394 səhifə 9336-dən (dan) << < 7390 7391 7392 7393 7394 7395 7396 7397 7398 > >>
 Xəbər lenti
10.12.2018
 Arxiv
Dek.2018
Be.Ça.Çə.Ca.Cü.Şə.Ba.
     12
3456789
10111213141516
17181920212223
24252627282930
31      
 
2018 All right reserved www.azadinform.az Powered by Danneo