Çində ilk 5G küçə fənəri quraşdırılıb

Çinin mərkəzi Hubey əyalətinin paytaxtı Uxan şəhərində beşinci nəsil mobil rabitə şəbəkəsini (5G) dəstəkləyən ilk “ağıllı” küçə fənəri quraşdırılıb.

Azadinform xarici mediaya istinadən xəbər verir ki, ilk baxışdan adi fənəri xatırladan qurğunun daxilində kamera, maye-kristal ekran, işıq lampaları və “5G” baza stansiyası yerləşdirilib.

Məlumata görə, fənər baza radiostansiyası ilə yanaşı, “ağıllı” şəhərin əsasını təşkil edəcək “5G” şəbəkələri vasitəsilə istifadəyə imkan verən bir sıra “ağıllı” funksiyalara malikdir.

Belə küçə işıqlandırması perspektivdə yerli sakinlərə küçəni işıqlandırmaqla yanaşı, smartfonlar vasitəsilə yüksək keyfiyyətli video, eləcə də əlavə reallıq texnologiyalarından yararlanmağa imkan verəcək.

Çinin “China Mobile” mobil rabitə və telekommunikasiya şirkəti yerli hakimiyyətlə birgə bu ilin yanvarında Uxan şəhərinin Tsyanxan ərazisində pilot rejimdə “5G” rabitə sistemlərini istifadəyə verməyə başlayıb. Şəhərdə “5G” sistemlərinin kommersiya istifadəsinə verilməsinin oktyabrda başa çatacağı gözlənilir.

Bundan əlavə, Pekinin İçjuan texniki-iqtisadi zonasının 2019-cu ilin sonunadək “5G” şəbəkəsi ilə əhatə olunması nəzərdə tutulur.

15.05.2019 23:35 / Baxılıb: 54 / Çap
 
    Bu bölmədə
     Xəbər lenti
    25.05.2019
    24.05.2019
     
    2019 All right reserved www.azadinform.az Powered by Danneo