Tezer Ağaoğlu deputat olduğu partiyadan niyə istefa verdi?

Türkçülüyün patriarxlarından olan Əhməd bəy Ağaoğlunun ailəsinin  Türkiyə də yaşadığı keşməkeşli həyatlarının ən maraqlı cizgilərindən biri də  Ağaoğlu ailəsində böyüyən övladların ötkəm və prinsipial xarakteri idi. Genetik olaraq Əhməd bəy Ağaoğlundan övladlarına keçən bu xüsusiyyətlər onlara bir ömür yol-yoldaşlığı etmiş ailənin əsas xarakterik obrazına çevrilmişdir.

Əhməd bəy Ağaoğlu Maltada sürgündə olarkən qızları Sürayyə və Tezere kinayə ilə “Ağayev” deyə müraciət etmələri onlara çox pis təsir edirdi. Türkiyənin elitası hesab edilən bu ailənin ən parlaq simalarından biri, Türkiyə Cümhuriyyətinin ilk qadın vəkili Sürayyə Ağaoğlu  “Bir ömür də böyle keçdi” adlı memuarında bu barədə yazır: “ O, çağlarda məni üsyana sövq edən başqa səbəblərdən biridə  ətrafımdakıların bizə “Ağayev” deyə müraciət etməsi idi.  Rusiyada Ağayev soyadı daşıyan atam Birinci Dünya Savaşından sonra soyadını Ağaoğluna dəyişmişdir. Anacaq hələdə davam edən bu cür münasibət ilə bizə təzyiq etmək istəyənlər “Ağayev” deyərək ailəmizin Rusiyadan gəlməsini xatırladırdılar”

Bu məsələ türkçülük ruhunda böyüyən Ağaoğlu  ailəsinin övladlarının hesiyyatına toxunurdu. Bu mövzuda ən ilginc hadisələrdən biri də məhz Əhməd bəy Aağoğlunun digər qızı   Qarsdan Türkiyə Böyük Millət Məclisinə deputat seçilmiş Tezer Ağaoğlu ilə bağlı baş vermişdir. 

Tezer Ağaoğlu TBMM-də təmsil etdiyi ÇHP-nin  mətbuu oraqanı olan “ Ulus” qəzetində qardaşı Səməd Ağaoğlu barəsində “ Ağayevin oğlu” deyə bəhs etdikləri üçün ÇHP-dən deputat olmasına baxmayaraq, etiraz əlaməti olaraq partiyadan istefa vermişdir.

Türkiyyə Cümhuriyyətinin qurucusu Mustafa Kamal Atatürkü belə tənqid etməkdən çəkinməyən böyük mütəffəkir Əhməd bəy Ağaoğlunun qızlarının bu cür xarakteri Aağoğlu  genetik kodlarının daşıyıcısı olmasından xəbər verirdi.


Səməd Vəkilov

Hüquqşünas

10.05.2019 12:16 / Baxılıb: 133 / Çap
 
    Bu bölmədə
    17.04.2019
    Axına qarşı
     Xəbər lenti
    23.05.2019
     
    2019 All right reserved www.azadinform.az Powered by Danneo