Rezidenturada ixtisasların sayı artırılıb

AZADİNFORM. Rezidenturada həkim-mütəxəssis hazırlığı aparılan ixtisasların sayı artırılıb.

Azadinform-un məlumatına görə, Nazirlər Kabineti bununla bağlı “Rezidentura təhsilinin məzmunu və təşkili Qaydaları” və  “Rezidenturada həkim-mütəxəssis hazırlığı aparılan ixtisaslarınTəsnifatı”nda dəyişikliklər edib.

Qərar 2019-cu il sentyabrın 15-dən qüvvəyə minir. Beləliklə, rezidenturada təhsil müddəti 2 il olmaqla ailə təbabəti, təhsil müddəti 4 il olmaqla nüvə təbabəti, təhsil müddəti 3 il olmaqla endodontiya, parodontologiya, restorativ stomatologiya, ortopedik stomatologiya, uşaq stomatologiyası, ortodontiya, uşaq və yeniyetmə psixiatriyası, təhsil müddəti 4 il olmaqla neonatologiya, uşaq endokrinologiyası, uşaq kardiologiyası, uşaq nefrologiyası, uşaq nevrologiyası, uşaq qastroenterologiyası, təhsil müddəti 5 il olmaqlauşaq urologiyası və təhsil müddəti 4 il olmaqla uşaq yoluxucu xəstəlikləri ixtisasları tədris olunacaq.

Qərara əsasən rezidenturada tədris olunan bir sıra ixtisasların adları da dəyişdirilib, “Terapiya” “Daxili xəstəliklər”, “Allerqologiya” “Allerqologiya və immunologiya”, “Mikrobiologiya” “Tibbi mikrobiologiya”, “Genetika” “Tibbi genetika” ilə əvəzlənib.

Yeni ixtisasların yaradılması və bir sıra ixtisasların adlarının dəyişməsi ilə əlaqədar müvafiq olaraq immunologiya və stomatologiya ixtisasları siyahıdan çıxarılıb.

20.03.2019 13:24 / Baxılıb: 66 / Çap
 
    Bu bölmədə
     Xəbər lenti
    22.04.2019
    21.04.2019
     
    2019 All right reserved www.azadinform.az Powered by Danneo