Bolqarıstan Azərbaycandan əlavə qaz idxalında maraqlıdır

"Bolqarıstan Azərbaycandan əlavə təbii qaz idxalında maraqlıdır".

Azadinform xəbər verir ki, bunu jurnalistlərə Bolqarıstanın Baş naziri Boyko Borisov bildirib.

O, Bakıda Prezident İlham Əliyevlə keçirdikləri görüş zamanı Bolqarıstana 1 milyard kubmetr qaz tədarükü üçün TAP qaz kəmərinə ayrıca xəttin inşası məsələsini müzakirə etdiklərini diqqətə çatdırıb.

Xatırladaq ki, iki ölkə arasında əldə edilən razılığa əsasən, Bolqarıstan 2020-ci ildən etibarən "Şahdəniz-2" layihəsi çərçivəsində hasil olunan təbii qazdan hər il 1 milyard kubmetr alacaq.

Bundan əlavə, 2017-ci ilin iyul ayında Sofiyada SOCAR-la "Bulgartransgaz" arasında imzalanmış anlaşma memorandumuna əsasən, tərəflər Bolqarıstana və bu ölkə vasitəsilə başqa Cənub-Şərqi Avropa ölkələrinə əlavə təbii qaz tədarükü imkanlarını araşdıracaqlar.

14.03.2019 19:32 / Baxılıb: 56 / Çap
 
    Bu bölmədə
     Xəbər lenti
    25.05.2019
    24.05.2019
     
    2019 All right reserved www.azadinform.az Powered by Danneo