20 nəfər Avrasiya xidmət mükafatına layiq görülüb

AZADİNFORM. Türkiyənin nüfuzlu ictimai təşkilatlarından olan Avrasiya İqtisadi Əlaqələr Dərnəyi (“EkoAvrasya”) Türkiyə ilə Avrasiya ölkələri arasında dostluğun möhkəmlənməsinə töhfə verən aydınları mükafatlandıracaq.

Azadinform xəbər verir ki, “EkoAvrasya” İdarə Heyətinin son toplantısında qurumun təsis etdiyi “Avrasiya xidmət mükafatı”nın laureatları müəyyənləşib.

Dərnəkdən verilən məlumata əsasən, “Avrasiya xidmət mükafatı”na Ərşad Salihi (İraq Türkmən Cəbhəsinin başqanı), Derviş Eroğlu (Şimali Kipr Türk Cümhuriyyətinin sabiq prezidenti), Adil Əliyev (Azərbaycan millət vəkili), Aqil Ələsgər (Azərbaycan “Yeni Çağ” Media Qrupunun rəhbəri), Refat Çubarov (Krım-Tatar Milli Məclisinin sədri) da daxil olmaqla, ümumilikdə 20 nəfər layiq görülüb.

“EkoAvrasya”nın təsis etdiyi “Avrasiya xidmət mükafatı”nın təqdimetmə mərasimi martın 20-də Ankarada keçiriləcək.

16.02.2019 13:40 / Baxılıb: 113 / Çap
 
    Bu bölmədə
     Xəbər lenti
    25.05.2019
    24.05.2019
     
    2019 All right reserved www.azadinform.az Powered by Danneo