Saatlıda mənzilləri soyan saxlanılıb

Samir Soltanov/AZADİNFORM. Saatlıda mənzillərdən oğurluq edən şəxs saxlanılıb. 

DİN-in Mətbuat Xidmətinin Şirvan şəhərində regional qrupundan Azadinform-a verilən məlumata görə, Saatlı rayon Qarayevkənd kənd sakini Ramil Əzizov Rayon Polis Şöbəsinə ərizə ilə müraciət edərək yaşadığı evdən 80 manat dəyərində məişət əşyalarının oğurlandığını bildirib. 

Saatlı RPŞ-nin əməkdaşlarının keçirdikləri əməliyyat-axtarış tədbirləri ilə oğurluğu törətməkdə şübhəli bilinən rayonun Orta Muğan kənd sakini, əvvəllər məhkum olunmuş Hüseyn Hüseynzadə saxlanılıb. 

Dindirilmə zamanı H.Hüseynzadə törətdiyi cinayət əməlini etiraf edib. Aparılan araşdırmalar zamanı onun digər oğurluq əməlində də iştirakının olduğu məlum olub. Belə ki, onun ötən il dekabr ayının 30-da başqa bir mənzildən ümumi dəyəri 2070 manat olan qızıl-zinət və məişət əşyalarını oğurladığı məlum olub. Oğurladığı əşyalar ondan maddi sübut kimi götürülüb. 

Faktla bağlı Saatlı RPŞ-nin İstintaq bölməsində araşdırma aparılır.

10.01.2019 10:25 / Baxılıb: 214 / Çap
 
    Bu bölmədə
     Xəbər lenti
    24.03.2019
    23.03.2019
     
    2019 All right reserved www.azadinform.az Powered by Danneo