ABŞ Rusiyaya qarşı sanksiyaları genişləndirib

ABŞ Suriyaya neft tədarükünə dəstək verdiklərinə görə 6 fiziki və 3 hüquqi şəxsə sanksiya tətbiq edib.

Azadinform TASS-a istinadən xəbər verir ki, bu barədə ABŞ-ın Maliyyə Nazirliyi məlumat yayıb. 

Onların arasında Rusiyanın “Global Vision Group” və “Promsıryoimport” şirkətləri, həmçinin sonuncunun baş direktorunun birinci müavini Andrey Doqayev də var.

Bununla yanaşı, siyahıya İranın “Tadbir Kish” şirkətinin də adı daxil edilib. Suriyaya İran neftinin idxalının əsas təşkilatçısı kimi “Global Visin Group” şirkətinin sahibi, Suriya vətəndaşı Məhəmməd Əmir əş-Şvikinin adı hallanır.

Ağ Evin yüksək rütbəli rəsmisinin sözlərinə görə, “İran-Rusiya şəbəkəsi”nin sayəsində Suriya iqtidarı İrandan milyonlarla barel neft alır, İran isə bunun müqabilində aldığı yüz milyonlarla dollar vəsaiti İnqilab Keşikçiləri Qvardiyasını, həmçinin "Həmas" və "Hizbullah" kimi təşkilatları maliyyələşdirməyə sərf edir.

20.11.2018 23:08 / Baxılıb: 81 / Çap
 
    Bu bölmədə
     Xəbər lenti
    14.12.2018
     
    2018 All right reserved www.azadinform.az Powered by Danneo