UEFA ÇL-də III tura 8 oyunla start veriləcək - Bu gün

Adəm Abbaslı/AZADİNFORM. Bu gün UEFA Çempionlar Liqasının üçüncü turuna 8 oyunla start veriləcək.

Azadinform xəbər verir ki, “E” qrupunda Yunanıstanın AEK komandası doğma meydanda Almaniyanın “Bavariya” kollektivini qəbul edəcək. Qrupun digər oyununda isə Portuqaliya “Benfika”sı səfərdə Hollandiya “Ayaks”ının qonağı olacaq.

İki turdan sonra “E” qrupuna aktivlərində 4 xal olan "Ayaks" və "Bavariya" başçılıq edir. “Benfika” 3 xalla üçüncü, xalı olmayan AEK isə dördüncü yerdədir.

“F” qrupunda yer alan İngiltərə çempionu “Mançester Siti” səfərdə Ukraynanın “Şaxtyor Donetsk” komandasının qonağı olacaq. Almaniyada isə “Hoffenhaym”la “Lion” (Fransa) qarşılaşacaq.

Bu qrupa 4 xalla “Lion” başçılıq edir, 3 xalla “Mançester Siti” ikinci, “Şaxtyor Donetsk” 2 xalla üçüncü, “Hoffenhaym” isə 1 xalla dördüncü yerdə qərarlaşıb.

İki turdan sonra “G” qrupunun dörd xalla liderlik edən Rusiyanın ÇSKA-sı səfərdə İtaliyanın “Roma” komandasının qonağı olacaq. Digər oyunda isə “Real Madrid” İspaniyada qrupun autsayderi “Viktoriya Plzen”i (Çexiya) sınağa çəkəcək.

Turun maraq doğuran oyunu İngiltərənin "Old Traford" stadionunda keçiriləcək. Burada “Mançester Yunayted” və “Yuventus” (İtaliya) qarşılaşacaq.

Bu komandalar arasında ilk oyun 1972-ci ilə təsadüf edir. Həmin görüş “Qırmızı şeytanlar”ın 1:0 hesablı qələbəsi ilə başa çatmışdı. Ümumilikdə isə komandalar 12 dəfə qarşılaşıblar. Hər iki komandanın aktivində 5 qələbə var. İki oyun heç-heçə başa çatıb. Qrupun digər oyununda İspaniya “Valensiya”sı İsveçrənin “Yanq Boyz” kollektivinin qonağı olacaq.

Qeyd edək ki, UEFA-nın yeni reqlamentinə əsasən AEK–“Bavariya” və “Yanq Boyz”-“Valensiya” matçları Bakı vaxtı ilə saat 20:55-də, digər qarşılaşmalar isə saat 23:00-da başlayacaq.

23.10.2018 09:30 / Baxılıb: 691 / Çap
 
    Bu bölmədə
     Xəbər lenti
    17.11.2018
     
    2018 All right reserved www.azadinform.az Powered by Danneo