Qəbiristanlıqda çətənə kolu becərən Quba sakini saxlanılıb

Samir Soltanov/AZADİNFORM. Qubada qəbiristanlıqda çətənə becərən şəxs saxlanılıb. 

Daxili İşlər Nazirliyinin Mətbuat xidmətinin Quba regional qrupundan Azadinform-a bildirilib ki, daxil olmuş məlumat əsasında Quba rayon Polis şöbəsinin (RPŞ) əməkdaşları tərəfindən həyata keçirilən əməliyyat-axtarış tədbirləri nəticəsində narkotik vasitələrin qanunsuz dövriyyəsi ilə məşğul olmaqda şübhəli bilinən, əvvəllər dəfələrlə məhkum olunmuş rayon sakini Rövşən Axundov saxlanılıb. 

Hal şahidlərinin iştirakı ilə onun üzərinə baxış zamanı sağ cibindən siqaret kağızına bükülmüş qurudulmuş marixuana, həmçinin R.Axundov tərəfindən rayon ərazisində yerləşən qəbiristanlığın ərazisində xüsusi aqrotexniki qaydada qulluq edilərək becərilmiş hündürlüyü 90-168 sm olan 6 ədəd çətənə bitkiləri aşkar olunaraq götürülüb. 

Rövşən Axundov cətənə kollarını özü əkdiyini etiraf edib. 

Faktla bağlı Quba RPŞ-də araşdırma aparılır.

18.08.2018 10:44 / Baxılıb: 94 / Çap
 
    Bu bölmədə
     Xəbər lenti
    17.11.2018
     
    2018 All right reserved www.azadinform.az Powered by Danneo