X Qəbələ Beynəlxalq Musiqi Festivalının bağlanış mərasimi keçirilib

Qəbələ Mədəniyyət Mərkəzində təşkil olunan, Heydər Əliyev Fondunun təşkilatçılığı, Gilan Holdinqin dəstəyi ilə keçirilən X Qəbələ Beynəlxalq Musiqi Festivalının bağlanış mərasimi və yekun konserti baş tutub.

Azadinform xəbər verir ki, Üzeyir Hacıbəyov adına Bakı Musiqi Akademiyasının rektoru Fərhad Bədəlbəyli, Azərbaycan Dövlət Filarmoniyasının direktoru Murad Adıgözəlzadə, Aysel Teymurzadə və bir sıra tanınmış incəsənət xadimləri iştirak ediblər.

Festivalın bədii rəhbərlərindən biri, İsrailin Yerusəlim Simfonik Orkestrinin dirijoru, Dmitri Yablonski çıxışında diqqətə çatdırıb ki, Azərbaycan öz musiqi mədəniyyəti ilə hər zaman fərqlənir.

Sonda səhnə Yerusəlim Simfonik Orkestrinin ixtiyarına verilib.

Dünya şöhrətli italiyalı dirijor Roberto Molinellinin rəhbərliyi ilə keçən konsertdə orkestri italiyalı solist Kiara İsotton (soprano), Adil Axundov (tenor), Samir Cəfərov (tenor), Məhərrəm Hüseynov (bariton), gürcü solist Giorgi Çelidze (bas), Türkiyədən Mine Kurtoğlu (soprano) və Elnarə Məmmədova (soprano) müşayiət ediblər.

Konsertdə dünya şöhrətli bəstəkarlar Üzeyir Hacıbəyli, C.Puççini, S.Raxmaninov, C.Verdi, V.A.Motsart, R.Molinelli, J.Massnenin əsərləri səsləndirilib.

Qeyd edək ki, iyulun 30-dan avqustun 8-dək davam edəcək festivalın builki proqramı əvvəlki illərdə olduğu kimi, yenə də çox zəngin olub. Festivala Rusiya, İsrail, ABŞ, İsveçrə, Avstriya, Kuba, Macarıstan, Türkiyə, İspaniya, İtaliya, Gürcüstan kimi ölkələrdən dünya şöhrətli dirijor, ifaçı və kollektivlər, həmçinin Azərbaycanın tanınmış musiqi kollektivləri dəvət olunub.

7.08.2018 22:27 / Baxılıb: 188 / Çap
 
    Bu bölmədə
     Xəbər lenti
    15.10.2018
     
    2018 All right reserved www.azadinform.az Powered by Danneo