Neftçi klubu növbəti transferin reallaşdıra bilib

Eşqin Nuruşov/AZADİNFORM. Transfer çalışmaların davam etdirən “Neftçi” klubu daha bir futbolçu ilə heyətini gücləndirib.

Azadinform xəbər verir ki, “ağ qaralar” xorvatiyalı yarımmüdafiəçi Qoran Paratski ilə müqavilə imzalayıb. 31 yaşlı yarımmüdafiəçi növbəti mövsümün sonuna qədər “Neftçi”nin uğurları üçün çalışacaq. Yeni futbolçu komandamızın heyətində 6 nömrəli forma ilə mübarizə aparacaq.

Qeyd edək ki, Qoran Paratskinin son klubu Avstraliyanın “Vellinqton Poenix” klubu olub. O, Xorvatiya millisinin gənclər yığmasında forma geyinib.

Xatırladaq ki, bundan əvvəl paytaxt təmsilçisi “Qəbələ”nin keçmiş hücumçusu Baqali Dabonu transfer etmişdi. Fransız hücumçu ilə ikiillik müqavilə imzalanıb.

Qeyd edək ki, “Neftçi” klubu Azərbaycan yığmasının yarımmüdafiəçisi Emin Mahmudov, Ruslan Abışov, Kirilo Petrov və Məhəmməd Mirzəbəyovla da müqaviləni yeniləyib. Həmçinin bundan öncə cinah müdafiəçisi Tural Axundov, xorvatiyalı mərkəz müdafiəçisi Slavko Braliç, yarımmüdafiəçi Rəşad Eyubov və braziliyalı hücumçu Dario Frederikonun keçidini rəsmiləşdirib.

Baş məşqçi Roberto Bordinin sözlərinə görə komandanın transfer çalışmaları davam edir.

24.06.2018 16:10 / Baxılıb: 181 / Çap
 
    Bu bölmədə
     Xəbər lenti
    20.07.2018
     
    2018 All right reserved www.azadinform.az Powered by Danneo