Cəzaçəkmə müəssisəsinə narkotik keçirilməsinin qarşısı alınıb

AZADİNFORM. Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 7 saylı cəzaçəkmə müəssisəsinə narkotik keçirilməsi cəhdinin qarşısı alınıb.

Xidmətin İctimaiyyətlə əlaqələr şöbəsindən Azadinform-a verilən məlumata görə, Cinayət Məcəlləsinin 221.2.1, 120.2.2 və 66.2.3-cü maddələri ilə təqsirli bilinərək 14 il müddətinə azadlıqdan məhrum edilmiş məhkum Həşimov Elvin Ağaverdi oğlunun yanına qısamüddətli görüşə gəlmiş atası Hacıqabul rayon sakini Həşimov Ağaverdi Xəliş oğlunun və onun bacısı oğlu Ələt qəsəbə sakini Babayev Valeh Xəlilağa oğlunun gətirdikləri sovqata və üzərlərinə baxış keçirilib.

Baxış zamanı V.X.Babayevin əynindəki şalvarın cibində olan sellofan bükülüdə 2,541 qram tiryək aşkarlanıb.

Faktla bağlı araşdırma aparılır.

15.06.2018 12:07 / Baxılıb: 247 / Çap
 
    Bu bölmədə
     Xəbər lenti
    21.09.2018
     
    2018 All right reserved www.azadinform.az Powered by Danneo