Serbiya prezidenti: Azərbaycanın maraqları baxımından Serbiyada görüləcək çox iş var

Adəm Abbaslı/AZADİNFORM. “Sizi ilk növbədə prezident seçkilərində böyük əminliklə əldə etdiyiniz qələbə münasibəti ilə təbrik edirəm və Azərbaycan xalqına firavanlıq arzu edirəm. Sizi Azərbaycan Xalq Cümhuriyyətinin 100 illiyi münasibəti ilə də təbrik etmək istəyirəm”.

Azadinform-un bunu bu gün Azərbaycan prezidenti İlham Əliyevlə geniş tərkibli görüşdə Serbiya prezidenti Aleksandr Vuçiç bildirib. 

Serbiya prezidenti deyib ki, Serbiya Azərbaycan üçün dost bir ölkədir: “Biz Bakıda özümüzü ən yaxın dostlarımızın evində hiss edirik. Cənab prezident, mən sizin fəaliyyətinizə xüsusi önəm verirəm. Siz ölkənizin suverenliyini və müstəqilliyini qoruyub saxlamaq üçün böyük səy göstərirsiniz, çünki çox gərgin bir şəraitdə ölkənizi firavanlıq yolu ilə irəli aparırsınız. Bununla yanaşı, sizin siyasətinizi dəstəkləyən ölkələrlə yaxşı münasibətlər qurmusunuz. Bu, çox çətin məsələdir. Biz Serbiya olaraq bu siyasətə çox böyük önəm verir və hörmət bəsləyirik. Hesab edirəm ki, bizim birgə görəcəyimiz işlər kifayət qədərdir”.

Serbiya Prezidenti deyib ki, Azərbaycanın maraqları baxımından Serbiyada görüləcək bir çox işlər var: "Eyni səviyyədə bizim də Azərbaycanda görə biləcəyimiz işlər çoxdur. İqtisadiyyatımız gücləndikcə Serbiya şirkətləri Azərbaycana cəlb oluna bilər. Bu il Serbiyada iqtisadi artım 4,5 faiz olub. Məndə olan məlumata görə, Azərbaycanın da qeyri-neft sektorunda 3 faiz artım olub. Bu münasibətlə Sizi səmimi-qəlbdən təbrik edirəm”.

21.05.2018 15:00 / Baxılıb: 508 / Çap
 
    Bu bölmədə
     Xəbər lenti
    18.10.2018
     
    2018 All right reserved www.azadinform.az Powered by Danneo