Paytaxtda civə satan şəxs saxlanılıb

Eşqin Nuruşov/AZADİNFORM. Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə Xəzər rayonunun Binə qəsəbəsi ərazisində bir nəfərin civə satmaq istəməsi barədə məlumat daxil olub. 

DİN-dən Azadinform-a verilən məlumata görə, Baş İdarənin əməkdaşları tərəfindən həyata keçirilən əməliyyat-axtarış tədbirləri nəticəsində həmin şəxs civəni 5000 manata satarkən cinayət başında yaxalanıb.

Araşdırmalarla onun Bakı şəhər sakini Ruzigar Əbişov, satmaq istədiyi güclü təsiredici xüsusiyyətə malik ağır metalın çəkisi 736,8 qram metalik civə olduğu müəyyən edilib. 

Saxlanılan şəxs götürülmüş maddi sübutla birgə istintaqa təhvil verilib. 

Faktla bağlı cinayət işi başlanılıb, araşdırma aparılır.

19.03.2018 13:58 / Baxılıb: 106 / Çap
 
    Bu bölmədə
     Xəbər lenti
    20.04.2018
    19.04.2018
     
    2018 All right reserved www.azadinform.az Powered by Danneo