"Qəbələ" "Keşlə" ilə səfər oyununda xal itirib

Futbol üzrə Azərbaycan Premyer Liqasında XX tura start verilib.

Azadinform-un məlumatına görə, ilk oyun günündə bir matç keçirilib.

“İnter Arena”da “Keşlə” və “Qəbələ” üz-üzə gəlib. Qarşılaşmada hesabı qonaqlar açıb. Baqali Dabo 32-ci dəqiqədə fərqlənib. Fasilədən sonra isə meydan sahiblərinin heyətində Voislav Stankoviç öz qapısını nişan alıb. Serbiyalı müdafiəçinin 59-cu dəqiqədə yol verdiyi kobud səhv həm də yekun nəticəni müəyyənləşdirib - 1:1.

Görüş baş hakim Ömər Paşayevin kobud səhvləri ilə də yadda qalıb. Gənc FİFA referisi 65-ci dəqiqədə "Qəbələ"nin qapısına aşkar penaltini təyin etməyib, 90+2-ci dəqiqədə isə "qırmızı-qaralar"ın qaydalar çərçivəsində vurduğu qolda ofsayd qeydə alıb.

Bu bərabərlikdən sonra komandaların turnir cədvəlindəki mövqelərində dəyişiklik baş verməyib. “Qəbələ” 39 xalla 2-ci, “Keşlə” isə 16 xalla 7-cı sıradadır.

Qeyd edək ki, XX turun digər 3 oyunu martın 14-də keçiriləcək. “Neftçi” “Qarabağ”ı, “Zirə” “Səbail”i, “Sumqayıt” isə “Kəpəz”i qəbul edəcək. 

13.03.2018 19:07 / Baxılıb: 239 / Çap
 
    Bu bölmədə
     Xəbər lenti
    17.12.2018
     
    2018 All right reserved www.azadinform.az Powered by Danneo