Barselona Çelsi matçının hakimi açıqlanıb

Çempionlar Liqasının 1/8 final mərhələsinə martın 14-də keçiriləcək 2 cavab oyunu ilə yekun vurulacaq.

Azadinform-un məlumatına görə, son qarşılaşmaların hakimləri artıq müəyyənləşib.

İlk olaraq meydana çıxacaq “Beşiktaş”la “Bavariya”nın duelində ingiltərəli Maykl Oliver ədalət təmsilçisi olacaq. Maraqlıdı ki, tanınmış referilər Martin Atkinson və Andre Marriner bu görüşdə əlavə köməkçi hakim funksiyasını yerinə yetirəcəklər.

UEFA “Barselona” – “Çelsi” oyununa isə Sloveniyadan olan hakimlər briqadasını göndərmək qərarına gəlib. Mərhələnin son görüşü Damir Skominaya tapşırılıb.

Qeyd edək ki, “Beşiktaş” – “Bavariya” matçı Bakı vaxtı ilə 21:00-da, “Barselona” – “Çelsi” dueli isə 23:45-də start götürəcək. İlk oyunda “Bavariya” öz meydanında böyük hesabla (5:0) qalib gəlibsə, digər cütlük İngiltərədə qollu bərabərliyə (1:1) imza atıb.

12.03.2018 21:36 / Baxılıb: 196 / Çap
 
    Bu bölmədə
     Xəbər lenti
    18.06.2018
    17.06.2018
     
    2018 All right reserved www.azadinform.az Powered by Danneo