SOCAR İstiqrazları üzrə aparılan təkrar bazar əməliyyatının məbləği açıqlanıb

Samir Soltanov/AZADİNFORM. Fevral ayında Azərbaycanın qiymətli kağızlar bazarında SOCAR İstiqrazları üzrə 57 əqd həyata keçirilib və 3 milyon 273 min 757 ABŞ dolları həcmində təkrar bazar əməliyyatı aparılıb. 

Azadinform xəbər verir ki, ötən ay təkrar bazarda 3 255 istiqraz alınıb-satılıb. İstiqrazların fevral ayı üzrə orta qiyməti 1 005,76 ABŞ dolları təşkil edib. 

Ümumilikdə, SOCAR İstiqrazlarının dövriyyəyə buraxıldığı 2016-cı ilin oktyabr ayından indiyədək ötən dövr ərzində istiqrazlarla əməliyyatların ümumi həcmi 136 milyon ABŞ dolları təşkil edib. 
Fevral ayı ərzində SOCAR İstiqrazları ilə REPO bazarında da yüksək fəallıq müşahidə edilib. Müşahidələr göstərir ki, getdikcə daha çox istiqraz sahibi REPO əməliyyatlarına müraciət edərək güzəştli şərtlərlə vəsait cəlb etməyə üstünlük verir. 
Ötən ay istiqrazlar üzrə 8 repo əməliyyatı aparılıb. İstiqraz sahibləri bu əməliyyatlar üzrə qiymətli kağızlar bazarından 5 milyon dollardan artıq vəsait cəlb ediblər. Vəsaitlər illik 3,5-4% faiz dərəcəsi ilə cəlb edilib
Xatırladaq ki, nominal qiyməti 1 000 ABŞ dolları, illik gəlirliyi 5% olan SOCAR İstiqrazları 100 milyon dollar həcmdə buraxılıb. İstiqrazların emitenti SOCAR şirkəti tərəfindən verilən “geri alma” zəmanətinə əsasən, bu kağızları istənilən vaxt azı nominal qiymətə alıb-satmaq mümkündür.

12.03.2018 10:36 / Baxılıb: 203 / Çap
 
    Bu bölmədə
     Xəbər lenti
    20.09.2018
    19.09.2018
     
    2018 All right reserved www.azadinform.az Powered by Danneo