Azərbaycanlı ovçunun müsahibəsi dünya mediasının gündəmində - Foto

Samir Soltanov/AZADİNFORM. “Azərbaycan brendi” layihəsi çərçivəsində peşəkar ovçu kimi dünyanı fəth edən Faiq Babanlı ilə müsahibə dünyanın bir çox ölkələrinin nüfuzlu internet portallarında və qəzetlərində geniş miqyasda dərc edilib. 

Azadinform xəbər verir ki, fərqli-fərqli başlıqlarda çap olunan yazıda qeyd olunur ki, həmyerlimiz ekstremal ovçu kimi dünyada nömrə birlər siyahısına düşüb və buna görə də dünyanın ən tanınmış ovçuları arasında onun da adı çəkilir. Müsahibədə ovçuluğun sirlərindən danışılır və peşəkar ovçuların ova gedərkən nəyə diqqət etməli olduğu məqamlara toxunulur: “Ovçunun öncə güclü hissiyyatı və enerjisi, həmçinin ətrafdakı təhlükəyə ani reaksiyası olmalıdır. İkincisi, peşəkar ovçuda böyük ürək olmalıdır. Ən vacibi də odur ki, ölüm mələyini tanımalısan. Dünyada mənim kimi vəhşi heyvan ovu edən çox azdır. Çünki ölüm qorxusu var”. 
Qeyd edilən müsahibə Misirin ən məşhur qəzeti olan “Əl-Əhram”ın portalında yayımlanıb. Həmçinin müsahibə Qırğızıstanın “Erkintoo” rəsmi dövlət qəzetinin saytında dərc edilib. Bununla yanaşı, yazını Qırğızıstanın “Kabar” dövlət xəbər agentliyi türkcə, “Goldenbridgenews.com” agentliyi isə ingiliscə yayımlayıb. Eyni zamanda Qazaxıstanın “Ttjk.kz” saytında da bu müsahibə yerləşdirilib. Türkiyənin “Göktürk” qəzeti də öz səhifəsində müsahibəyə yer ayırıb. Müsahibə Rusiya azərbaycanlılarının vahid informasiya portalı “AzRu.org”da da verilib.

Müxtəlif dillərə tərcümə olunmuş bu müsahibədə dünya şöhrətli ovçuların Azərbaycana gəlib ov etməsindən də danışılır: “15 ildən artıqdır ki, dünya şöhrətli insanlar mənim dəvətimlə Azərbaycana leqal ova gəlir və qonağım olurlar. Elə son gələnlərdən biri İsveç futbolçusu Zlatan İbrahimoviç idi. Yəni dünyada başqa tanınmış çox insanlar var ki, Azərbaycanda gəlib ov edirlər”. 
Faiq Babanlı müsahibədə Azərbaycanda ovçuluq turizmini inkişaf etdirmək üçün əlverişli şəraitin olduğunu qeyd edib.  
Qeyd: İnsan kapitalı üzərində brendləşməyə xidmət edən “Azərbaycan brendi” (Brand of Azerbaijan) layihəsi Prezident yanında QHT-lərə Dövlət Dəstəyi Şurasının üzvü, katibi Nərgiz Xələf və Diaspor Jurnalistləri Birliyinin sədri Fuad Hüseynzadə tərəfindən könüllü olaraq icra edilir. Layihənin məqsədi insan kapitalı faktorunu önə çəkmək, müxtəlif sahələrdə uğur əldə edib dünyaya səs salan azərbaycanlıları yerli və xarici ictimaiyyətin nəzərinə çatdırmaqdır.

 
Xarici medianın linkləri aşağıdakılardır:


http://gate.ahram.org.eg/News/1835993.aspx#.WpxD6PBwFko.facebook

http://erkintoo.kg/koom/p/vsemirno-izvestnyj-ohotnik-faig-babanly-v-azerbajdzhane-ya-sozdal-zhivuyu-kollekciyu-iz-zhivotnyh-na-kotoryh-ya-ohotilsya-v-bolee-chem-80-stranah-foto

http://kabar.kg/tur/news/dunyada-benim-gibi-y-rt-c-hayvan-av-yapanlar-cok-az/

http://www.goldenbridgenews.com/im-hunting-at-the-most-dangerous-wildery-where-no-human-foot-was-set-before/

http://ttjk.kz/2018/02/24/faig-babanly-ohotnik-dolzhen-obladat-silnym-predchuvstviem-i-energiej/

http://azru.org/vsemirno-izvestnyj-ohotnik-faig-babanly-dlya-povysheniya-interesa-k-azerbajdzhanu-v-mire-na-perednij-plan-nuzhno-vydvinut-chelovecheskij-faktor/

9.03.2018 10:57 / Baxılıb: 553 / Çap
 
Bu bölmədə
 Xəbər lenti
19.06.2018
18.06.2018
 
2018 All right reserved www.azadinform.az Powered by Danneo