Ən böyük hərbi büdcəsi olan ölkələrin adları açıqlanıb

ABŞ-ın Beynəlxalq Strateji Araşdırmalar İnstitutu (IISS) "Hərbi balans 2018" hesabatını dərc edib.

Azadinform xəbər verir ki, hesabatda 2017-ci il üzrə dünyanın 15 ən yüksək hərbi büdcəyə malik ölkələri göstərilib.

Hesabata əsasən, ötən il üzrə ən böyük hərbi büdcə ABŞ-da olub - 602,8 milyard dollar. Çin (150,5 milyard dollar) ikinci, Səudiyyə Ərəbistanı (76,7 milyard dollar) üçüncü sırada qərarlaşıb.

Dördüncü yeri ölkənin müdafiəsinə 61,2 milyard dollar xərcləyən Rusiya tutub. İlk beşliyi 52,5 milyard dollar ilə Hindistan qapayıb.

Sonrakı yerlərdə Böyük Britaniya (50,7 milyard), Fransa (48,6 milyard), Yaponiya (46 milyard), Almaniya (41,7 milyard), Cənubi Koreya (35,7 milyard), Braziliya (29,4 milyard), Avstraliya (25 milyard), İtaliya (22,9 milyard), İsrail (21,6 milyard) və İraq (19,4 milyard) qərarlaşıb.

14.02.2018 20:36 / Baxılıb: 167 / Çap
 
    Bu bölmədə
     Xəbər lenti
    20.08.2018
     
    2018 All right reserved www.azadinform.az Powered by Danneo