ABŞ Konqresində Trampın istefası ilə bağlı məsələ qaldırılacaq

ABŞ Konqresinin Nümayəndələr Palatasının üzvü El Qrin prezident Donald Trampın istefaya göndərilməsi ilə bağlı məsələni səsverməyə çıxaracağına söz verib.

Azadinform RİA "Novosti"-yə istinadən xəbər verir ki, bu dəfə konqresmen Trampı bəzi ölkələr barədə aşağılayıcı bəyanatlar səsləndirdiyi üçün impiçment etmək niyyətindədir.

“Konqresin rasist ritorikasını tənqid etməsi kifayət deyil. Gələn həftə mən yenidən prezident Trampın impiçmenti ilə əlaqədar qətnamə irəli sürəcəm ", - deyə E.Qrin "Twitter"də yazıb.

O, bu qətnamənin lehinə səs verəcəyinə söz verib.

Qeyd edək ki, ötən ilin dekabrında konqresmen analoji qətnaməni səsverməyə çıxarıb. Sənədin lehinə 58 deputat səs verib. Bu isə sənədin qəbul edilməsi üçün kifayət etməyib.

E.Qrinin qənaətinə görə, D. Trampın ritorıkası ölkədə ultrasağ qüvvələrin güclənməsinə yol açır və bu Amerika cəmiyyətinə zərər vurur. 

12.01.2018 22:38 / Baxılıb: 141 / Çap
 
    Bu bölmədə
     Xəbər lenti
    18.07.2018
     
    2018 All right reserved www.azadinform.az Powered by Danneo