Bir dəfə riyaziyyatçını gətirib qoydular ordunun başına ərazilərimizi itirdik

Leyla Məhərrəmova / AZADİNFORM. Ümumilikdə Silahlı Qüvvələr haqqında fikir yürütmək üçün həm beynəlxalq sahədə, həm də daxili vəziyyət haqqında təcrübəli olmalısan.Hər bir qanunun yaxşı və pis cəhətləri var. Heç bir qanun Quran ayəsi deyil, istənilən zaman dəyişdirilə bilər.

Azadinform xəbər verir ki, bunu Milli Məclisin deputatı Siyavuş Novruzov Silahlı Qüvvələr haqqında qanunun müzakirəsi zamanı deyib. O qeyd edib ki, sözügedən qanun mükəmməl hazırlanıb və qəbul edilməlidir.

Deputat deyib ki, Azərbaycan Respublikasının Silahlı Qüvvələri Ali Baş Komandan qarşısında hesabat verir: Bəzi şəxslər orduya ictimai nəzarət olmalıdır məsələsini qaldırır. Nə bilək ki, hansısa QHT peşəkardır ya deyil. Bu QHT təmsilçisi döyüş bölgələrinə gedəcək, nə bilmək olar ki, o düzülüş qaydasını bilir, ya bilmir. Hərbi xidmətdə olmayanlar da Silahlı Qüvvələrdən danışır, avtomatı versən heç söküb-yığa bilməz. Bu nəzəriyyə deyil, praktikadır.
Deputat deyib ki, ABŞ-da hərbi komitə qarşısında ordu hesabat verir, amma nəzərə almaq lazımdır ki, bizdə çağırış əsasında formalaşan ordudur: Vaxtilə ordumuzda müqavilə əsasında xidmət edənlərin sayı az idi.Prezident deyib ki, əsgər yemək bişirməməli, döşəmə yumamalıdır, hərbitaktika öyrənməlidir. Təsərrüfat işlərini görmək üçün digər şəxslər orduya cəlb edilməlidir. Yeni texnikanın, silah növlərinin üzərində işləmək üçün peşəkar şəxslər lazımdır.
Deputat deyib ki,bu sahəyə mütəxəssislər müqavilə əsasında cəlb edilir. S. Novruzov əlavəedib ki, ordu cəmiyyətdən qapalı olmalıdır.
Müdafiə Nazirliyinə mülki şəxslərin də cəlb edilməsi barədə səsləndirilən fikirlərə münasibətində deputat deyib ki, bir dəfə riyaziyyatçını gətirib qoydular ordunun başına: Gördük nə oldu? Ərazilərimizi itirdik. Həmin adamın adının Milli Məclisdə çəkilməsi layiq deyil. Biz müharibə şəraitində yaşayırıq, ordunun başında professional zabit dayanmalıdır. Ordunun mətbuat xidmətinin verdiyi açıqlamadan başqa heç bir KİV ordu haqqında məlumat yaymamalıdır.

15.12.2017 13:10 / Baxılıb: 175 / Çap
 
    Bu bölmədə
     Xəbər lenti
    23.04.2018
    22.04.2018
    21.04.2018
     
    2018 All right reserved www.azadinform.az Powered by Danneo