"Qəlbin yaddaşı" Leyla Əliyevanın şeirinə bəstələnmiş mahnı Video

Azərbaycanın xalq artistləri Fidan Qasımova və Xuraman Qasımova ümummili lider Heydər Əliyevə həsr olunmuş "Qəlbin yaddaşı" mahnısını təqdim ediblər. 

Bu kövrək kompozisiyanın sözləri Heydər Əliyev Fondunun vitse-prezidenti Leyla Əliyevaya, musiqisi isə Ruslan Zeynalova məxsusdur. 

Mahnı ilk dəfə bu ilin iyun ayında opera divarlarının Heydər Əliyev Sarayında keçirilən yaradıcılıq gecəsində səslənib və elə o vaxt dinləyicilərin qəlblərinə sirayət edərək tamaşaçıların diqqətinə hakim olub. Müəllif Leyla Əliyevanın qəlbinin dərinliklərindən gələn incə kəlmələr gözəl musiqi ilə birlikdə kompozisiyanın həsr olunduğu insanın - ümummilli lider Heydər Əliyevin obrazını canlandırır. Lakin bu dahi insan mahnıda siyasətçi və dövlət başçısı kimi yox, kövrəkcəsinə sevilən, yaxınlarının onun üçün darıxdığı sevimli baba kimidir. Bu ağrı və qüssəni Leyla xanım məharətlə göstərib ki, bunun sayəsində mahnı, gerçəkdən də, qəlbin dərinliklərinə sirayət edir, hər birimizi artıq yanımızda olmayan yaxınlarımızı xatırlamağa vadar edir. 
"Qəlbin yaddaşı" poeziya həvəskarlarına riqqətli və təsirli şeirləri ilə yaxşı tanınan Leyla Əliyevanın növbəti yaradıcılıq uğurudur. 
Əsər sevimli insana, Leyla Əliyevanın öz babasına layiqli ithafı, habelə hamımıza xatırlatmadır: yaxınlarınızı sevin və onları dəyərləndirin. (trend)

 

 

12.12.2017 15:04 / Baxılıb: 406 / Çap
 
    Bu bölmədə
     Xəbər lenti
    22.09.2018
     
    2018 All right reserved www.azadinform.az Powered by Danneo