Yaponiya İmperatoru Akihiton taxtdan nə vaxt imtina edəcək?

Yaponiya hökuməti İmperator Akihitonun 2019-cu il aprelin 30-da taxt-tacdan imtina etməsi barədə rəsmi qərar qəbul edib. Vəliəhd-şahzadə Naruhitonun isə mayın 1-də taxta çıxacağı planlaşdırılır.

NHK telekanalının verdiyi xəbərə görə, Yaponiya Nazirlər Kabinetinin dekabrın 8-də səhər keçirilən iclası zamanı nazirlər hazırda yaranan xüsusi vəziyyətlə əlaqədar taxtdan imtina ilə bağlı qəbul edilən qanunvericiliyin həyata keçirilməsi üçün dəqiq tarixi bəyəniblər.

Xatrıladaq ki, ötən həftə İmperator sarayı məsələləri üzrə şura həmin tarixi təsdiq etmişdi. Şuranın tərkibinə Baş nazir Şinzo Abe, paralmentin hər iki palatasının sədrləri, Ali Məhkəmənin hakimləri, həmçinin İmperator ailəsinin üzvləri daxildirlər.

İmperator Akihito son iki yüz ildə Edo dövrünün sonlarında İmpertor olmuş Kokakudan sonra taxtdan sağlığında imtina edən ilk monarx olacaq.

2019-cu ilin mayından başlayaraq, taxtdan imtina etmiş İmperator Akihito “Zyoko”, onun xanımı İmperatriçə Miçiko isə “Zyokoqo” adlanacaq.

Vəliəhd-şahzadə Naruhitonun kiçik qardaşı Akişino “Koşi” adlanacaq ki, bu da onun taxtın varisləri sırasında birinci olduğu mənasını verəcək. (Azərtac)

8.12.2017 09:50 / Baxılıb: 597 / Çap
 
    Bu bölmədə
     Xəbər lenti
    20.04.2018
     
    2018 All right reserved www.azadinform.az Powered by Danneo