"Ermənilərin biabırçı hərəkətləri YUNESKO-da pislənildi"

"Ermənilərin YUNESKO-da irəli sürdüyü təkliflərin böyük əksəriyyəti dəf olundu, onların biabırçı hərəkətləri pislənildi".

Azadinform-un məlumatına görə, bunu mədəniyyət və turizm naziri Əbülfəs Qarayev dolma hazırlama və paylaşma ənənəsinin və kamança hazırlanması və ifaçılıq sənətinin YUNESKO-nun Qeyri-maddi mədəni İrs üzrə Reprezentativ siyahısına daxil edilməsini şərh edərkən deyib. Nazir qeyd edib ki, regionda bir-birinə bağlı məsələlər çoxdur:

""Köçəri" rəqsi məsələsi ilə bağlı demək istərdim ki, türk dilində olan “köçəri” sözü bir yerdən başqa yerə köçmək mənasındadır. Biz növbəti toplantı üçün Azərbaycan xalqına və bütün bölgəyə aid olan rəqslərin faylını təqdim etmişik. Düşünürəm ki, bu da uğurla nəticələnəcək. Görün, nə qədər gözəl silsilə əmələ gəlir: muğam, tar və kamança YUNESKO-nun siyahısında daxil edilib. Bütün bunlara görə ölkəmizin birinci vitse-prezidenti Mehriban Əliyevaya təşəkkürümüzü bildirməliyik. Çünki Mehriban xanımın YUNESKO səviyyəsində gördüyü böyük işlər göz qabağındadır".  

7.12.2017 21:36 / Baxılıb: 52 / Çap
 
    Bu bölmədə
     Xəbər lenti
    16.12.2017
    15.12.2017
     
    2017 All right reserved www.azadinform.az Powered by Danneo