Qusarda körpünün kabelini kəsən şəxslə bağlı cinayət işi açılıb Foto

Samir Soltanov/AZADİNFORM. Qusarda körpünü işıqlandıran elektrik kabelini kəsən şəhər sakini saxlanılıb. 

Azadinform xəbər verir ki, bu barədə DİN-in Mətbuat Xidmətinin Quba regional qrupu məlumat yayıb. Məlumata görə, Qusar RPŞ əməkdaşlarının keçirdikləri əməliyyat-axtarış tədbirləri nəticəsində noyabrın 15-də şəhərin Azadlıq küçəsi ilə M. Əbilov küçəsinin kəsişməsindəki körpünü işıqlandıran elektrik kabelini kəsərək dövlət əmlakına maddi ziyan vuran şəhər sakini saxlanılıb. RPŞ-də dindirilmə zamanı əvvəllər məhkum olunmuş Zedik Əlifxanov 200 metr naqili kəsdiyini etiraf edib. Oğurlanmış naqil maddi sübut kimi götürülüb. 
Aparılan əməliyyat tədbirləri nəticəsində Z.Əlifxanovun törətdiyi daha bir faktın üstü açılıb. Məlum olub ki, keçən ilin iyul ayında bu şəxs həmin ərazidən eyni üsulla 100 metr elektrik kabelini kəsərək dövlət əmlakına maddi ziyan vurub. 
Faktla bağlı Qusar RPŞ-də Z.Əlifxanovla bağlı cinayət işi açılıb, araşdırmalar aparılır.

24.11.2017 10:48 / Baxılıb: 189 / Çap
 
Bu bölmədə
 Xəbər lenti
17.12.2017
16.12.2017
 
2017 All right reserved www.azadinform.az Powered by Danneo