Füzulidə YAP-ın 25-ci il dönümü qeyd olunub

Adəm Abbaslı/AZADİNFORM. Horadiz şəhərində Heydər Əliyev adına Parkda Yeni Azərbaycan Partiyasının yaradılmasının 25-ci ildönümü münasibətilə ümumrayon tədbir keçirilib.

Tədbirdə rayon İcra Hakimiyyətinin başçısı Alı Alıyev, rayonun idarə, müəssisə və təşkilatlarının, hüquq mühafizə orqanlarının əməkdaşları, icra nümayəndələri, bələdiyyələr, ziyalılar və ictimaiyyət nümayəndələri iştirak ediblər. Tədbir iştirakçıları əvvəlcə Heydər Əliyev adına Parkda Ulu öndərin abidəsini ziyarət edib, önünə gül-çiçək dəstələri düzərək xatirəsinə ehtiramlarını bildiriblər. 

Tədbirdə çıxış edən rayon İcra Hakimiyyəti başçısı Alı Alıyev bildirib ki, Azərbaycanın tarixinə unudulmaz və möhtəşəm bir gün kimi daxil olan 1992-ci il noyabrın 21-i respublikamızın ictimai-siyasi həyatında yeni tarixin başlanğıc nöqtəsi sayılır: Ümummilli lider Heydər Əliyevin qurucusu olduğu Yeni Azərbaycan Partiyasının keçdiyi şərəfli yoldan, əldə etdiyi uğurlardan bəhs edən Alı Alıyev Azərbaycanın müstəqil, demokratik, sivil dövlət kimi qurulması və möhkəmləndirilməsində, vətəndaş cəmiyyəti quruculuğunda əsas rol oynayan YAP-ın yaranmasını ölkəmizdə cərəyan edən hadisələrin yekunu və mövcud ictimai-siyasi şəraitin məntiqi nəticəsi olduğunu vurğulayıb. 

Alı Alıyev qeyd edib ki, Prezident cənab İlham Əliyevin Sədri olduğu və bu gün 700 mindən çox insanı sıralarında birləşdirən YAP müstəqilliyimizin, demokratik, hüquqi, dünyəvi dövlətimizin möhkəmləndirilməsi və dayanıqlı sosial-iqtisadi inkişafın təmin olunması proseslərində daim yaxından iştirak edir.

YAP Füzuli rayon təşkilatının sədri Almaz Həşimova və digərləri çıxış edərək partiyanın keçdiyi inkişaf yolundan, qazandığı nailiyyətlərdən və cəmiyyətin ictimai-siyasi və sosial-iqtisadi həyatında fəal iştirakından bəhs ediblər.  

Sonra Yeni Azərbaycan Partiyası sıralarına qəbul olunan bir qrup gəncə partiya biletləri təqdim edilib.

21.11.2017 14:20 / Baxılıb: 386 / Çap
 
Bu bölmədə
 Xəbər lenti
17.12.2017
16.12.2017
 
2017 All right reserved www.azadinform.az Powered by Danneo