YAP-ın yaranması müasir Azərbaycan dövlətçiliyi tarixində dönüş nöqtəsi idi - İlham Əliyev

Adəm Abbaslı/AZADİNFORM. “25 il əvvəl 91 vətənpərvər insan ulu öndər Heydər Əliyevə müraciət edərək partiyanın yaradılması missiyasını üzərinə götürməyi xahiş edib”.

Azadinform-un məlumatına görə, bunu Azərbaycan prezidenti İlham Əliyev Yeni Azərbaycan Partiyasının (YAP) yaradılmasının 25 illiyinə həsr edilmiş təntənəli yubiley mərasimində söyləyib.

Dövlət başçısı deyib ki, ulu öndərin sədrliyi ilə partiyanın Naxçıvanda təsis konfransı keçirilib: “Bu, böyük tarixi hadisə idi. O vaxt AXC-Müsavat cütlüyü partiyanın təsis konfransının Bakıda keçirilməsinə imkan verməyib. Müxtəlif bölgələrdən olan 500-dən çox nümayəndə Naxçıvana gələrək konfransda iştirak edib. Bu, müasir Azərbaycan dövlətçiliyi tarixində dönüş nöqtəsi idi”.

Heydər Əliyevin bütün dövrlərdə Azərbaycan xalqı qarşısında xidmətlərini vurğulayan prezident İlham Əliyev bildirib ki, Heydər Əliyevin hakimiyyəti dövründə ölkə hərtərəfli inkişaf edib: “1990-cı illərin əvvəlində Azərbaycanda hakimiyyətdə olanlar xalqın inamını itirmişdi, ölkə demək olar ki, idarə olunmaz vəziyyətə düşmüşdü. Xaos, anarxiya hökm sürürdü, rüşvətxorluq ölkəni bürümüşdü. Torpaqlarımız işğal altında düşmüşdü, iqtisadi və sənaye böhranı yaşanırdı. Bütün bunlar Azərbaycan üçün böyük təhlükə yaradırdı. Xalq etimad göstərdiyi Heydər Əliyevə müraciət etdi və Yeni Azərbaycan Partiyasının yaradılması zərurətə çevrildi. Partiyanın yaradılması Azərbaycanın müstəqilliyə gedən yolunu açdı. Bu gün Yeni Azərbaycan Partiyası öz sıralarında 700 mindən çox insanı birləşdirir".

14.11.2017 17:22 / Baxılıb: 42 / Çap
 
    Bu bölmədə
     Xəbər lenti
    22.11.2017
     
    2017 All right reserved www.azadinform.az Powered by Danneo