AzMİU-da Müasir dövrün su problemləri müzakirə edilib Fotolar

Samir Soltanov/AZADİNFORM. Bu gün Azərbaycan Memarlıq və İnşaat Universitetində (AzMİU) “Azərsu” ASC və Memarlıq, inşaat elminə və tədrisin inkişafına yardım xeyriyyə fondunun təşkilatçılığı ilə Azərbaycanda şollar su kəmərinin çəkilməsinin 100 illiyinə həsr olunmuş “Müasir dövrün su problemləri” adlı elmi-praktik konfrans keçirilib. 

Azadinform xəbər verir ki, konfransda universitetin professor-müəllim heyəti, doktorant və magistrləri ilə yanaşı, “Azərsu” ASC-nin sədr müavini Seymur Seyidov, sədrin müşaviri Çingiz Abdullayev, cəmiyyətin Sukanal ETLİ-nin direktoru Çingiz Qurbanov iştirak edib. Konfransa qatılanlar arasında Qazaxıstandan gələn nümayəndə heyəti də olub. 

Konfransı giriş nitqi ilə açan AzMİU-nun Elm və texnika işləri üzrə prorektoru, professor Arif Şərifov iştirakçıları və qonaqları salamlayıb, konfransın işinə uğurlar arzulayıb.  
AzMİU-nun Mühəndis sistemləri və qurğularının tikintisi kafedrasının müdiri Nurməmməd Məmmədov konfrans nümayəndələrini salamlayaraq tədbirin çox aktual mövzuya həsr edildiyini, müzakirələrin maraqlı keçəcəyinə ümidvar olduğunu bildirib. 
“Azərsu” ASC-nin sədrinin müşaviri Çingiz Abdullayev çıxışında Şollar-Bakı Su Qurğuları Kompleksinin 100 illik yubileyi günlərində keçirilən belə tədbirlərin su sektorunda mövcud vəziyyətin, problemlərin öyrənilməsi və onların həlli yollarının müəyyənləşdirilməsi baxımından səmərəli olduğunu iştirakçıların diqqətinə çatdırıb. O, təmsil etdiyi qurumun istehlakçılara göstərilən içməli su təchizatı və kanalizasiya xidmətlərinin yaxşılaşdırılması istiqamətində mühüm layihələr həyata  keçirdiyini, Bakı şəhəri və ətraf qəsəbələrdə, eləcə də regionlarda su təchizatı və kanalizasiya sistemlərinin yenidən qurulması istiqamətində işlərin bu gün də səmərəli şəkildə davam etdirildiyini vurğulayıb. 
Konfransın ilk plenar iclasında AzMİU-nun müəllimi, texnika üzrə fəlsəfə doktoru Asif Kəngərli “Bakının su təchizatı tarixindən” adlı məruzə ilə çıxış edib. Sonra konfrans öz işini bölmə iclaslarında davam etdirib.  Onu da qeyd edək ki, konfrans 2 gün davam edəcək.

14.11.2017 14:51 / Baxılıb: 261 / Çap
 
Bu bölmədə
 Xəbər lenti
22.11.2017
 
2017 All right reserved www.azadinform.az Powered by Danneo