Putin: Türkiyə Atom Elektrik Stansiyası ilə bağlı çox tələsik davranır

AZADİNFORM. Rusiyanın baş naziri Vladimir Putin Mərsində inşa ediləcək Atom Elektrik Stansiyası ilə bağlı Türkiyənin çox tələsik davrandığını deyib. “Azadinform” TRT-yə istinadən xəbər verir ki, Rusiyanın Türkiyədə atom stansiyası tikəcəyini bildirən Putin Türkiyənin baş naziri ilə danışdığını, onun da bu məsələdə tələsdiyini deyib:

 “Hər şey planlaşdırdığımız kimi gedir. Türkiyə qanunvericiliyindən irəli gələn bəzi problemlər var. Orada işləyən hər xariciyə qarşılıq ən az 5 türk olmalıdır. Amma nüvə layihələrində bu, çox çətindir. Çünki yüksək səviyyəli mütəxəssislər lazımdır. Türkiyədə isə hələlik belə mütəxəssislər yoxdur. Amma əminəm ki, olacaq. Yəni hər şey yolunda gedəcək”.